प्रेरितों के काम 8

वाको सेअ्काता साउलबुङ सहमति हिघाहि,कोकोङ दिना यरुसलेमता जेङ्का मण्डलिको बिरुदृता बार्का सताइका सुरु जेङ्हि,कालाउ प्रेरितगेलाइ बाहेक इम्बालाइ झाराङ यहुदिया कालाउ सामारियाको थामेभारि चिलबिल्गिलहि | 2 भक्त द्याङ्गेलाइ स्तिफनहेङ चुम्पुतेङ लि:हि,कालाउ वाको भाअ्सिङ बार्का मन आउलिपाहि (बिलाप)| 3 कालाउ साउल चाहि सा-साता दुल्तेङ खान्धुरि पाकालाइहेङ से:लि भोगाखे कालाउ वा वाबाल कालाउ बेबालाइ झाराङ्हेङ लेथाराइतेङ कालाउ हेरतेङ झ्यालखानाता थुनिपुहि | 4 कालाउ ज्याइ गेलाइ द्यापाहाङ चिलिबिलि जेङ्तेङ आउलिगिल्हि,जेता ओबालाइ हानिहि इन्तासोङ परमेस्वरको ये:बानाल द्याङ्गेलाइहेङ हिङ्पाहि | 5 फिलिप सामारिया सहरता हानिहि कालाउ ख्रिस्तको बारेता बानाल पाहि | 6 द्याङ्गेलाइ इन्ता फिलिप सारबुङ्गेलाइ पाका हिङ्हि कालाउ तिङ्हि | फिलिपको दोअ्का काथा गेलाइता द्याङ्गेलाइको जेर एअ् मनहोइ ध्यान पितेङ हिङ्घाखे | 7 हेन्जा जोसो द्याङ्गेलाइ दुस्त आत्मा खोका (भेटेका) हिघाहि ,कालाउ दुस्त आत्मागेलाइ आहुतेङ र्हिकाइतेङ द्याङ्गेलासो बाहार उल्हितेङ हानेहि | गाइलि खोका कालाउ लेग्ग्रा द्याङ्गेलाबुङ एल्हि | 8 यिदोइ भाअ्सिङ इङ्को सहरता द्याङ्गेलाइ मेनाङ सुकापा हिघाहि | 9 कालाउ इङ्को सहरता सिमोन मिङ पाका एमि द्याङ हिघाहि, फिलिप इन्ता लोलि खान्तेङ आन्चाङ वा जादुतामासा तिङ्पातेङ हिघाहि कालाउ सामारियाको द्यागेलाइहेङ भार्भुसाइका पा-पाका हिधाहि| सिमोन बल दितेङ ताइमिहेङ महान द्याङ दोअ्तेङ दाबि पाधाखे | 10 गरिब द्याङ (दोका द्याङ) गेलाइसो बार्का धनि द्याङ्गेलाइ सिमोन दोफा खुब ध्यान पिहि |इम्बालाइ दोअ्हि, इदोइ द्याङ्ता इस्वररिय सरबुङ हि, वासिहेङ 'महान सरबुङ ' दोअ्खे !” 11 सिमोन ताइको जादु-तामासा पाहासो द्यागेलाइहेङ हेन्जा समयसोङ वाकोदोफा भेरपाङ बानाइका हिघाखे हाइपालिपानु वा सरबुङ तिङ्पातेङ वाको भक्त द्याङ्गेलाहेङ बानाइका हिघाहि | 12 कालाउ फिलिप द्याङ्गेलाइहेङ परमेस्वरको सारभिको बिसयता ये:बानाल कालाउ येसु:ख्रिस्त मिङ्को बारेता दोअ्पिहि | वाबाल -बेबालगेलाइ ज्याइ खान्धुरि पाहि इम्बालाइ बप्तिस्ता र्हुहि | 13 सिमोन ताइमिङ खान्धुरि पाहि कालाउ बप्तिस्ता र्हुहि , फिलिप एकदम भेरपा योम्हि | वा फिलिप पाका सरबुङ्गेलाइ कालाउ माहान कामगेलाइ तिङ्हि,सिमोन भारबुसाइ हि | 14 प्रेरितगेलाइ एन्सालाउ थेकापा यरुसलेमतादोङ हिघाहि, इम्बालाइ सामारियाको द्याङगेलाइ परमेस्वरको बचनहेङ सुइकार पाहि दोअ्का काथा हिङ्हि | ओदोङ भाअ्सिङ इम्बालाइ पतरुस कालाउ यु:हान्नाहेङ सामारिया दिङ्गिल्हि | 15 जेलाउ इम्बालाइ सामारिया थुकाहि,इम्बालाइ सामारियाको खान्धुरिराइगेला पबित्त्तरो आत्मा निनाको दोअ्तेङ दोमचाकाइ हि | 16 उङ्को द्याङ्गेलाइ प्रभु येसु:को मिङ्ता बप्तिस्ता र्हुका हिघाहि,कालाउबुङ पबित्त्तरो आत्मा इम्बालाइकोता हासुदोफाबुङ लोका मान्थुघाखे | इदोइ भाअ्सिङ पतरुस कालाउ यु:हान्ना दोमचाकाइहि | 17 कालाउ उङ्को प्रेरितगेलाइ ओबालाइको खुर द्याङ्गेलाइकोता ताअ्पिहि कालाउ ओबालाइ पबित्त्तरो आत्मा निङ्हि | 18 प्रेरितगेलाइ द्याङ्गेलाइहेङ खुर ताअ्पिलाउ ओबालाइ हुसो पबित्त्तरो आत्मा पिका सिमोन तिङ्हि | ओदोङ भाअ्सिङ सिमोन प्रेरितगेलाइहेङ ताका तिङ्पाकाताङ 19 कालाउ दोअ्हि,''' यिदोइ सरबुङ कासेहेङ्बुङ पि,ताकि जेलाउ का हासुकोबुङ हुता खुर ताअ्लाउ वा पबित्त्तरो आत्मा निनाको |'' 20 पतरुस वासेहेङ दोअ्हि,''ना कालाउ नाङ्को ताका सुधाङ नासातेङ हानाको ! हाइपालि पानु ना सोचिन्हा कि प्रभुको उपहार ताका होइ चोल्लि द्वाना | 21 यिदोइ कामता केलाइ दोफा अङ्सो ग्रहन पालि माद्वाना, हाइपालि पानु नाङ्को हृदय परमेस्वर दोफा रेम्का मान्थु | 22 नाङ्को हृदय बदेलिया कालाउ इङ्को मारेम्का कु-कामगेलाइसो दुरे जेङ एलाउङ्दोङ, प्रभुता दोमचाकाइ,दोलीदोनु नाङ्को इन्सिका सोचिका पाकागेलाइ वा स्यामा पाप्याङ | 23 हाइपालि पानु नाङ्को मन बोमिहेङ एर्साहोइ पोङ्घाका कालाउ पापको खाबाराता हिका का तिङ्खा |'' 24 सिमोन जवाफ पिहि,''नेलाइ काङ्को भाअ्सिङ प्रभुता दोमचाकाइ पिसु, दोम चाकाइ पिसु कि नेलाइको दोअ्का हिदैइबुङ काथा का हुत्ता माघत्यायाको |'' 25 कालाउ न्हुसो,उङको न्हेमि प्रेरितगेलाइ ताइको गवाहि पिहि कालाउ प्रभुको सान्देस हिङ्पाहि, कालाउ न्हुसो ओबालाइ यरुसलेम घुरिहि | ओबालाइ हानिकाताङ पालाउ सामारियाको हेन्जाङ सहरगेलाइ पाहासो हानिहि जेता-जेता दुल्काताङ हानिहि | ओसोङ द्याङ्गेलाइहेङ ये:बानाल पाहि | 26 परमेस्वरको एअ्मि दुत फिलिपहेङ दोअ्हि,धेमा तियार जेङ कालाउ माहेपाहा हाने , यरुसलेमसो गाजा भारि हानिका दामा हाने इङ्को दामा मारालाका भोनोइ जेङ्तेङ दामा पातेङ हानिखे |'' 27 कालाउ फिलिप तियार जेङ्तेङ हानिहि, दामाता वा एमि एथियोपियाको द्याङ्हेङ तिङ्हि ज्याइ नपुसक हिघाहि | वा एथियोपिया सारभिको रानि कन्द्किको बारका खाबारा निङ्का हिघाहि,वा रानिको गोताङ ताकाको जिम्बार हिघाहि,उङ्को द्याङ आराधाना पालि यरुसलेम हानिका हिघाहि | 28 एला वा ताइको रथता योमतेङ साभारि घुरितेङ हानिघाखे, वा अगमबक्ता यसैयाको किताब पढेतेङ हिघाहि | 29 आत्माता फिलिपहेङ दोअ्हि,''इङ्को रथता हाने कालाउ वाको भेरपा योम |'' 30 जेलाउ फिलिप रथको भेरपा धाअ्तेसाङ हानिहि कालाउ उङ्को द्याङ पढेतेङ हिका हिङ्हि | वा यसैया अगमबक्ताको पुस्तक पढेतेङ हिघाहि | फिलिप वासेहेङ दोअ्हि,''हाइ ना पढेका काथा बुझिखेना ?'' 31 उङ्को द्याङ दोअ्हि,''का हेसा बुझिलि द्वाङ्कारो ? कासेहेङ इसिका द्याङ्को खाचो हि ज्याइ कासेहेङ यिदोइ ब्याख्या पातेङ बुझि पापिलि दोअ्खे |'' कालाउ न्हुसो वा फिलिपहेङ वाको भेरपा लोतेङ योमलि काइहि | 32 वाको पधेकाताङ पाका धर्मसास्त्तरता इसिका लेखेका हिघाहि: ''जेसाङ भेडा मेसा से:लि चुम्पुखे भेडा मेसाको पान्ठाचान जेसाङ मुइसा चेकाको दोफा सिकापा हिखे एन्साङ वा सिकापा जाअ्तेङ हि | 33 वासेहेङ खुजुलाइहि कालाउ वाको खाबारागेलाइ धिङ्हि, पृथ्विता वाको जिबन दोहि, कालाउ वाको पुस्ताको बिसयता दोअ्लि हासु योग्यो जेनाङ ला ?'' 34 कालाउ अधिकारि फिलिप हेङ दोअ्हि,''दायापातेङ कासिहेङ दोअ्पि अगमबक्ता हासुको बिसयता दोअ्का हि ? वा ताइमिकोङ बारेता कि आरु भेनेङ द्याङ्को बिसयता दोअ्का ?'' 35 फिलिप दोअ्पिलि तेङ्हि,वा इदोइ धर्मसास्त्तरको अङ्स पाहासो सुरु पाहि कालाउ वासेहेङ येसु:को बिसयता ये:बानाल हिङ्पाहि | 36 ओबालाइ दामाता हानिकाताङ पालाउ चि,हिका थामेता थुकाहि | अधिकारि दोअ्हि,'' खाङ्सु  ! इता चि हि ! हासु कासेहेङ बप्तिस्ता र्हुकासो लाअ्पालि द्वावारो ?'' 37 फिलिप दोअ्हि,''एदि गोताङ हृदयसो दोङ खान्धुरि पाहे पानु ना बप्तिस्ता र्हुलि द्वाना |''वा जोबाफ पिहि ''येसु:ख्रिस्तदोङ परमेस्वरको चान हि,दोअ्तेङ का खान्धुरि पाङ्का |'' 38 कालाउ नपुसक रथ रोकिलि लागाइहि,फिलिप कालाउ नपुसक उधिन्हेमि चि हिका थामेभारि खुअ्हि कालाउ फिलिप वासेहेङ बप्तिस्ता पिहि | 39 जेलाउ ओबालाइ चि सो बाहार ओल्लितेङ तिकारता लोहि प्रभुको आत्मा फिलिपसो धिङ्नाहि नपुसक वासेहेङ आरूङ हेलाबुङ मातिङ्हि | नपुसक ताइको सा को दामा चाहि,वा मेनाङ लेङ्चाका हिघाहि | 40 कालाउ फिलिप अस्दोदको सहरता तिङ्चालाहि | वा सिजिरियाको सहर भारि हानिकाताङ हिघाहि अस्दोदसो सिजरिया हानिलाउ दामाता परिका गोताङ सहरता वा ये:बानाल हिङ्पाहि |