प्रेरितों के काम 11

यहुदियाता प्रेरितगेलाइ कालाउ दाइ-ओनेगेलाइ खान्धुरि मापाका यहुदिगेलाइबुङ परमेस्वरको सिक्स्या सुइकार पाका थाहा गिहि | 2 जेलाउ पतरूस यरुसलेम भारि घुरिहि हेथेते यहुदि खान्धुराइगेलाइ वाको दोफा इङ्को बिसयता काथा पासुहि |(बहस पाहि) 3 ओबलाइ दोअ्हि,''ना उङ्को खान्धुरि मापाकाइको साता हानिना,ना इन्सिका द्याङ्गेलाइ दोफा योम्तेङ उम चान्हा!'' 4 पतरुस ओबालाइहेङ गोताङ काथा पाहि पाहिपा दोअ्पि | 5 वा दोअ्हि,''का जोप्पा सहरता हिघाखा , का दोमचाकाइतेङ हिघाखा ओदोङ बेला एलोङ दर्सन निङ्घा | इङ्को दर्सनता का बारका धावा भाइका आधे बादेलसो लेता खुअ्तेङ हिका तिङ्घा | इङ्को धावाहेङ कोरपाहाङ्सोङ चाअ्तेङ हिघाहि, इङ्को काङ्को हिकाता लोहि | 6 जेलाउ का लिता खाङ्घा,का इन्ता द्यालोङ खोअ्कोइ हिका गोपुसगेलाइ कालाउ झारभारिको गाइ-पिया,सेसालाइतेङ हिगिल्का पुहिया-जातको प्रानि लोकारा खुवागेलाइ कालाउ बादेलको जिहा जुइलेङ गोताङ तिङ्घा | 7 कालाउ एलोङ गालाहोइ कासेहेङ दोअ्तेङ हिका हिङ्घा,'ल्हो पतरुस ! हिदोइबुङ आमेने चाका मान्थुघा जेदोङ आखेका कालाउ असुद्द हि |' 8 कालाउ का दोअ्घा,का हेलाउबुङ एन्सा पाका मान्थुघा,प्रभु ! का इन्सिका हिदोइबुङ आमेने चाका मान्थुघा जेदोङ आखेका कालाउ असुद्द हि |' 9 कालाउबुङ बादेलसो लोका गालाहोइ आरुङ दोअ्हि,परमेस्वर घोसाना पाका हि कि इदोइ गोताङ आमेनेगेलाइ सुद्द हि | ओदोङ भाअ्सिङ ना इङ्कोगेलाइहेङ आखेका मासोचे ! 10 इन्सिका सुमखे जेङ्हि कालाउ न्हुसो गोताङ आमेने बादेल भारि चुम्पुहि | 11 कोकोङ समयता का हिका साता सुमि द्याङ्गेलाइ लोहि , उङ्को सुमि द्याङ्गेलाइ सिजरिया सहरसो काङ्को भाअ्सिङ दिङ्गिल्का हिघाहि |' 12 आत्मासो कासिहेङ आना-कानि मापासिङ हाने दोअ्हि ,उङ्को तुमि झना दाइ-ओनेगेलाइबुङ का दोफा हानिहि | केलाइ कर्नीलियासको साता हानिन्हाहि | 13 कर्नीलियास साता जाअ्तेङ हिका स्वर्गदुतहेङ तिङ्का काथा पाहि | स्वर्गदुत वासिहेङ दोअ्हि,'आधेमि द्याङगेलाइ जोप्पा भारि दिङ्गिल कालाउ सिमोन पतरुसहेङ लोलि दोअ्तेङ नेउता पिसु | 14 वा नेलाइहेङ इङ्को काथा दोअ्तावा ज्याइ नासिहेङ कालाउ नाङ्को साता हिका झाराङ द्याङगेलाइहेङ बान्चिपावा | 15 जेलाउ का भासन पालि तेङ्घा,पबित्त्तरो आत्मा नेलाइकोता एसाङ्दोङ लोहि जेसाङ लाङ पाल्ति (पालती)केलाइकोता लोका हिघाखे | 16 कालाउ कासेहेङ प्रभु येसुको बचनको फोम लोहि प्रभु दोअ्का हिघाहि,यु:हान्ना द्याङ्गेलाइहेङ चिको बप्तिस्ता पिहि,कालाउ, ना पबित्त्तरो आत्मासो बप्तिस्ता जेनाना | 17 प्रभु उङ्को द्याङ्गेलाइहेङ ओदोङ उपहार पिहि जेदोङ केलाइहेङ पिका हिघाखे ज्याइ प्रभु येसु: ख्रिस्त हुता खान्धुरिपाहि , जेलाउ का हासु रो ? परमेस्वरको काम बन्द पाका ? 18 जेलाउ यहुदि खान्धुराइगेलाइ यिदोइ काथागेलाइ हिङ्हि, ओबालाइ गालाबाजि पालि लाअ्हि | ओबालाइ परमेस्वरको बाखानाइ पाहि, कालाउ दोअ्हि, ''परमेस्वर खान्धुरिमापाका यहुदिगेलाइहेङ्बुङ हृदय परिबर्तन पालि कालाउ केलाइको भाइकाङ जिवन निङ्लि अनुमति पिहि |'' 19 स्तिफनस सेन्हातेङ न्हुसो मेनाङ मारेम्फा साताइन्हालि तेङ्हि ओदोङ भाअ्सिङ खान्धुराइगेलाइ द्यापाहाङ आउल्लिगिल्लिहि ,हेथेते खान्धुराइगेलाइ फोनिसिया,साइप्रस कालाउ एन्तिओक भाइका दुरे-दुरे थामेगेलाइता हानिहि | कालाउ ओबालाइ यहुदिगेलाइहेङ खिनिङ ये-बानाल सिङ्पाहि | 20 हेथेते उङ्को खान्धुराइगेलाइ साइप्रस कालाउ साइरेनिको नागरिकगेलाइ हिघाहि , जेलाउ उङ्को द्याङ्गेलाइ एन्तिओक लोहि,इम्बालाइ ग्रिकगेलाइदोफाबुङ नुइ धुइलि तेङ्हि कालाउ ओबालाइहेङ प्रभु येसु:बिसयता ये:बानाल दोअ्हि | 21 प्रभुको सरबुङ ओबालाइदोफा हिघाहि, कालाउ बारका जेर्ता द्याङ्गेलाइ प्रभुहेङ खान्धुरिपालि तेङ्हि कालाउ वाको भाइपाङ पाहि | 22 एन्तिओकता नावा खान्धुराइगेलाइ हिका बानालगेलाइ यरुसलेमको मन्दलिता थुकाहि | ओदोङ भाअ्सिङ इम्बालाइ बर्नाबासहेङ एन्तिओकता दिङ्गिल्हि | 23 वा इन्ता लोतेङ परमेस्वरको अनुग्रह तिङ्तेङ मेनाङ लेङ्चाहि,कालाउ इम्बालाइ झाराङ्हेङ गोताङ हृदयहोइ प्रभुदोफा खान्धुरि जेङ्तेङ हिलि हाउसाइ पाहि | 24 हाइपालि पानु वा रेम्का,पबित्त्तरो आत्मा कालाउ खान्धुरिहोइ पोङ्घातेङ हिका द्याङ हिघाहि | द्याङ्गेलाइको बारका जेर प्रभुता थोपिन्हाहि 25 कालाउ न्हुसो साउलहेङ भोअ्लि बार्नाबास टार्ससता हनिहि, वा सावलहेङ भोतेङ हिघाहि | 26 जेलाउ साउलहेङ वा निङ्हि कालाउ बर्नाबास वासेहेङ एनतिओक चुम्पुहि ,सावल कालाउ बार्नाबास इन्ता पुरा ए साबारा थेकापा हि: इम्बालाइ इन्ता मण्डलिको चाउघारा, सा गेलाइता भाग र्हुहि ,कालाउ हेन्जा द्याङ्गेलाइहेङ सिक्स्या पिहि | लाङ पोल्ति एन्टिओकता खान्धुरिराइगेलाइहेङ ''ख्रिस्तयनगेलाइ'' दोअ्हि | 27 ओदोङ समयता आधे अगमबक्तागेलाइ यरुसलेमसो एन्तिओक भारि हानिहि | 28 ओबालाइ मध्येसो अगाबास मिङ हिका एमि ओल्लितेङ सारा सुमिङ भरि बार्का अनिकाल जेङ्लि तोम्का हि दोअ्तेङ पबित्त्तरो आत्मासो अगम्बानी पाहि (क्लोडयासको सासनकालता जेङ्हि) | 29 कालाउ चात्यागेलाइ झाराङ ताइ-ताइको पिलि दोका जति यहुदियाता हिका ओनेगेलाइको साहायाता भाअ्सिङ भेति पिगिल्हि निसित पाहि | 30 इम्बालाइ एन्साङ पाहि,कालाउ बार्नाबास कालाउ साउलको खुरसो इम्बालाइ भेति एल्डरगेलाइहेङ पिगिल्हि |