प्रेरितों के काम 9

कोकोङ बेला सावल यरुसलेमता प्रभुको चात्यागेलाइहेङ आरुङ झन थिपाकाताङ कालाउ इम्बालाइहेङ से:लि भोतेङ हिघाहि | ओदोङ भाअ्सिङ वा प्रधान धामिकोता हानिहि | 2 सावलले प्रधान धामिहेङ दमिसकको सहरता चाउघारागेलाइको यहुदिगेलाइहेङ ख्रिस्तको दामा चाकालाइहेङ भोतेङ उल्लिपालि वासेहेङ खाबारा पिकाताङ चिठिगेलाइ लेखेलि र्हेहि | वा एदि हिदोइबु वाबाल बेबालखान्धुरि पाकालाइहेङ दुसुहि पानु इम्बालाइहेङ रिमतेङ यरुसलेम घुरिपातेङ चुमालि निनाको दोअ्तेङ पुर्जि बानाइहि | 3 जेलाउ सावल दमिसक हानिहि,कालाउ वा सहरको भेर्पा थुकाहि,''आचानक बादेलसो चिल्काका वाको कोरपहाङ चिल्का चिल्काहि 4 सावल भनोइता थुन्हाहि,वा एलोङ गाला वाकोङ दोफा धुइका हिङ्हि,''सावल,सावल,! ना कासेहेङ हाइपालि साताइखेना ?'' 5 सावल,दोअ्हि,''ना हासु को प्रभु ?''उङको गालाहोइ जोबाफ पिहि,''का येसु:ज्याइहेङ ना दुःख पिदोङ्खेना ?'' 6 ल्हो कालाउ सहर भारि हाने,इन्ता हासुबुङ नासेहेङ हाइपालि गोइका हि दोअ्पियावा |'' 7 सावल दोफाङ हानिकाताङ पाका द्याङ्गेलाइ इन्ता थिङ्गापा जाअ्तेङ हिघाहि,उङको द्याङ्गेलाइ गाला हिङ्हि कालाउबुङ हिसोबुङ हासुबुङ मातिङ्हि 8 सावल भोनोइता थोबिन्हाहि,वाको मिसिया आन्हाहि कालाउबुङ हाइबुङ तिङ्लि मादोहि | ओदोङ भाअ्सिङ सावलदोफा लोका द्याङ्गेलाइ वाको खुर चातेङ वासेहेङ दमस्कस थेकापा चुम्पुहि | 9 सुम्नि थेकापा सावल ना ते खाङ्लि दोहि,ना ते चाहि ना ते आम्हि 10 दमस्कसता येसु:को एअ्मि चात्या हिघाहि , वाको मि ह्ननिया हिघाहि, प्रभु ह्ननियादोफा सपनाता दोअ्हि,''ह्ननिया ! ह्ननिया जोबाफ पिहि,''का इता हिघा प्रभु |'' 11 प्रभु ह्ननियाहेङ दोअ्हि,''ल्हो कालाउ सोझाका मिङ्को गोल्लि दोअ्का गोल्लिभारि हाने, यहुदाको सा पात्ता लागाइ,टासर्स दोअ्का थामेको सावल मिङ'' हिका द्याङ्हेङ भोअ् वा एला इन्ता दोमचाकाइतेङ हि 12 सावल दर्सन तिङ्हि,ताइको सपनाता वा ह्ननिया दोअ्का द्याङ ताइमि हिका भारि लोहि कालाउ वाको खुरगेलाइ ताइको हुता ताअ्पिहि ज्याइपाहा वा आरोङ तिङ्लि द्वाको |'' 13 कालाउ ह्ननिया उतरा पिहि,हेन्जा झना कासेहेङ उङ्को द्याङ्को बिसयता दोअ्लि दोअ्काहि , इम्बालाइ दोअ्हि यिदोइ द्याङ यरुसलेमता नाङ्को पबित्त्तरो द्याङ्गेलाइहेङ हेथे सानताइका हि | 14 एला वा दमस्कसता ठुकाकाहि,मुख्य धामिगेलाइ नाङ्कोता खान्धुरि पाका द्याङ्गेलाइ झाराङ्हेङ रि्म्लि दोअ्तेङ वासेहेङ खाबारा पिका हि |'' 15 कालाउ प्रभु ह्ननियाहेङ दोअ्हि,''हाने ! का सावलहेङ काङ्को बिसयता राजागेलाइ;यहुदिगेलाइ कालाउ आरू भेनेङ जातिगेलाइहेङ दोअ्पिलिको भाअ्सिङ एलोङ पात्तरो रूपता सालका हिघा | 16 कालाउ ह्ननिया इन्तासो यहुदाको सा भारि दामा चाहि,वा ताइको खुर सावलको ता ताअ्हि कालाउ दोअहि,''सावल,काङ्को ओने,प्रभु येसु:ज्याइ ''ना'' लोलाउ दामाता देखा पिहि वा कासेहेङ नाङ्कोता दिङ्गिल्का हि;कालाउ ''ना''आरोङ मिसिया तिङ्लि द्वाको दोअ्तेङ कालाउ पबित्त्तरो आत्मा पाहा ना 'पोङ्घातेङ हि |'' 17 ओदोङ्घुरि,हायाको से गेलाइ भाइका आधे वाको मिसियासो हुल्हि , सावल आरोङ मिसिया तिङ्लि दोअ्का जेङ्हि कालाउ ल्होतेङ बप्तिस्ता र्हुहि | 18 ओदोङ्घुरि,हायाको से गेलाइ भाइका आधे वाको मिसियासो हुल्हि , सावल आरोङ मिसिया तिङ्लि दोअ्का जेङ्हि कालाउ ल्होतेङ बप्तिस्ता र्हुहि | 19 कालाउ न्हुसो आ आतुइसा उम चातेङ जिउता आरोङ सरबुङ निङ्हि , सावल येसु:को चात्यागेलाइदोफा दमिसकता हिपा भरि इन्ताङ हि | 20 धेमाङ वा यहुदिगेलाइको चाउघारा सागेलाइता येसु:को बारेता बानाल पालि तेङ्हि | वा द्याङ्गेलाइहेङ दोअ्हि,''येसु:परमेस्वरको चान दोङ |'' 21 झाराङ द्याङ्गेलाइ सावलको इन्सिका काथा हिङ्तेङ भाङ-भाङ हि | इम्बालाइ दोअ्हि,''उङ्को ओदोङ द्याङ माको ज्याइ यरुसलेमता हिघाहि कालाउ इङ्कोङ मिङ्ता खान्धुरिपाका द्याङ्गेलाइहेङ नासा पालि भोगाखे ? हाइ वा इन्ता येसु:को चात्यागेलाइहेङ रिम्लि कालाउ इम्बालाइहेङ यरुसलेमको बारका धमिगेलाइकोता चुम्पुलि लोका माको रो ?'' 22 कालाउ सावल झन- झन प्रभावसालि जेङ्हि कालाउये:सु दोङ ख्रिस्त हिका हि दोअ्काता दमिसकता हिका यहुदिगेलाइहेङ आवाइ तुअ्पाहि | 23 हेन्जा दिना न्हुसो यहुदिगेलाइ सावलहेङ से:लि योजनागेलाइ बानाइहि | 24 यिदोइ यहुदिगेलाइ झेउपाङ सहरको फिनुता सावलहेङ दाउ खान्तेङ हिघाखे,ओबालाइ वासेहेङ से:लि भोघाखे ,कालाउ सावल ओबालाइको योजना गिलिदोका हिघाहि | 25 एअ्नि न्हिसिन्ता वाको आधिमि खान्धुराइगेलाइ इङ्को सहरसो खाअ्लि साघाइ पाहि,इम्बालाइ सावलहेङ एलोङ दोकोता ह्वातेङ सहरको बेरेमसो एलोङ काना बानाइतेङ लेता खुअ्पाहि | 26 कालाउ न्हुसो सावल यरुसलेम भारि हानिहि,वा खान्धुराइगेलाइको जेर दोअ्फा जोम्लालि खाङ्घाखे, ओबालाइ चाहि वा सो थिहि | हाइपालिपानु सावल जातिङ्को येसु:चात्या दोअ्तेङ खान्धुरि मापाहि | 27 कालाउ बर्नाबास वासेहेङ सुइकार पाहि कालाउ प्रेरितगेलाइकोता चुमाहि कालाउ हेसा सावल दमिसकको दामाता प्रभुहेङ तिङ्का हिघाहि कालाउ हेसा प्रभु वाको दोफा नुइ धुइहि इन्सिका इम्बालाइहेङ बर्नन पाहि | कालाउ वा हिदोइबुङ खालको माथिसिङ येसु:को बारेता दमिसकता हेसा पातेङ बानाल पाहि इङ्कोबुङ दोअ्पिहि | 28 कालाउ सावल खान्धुरागेलाइ दोअ्फाङ हि,वा जोसो ओसोङ ताइमिङ पोसिन्हातेङ (निर्भर जेङ्तेङ) यरुसलेमता प्रभुको बानाल पाकाताङ हानिहि 29 कालाउ सावल खान्धुरागेलाइ दोअ्फाङ हि,वा जोसो ओसोङ ताइमिङ पोसिन्हातेङ (निर्भर जेङ्तेङ) यरुसलेमता प्रभुको बानाल पाकाताङ हानिहि 30 जेलाउ चात्यागेलाइ इङ्को काथा थाहा गिहि कि कालाउ चात्यागेलाइ सावलहेङ सिजरिया दोअ्का सहरता चुम्पुहि इन्तासो इम्बालाइ वासेहेङ टार्सस सहरता दिङ्गिल्हि 31 एसापा द्यापाहाङ यहुदिया,गालिल कालाउ सामारियाताको मन्डलिगेलाइता सान्ति लोहि ,खान्धुराइगेलाइको जेरता मिलिहि हाइपालिपानु ओबालाइ प्रभुहेङ थितेङ हिघाहि कालाउ पबित्त्तरो आत्माहोइ हाउसाका बानाइका हिघाहि |ओदोङ भाअ्सिङ खान्धुराइगेलाइ जेरता हिन्जा द्याङ थोपिन्हाहि | 32 पतरुस यरुसलेमको द्यापाहाङ गोताङ सहरभारि हानिहि,वा उङ्को खान्धुराइगेलाइहेङ भेतिहि (दुसुहि) ज्याइ लिडाता हिखे | 33 लिडाता वाको एमि येए बासारसो गाइलि खोअ्का कालाउ मेनाङ मासाधितेङ हिका एनियास दोअ्का द्याङ दोफा दुसुहि | एनियास ताइको सिघाउसो हिसोबुङ चोलिलि मादोअ्घाखे | 34 पतरुस वासेहेङ दोअ्हि,''एनियास,येसु:ख्रिस्त नासिहेङ एल्पालि द्वाङ,ल्हो कालाउ नाङ्को सिघाउ तोअ् |''एनियास एन्सालाउदोङ जाराखजुरुखपा ल्होहि | 35 लिडा कालाउ सारोनता झाराङ द्याङ्गेलाइ वासेहेङ तिङ्हि कालाउ प्रभु येसु:ता खान्धुरि बाधिपाहि |(बारि पाहि)| 36 जोप्पा दोअ्का सहरता येसु:को एमि ताइको सामान्दाको मामिन्दि हिघाहि,वाको मिङ तबिता हिघाहि ,वाको ग्रिक मिङ डोरकस हिघाहि ज्याइको माने ''हरिनि'' वा द्याङ्गेलाइको भाअ्सिङ दिनाङ रेमका काम गेलाइको भाअ्सिङ दिनाङ रेमका काम गेलाइ पाका हिघाहि कालाउ खाचोता हिकालाइ जेलाउबुङ ताका पिघाखे | 37 पतरुस लिडा ता हिलाउ तबिता मिसा लोतेङ सिहि, इम्बालाइ वाको जिउहेङ चुउपातेङ साको हुत्ताको तालाता ताअ्हि | 38 जोप्पाता हिका चात्यागेलाइ पतरुस लिडाता हिघाहि दोअ्का हिङ्हि, लिडा जोप्पाको भेरपा हिघाहि , ओदोङ भाअ्सिङ इम्बलाइ पतरुसकोता न्हेमि द्याङ्गेलाइ दिङ्गिल्हि | इम्बालाइ वासेहेङ सेउपाहि,''दाया पातेङ केलाइ हिका थामेता मारफा लोपि |'' 39 पतरुस तियार जेङ्तेङ धेमा ओबालाइ दोफा हानिहि , जेलाउ वा थुकाहि ओबालाइ वासिहेङ हुत्ताको तालाको कोठाता चुम्पुहि | गोताङ के' सि:का राडि गेलाइ पतरुसको कोरपाहाङ खार्काताङ पाहि ओबालाइ मन आउलिपाङ खारहि कालाउ कापाल फेतेङ आउलिपाङ दुःख पातेङ हिघाहि | तबिता सिन्हुपाङ हिलाउ वाको जोका कमिजगेलाइ कालाउ आरू धावा-लोखनगेलाइ ओबालाइ तिङ्पाहि | 40 पतरुस उङ्को झाराङ्हेङ कोठा बाहार दिङ्गिल्हि, कालाउ वा तिरु थोहि कालाउ दोमचाकाइहि, कालाउ वा तबिताको सि:का जिउभारि घुरिहि कालाउ दोअ्हि,''तबिता जुरुक्कपा ल्हो |''जेलाउ वा पतरसहेङ तिङ्हि,वा ल्होतेङ योम्हि | 41 पतरुस वासेहेङ खुरहोइ चातेङ ल्होपाहि,कालाउ वा खान्धुराइगेलाइहेङ काइहि,के' सि:का बेबालगेलाइहेङ कोठा लिता काइहि | वा तबिता सिन्हुका ओबालाइ हेङ तिम्पाहि ! 42 जोप्पाको द्यापाहाङको द्याङ्गेलाइ इङ्को घाटानाको बारेता हिङ्हि, हेन्जा झना प्रभुहेङ खान्धुरि पाहि | 43 पतरस जोप्पाता हेन्साङ दिना थेकापा हि | वा सिमोन मि हिका घालेका काम पाका दोफा हि:हि !