प्रेरितों के काम 7

बार्का धामि स्तिफनसहेङ दोअ्हि,''हाइ यिदोइ काथागेलाइ सत्ये हि ?'' 2 स्तिफनस उतर पिहि,''काङ्को यहुदि आबागेलाइ कालाउ दाइ-ओनेगेलाइ,कासिहेङ ध्यान पातेङ हिङ्पिसु , केलाइको आजाइ-आजुगेलाइ (पुर्खा) आब्राहामको आगाता महिमामय परमेस्वर प्रकट जेङ्हि | आब्राहाम एन्सालाउ मेसोपोतामियाता हिघाहि | यिदोइ वा हारानता हिलाउ खान्तेङ लाम्फाको काथा हिघाहि | 3 परमेस्वर आब्राहामहेङ दोअ्हि,''नाङ्को सारभि कालाउ इन्ताको नाङ्को द्याङ्गेलाइहेङ लाअ् कालाउ इङ्को सारभिता हाने,का नासेहेङ तिङ्प्याङ्का |' 4 ओदोङ भाअ्सिङ अब्राहाम कल्दि सारभि लाअ्हि कालाउ हारानाता हिलि हानिहि | आब्राहामको आबाको सि:काको न्हुसो वासेहेङ परमेस्वर इङ्को थामेता दिङ्गिल्हि,जेता एला ना हिखेना | 5 कालाउ वा आब्राहामहेङ यिङ्को मिलिङ्को हिदोइबुङ एलोङ टुक्रा ताइको बानाइलि पिहि,खालि वाको ए फुट खिनिङ मापिहि , भरु प्रतिग्या पाका भबिस्यता इङ्को मिलिङ वाको कालाउ वाको उताराधिकारिको जेनावा | कालाउ इङ्को बेला आब्राहामको हिदोइबुङ चान चामेन्दि मान्थुघाखे | 6 परमेस्वर वासेहे दोअ्हि,''नाङ्को सान्तानगेलाइ यिदोइ थामे लाअ्लि गोयाङ कालाउ बोमिको सारभिता भेनेङ थामेता परदेसिको रूपता हिलि गोइस्वाना | इन्ताको द्याङ्गेलाइ इम्बालाइहेङ बान्धाइति (दास)बानायावा कालाउ द्यासाइ बासार थेकापा सानताइतेङ ताअ्तावा | 7 कालाउ का इङ्को सारभिहेङ दण्ड प्याङ्का जेदोङ सारभि नेलाइहेङ बान्धाइति (दास) बानायावा |' परमेस्वर एसा दोअ्खे,जेलाउ नाङ्को द्याङ्गेलाइ इङ्को सारभिसो ओल्लितेङ लावा कालाउ इम्बालाइ यिदोइ थामेता कासेहेङ आराधाना पावा |'' 8 परमेस्वर अब्राहामकोदोफा एलोङ करार पाकाहि; यिदोइ करारको चिन्हा चाहि खतना हिघाहि खतनाको माने (झाराङ चानको चाहि तातुइको फोङ्काको धाले ल्हेलि) |'' जेलाउ आब्राहामको चानको जोलोम जेङ्हि,इङ्को येए(एअ्) दिनाको जेङ्लाउ वा खाताना पापिहि | वाको चानको मिङ इसाहाक हिघाहि | कालाउ न्हुसो वा ताइको चान याकुबको बुङ खाताना पाहि , न्हुसो याकुबबुङ ताइको चानगेलाइहेङ एन्साङ पाहि | उङ्को चानगेलाइ न्हुसो तेन्हे झना आबागेलाइ जे 9 कालाउ न्हुसो उङ्को आबागेलाइ युसुफदोफा( डाहा) चेरताङ्पाहि , युसुफहेङ मिस्रो सारभिता बान्धाइति बानाइलि पिहि ,युसुफदोफा परमेस्वर हिघाहि | 10 युसुफहेन्जा दुःख कस्त गेलाइ भोगिल्हि गोइहि,कालाउ परमेस्वर वासेहेङ इङ्को गोताङ दुःख कस्तगेलाइसो बान्चिपाहि , फिरउन मिस्रो सारभिको राजा हिघाखे | वा युसुफहेङ मन्दाताअ्हि कालाउ आदार पाहि,हाइपालिपानु युसुफता परमेस्वरसो निङ्का ग्यान हिघाहि | वा युसुफहेङ मिस्रो सारभिको हाकिम बानाइहि | कालाउ वासेहेङ वाको साको गोताङ द्याङ्गेलाइहेङ सासन पालि खाबारा पिहि | 11 कालाउ ओदोङ समय गोताङ मिस्रो सारभि कालाउ कानानता अनिकाल जेङ्का हिघाहि | अनिकालहोइ द्याङ्गेलाइहेङ कस्त जेङ्हि | केलाइको पुर्खागेलाइ चाका-आमका हाइदोङ निङ्लि मादोहि | 12 याकुब इन्ता मिस्रो सारभिको भाकारगेलाइता से उमको रास हि दोअ्का थाहा गिहि | ओदोङ भाअ्सिङ वा केलाइको आजाइ-आजुगेलाइहेङ (पुर्खागेलाइहेङ) इन्ता दिङ्गिल्हि | इम्बालाइ इङ्को झाराङ खान्तेङ लाम्फाको पाक पाका (यात्रा) मिस्रो सारभि हिघाहि | 13 कालाउ आरोङ न्हुसो इम्बालाइ इन्ता हानिहि, इङ्को बेला युसुफ ताइको ओनेगेलाइहेङ वा हासु को दोअ्पिहि, कालाउ फिरउन युसुफको जाहानको बारेता गिलि निङ्हि | 14 कालाउ युसुफ वाको आबा याकुबहेङ मिस्रो सारभिता नेउता पालि आधिमि द्याङ्गेलाइ दिङ्गिल्हि | वा गोताङ ताइकोगेलाइहेङ बुङ नेउता पिहि (गोताङ पातेङ सुम कुरि तेना झना द्याङ गेलाइ हिघाहि) | 15 कालाउ याकुब मिस्रो सारभिता लोहि ,याकुब कालाउ केलाइको आजाइ-आजुगेलाइ (पुर्खागेलाइ) मासिपाङ इन्ता हि | 16 कालाउ न्हुसो इम्बालाइको जिउगेलाइ सकेमता पिगिल्हि कालाउ इम्बालाइहेङ तोम्ता ताहि | यिदोइ ओदोङ तोम जेदोङ आब्राहाम सकेमता हामोरको चानगेलाइसो चानदि पितेङ चोल्का हिघाहि | 17 कालाउ न्हुसो इम्बालाइको जिउगेलाइ सकेमता पिगिल्हि कालाउ इम्बालाइहेङ तोम्ता ताहि | यिदोइ ओदोङ तोम जेदोङ आब्राहाम सकेमता हामोरको चानगेलाइसो चानदि पितेङ चोल्का हिघाहि | 18 कालाउ न्हुसो एमि आरुङ भेनेङ राजा मिस्र सारभिता सासन पालि तेङ्हि वा युसुफको बिसयता हाइबुङ थाहा मागिहि | 19 उङ्को राजा केलाइको द्याङगेलाइहेङ नासा पालि मारेम्का बाहानागेलाइ पाहि, वा इम्बालाइको भरखर जोलम जेङ्का जामालगेलाइ स्याको दोअ्तेङ बाहार ताअ्लि कर लागाइहि | 20 इङ्को ओदोङ बेलाको काथादोङ जेलाउ जामाल मोसाको जोलोम जेङ्का हिघाहि | उङ्को मेनाङ सान्साका कालाउ परमेस्वरहेङ लेङ्चापाका जामाल हिघाहि | वासेहेङ वाको आबाको साता सुम माहिना थेकापा पोसिहि | 21 जेलाउ ओबालाइ मोसाहेङ बाहार ओल्लि पाहि,फिरउनको चामिन्दि वासेहेङ ताइकोङ चान भाइपाङ सामेरतेङ पोहिहि | 22 मिस्रोको द्याङ्गेलाइ वासेहेङ ओबालाइ जेदोङ गिका गोताङ खालको बिसोयको बारेता धिरपाहि | वा वचन कालाउ कामता मेहेनेति पाहि | 23 'जेलाउ मोसा द्याकुरि बासार थुकाहि,वाको ताइको यहुदि दाइ-ओनेगेलाइहेङ भेतिलि निर्नय पाहि | 24 मोसा एमि यहुदि मिस्रो द्याङ्हेङ मारेम्का व्यहार पाका तिङ्हि | कालाउ वा उङ्को यहुदिहेङ लाअ्पालि हानिहि कालाउ उङ्को मिस्रो सारभिको द्याङ्हेङ सेअ्हि वा चाहि यहुदिहेङ कुब्यभार पातेङ हिघाहि | 25 परमेस्वर वासेहेङ ओबालाइहेङ दोङ बान्चिपालिको भाअ्सिङ वा इन्ता काम पाघाखे कालाउ यहुदि ओनेगेलाइहेङ बुझियाको दोअ्तेङ मोसा सोचिका हिघाहि | कालाउबुङ इम्बालाइ इङ्को बुझिलि मादोहि | 26 भेनेङ दिना मोसा न्हेमि यहुदिगेलाइ उधिन्हेमि चेरसुघाखे मोसा तिङ्हि | वा इम्बालाइहेङ माचेरसुसु मिलि पालि भोहि,कालाउ वा दोअ्हि |'ओंइ द्याङ ! नेलाइ दाइ-ओनेगेलाइ हाइपालि नेलाइ ताइ-ताइमिता मारेम्का व्यहार पासुखेना ? 27 जेदोङ द्याङ भेनेङ द्याङ दोफा कुव्यहार पाघाखे वा मोसाहेङ धाकालाइहि,कालाउ दोअ्हि,''हासु नासिहेङ केलाइको सासक कालाउ न्यायकर्ता बानाहि ? 28 जेसाङ ना,आन्जि मिस्रो द्याङ्हेङ से:न्हा,एन्साङ्दोङ कासिहेङ्बुङ से:ताना ? 29 जेलाउ मोसा इन्सिका हिङ्हि वा मिस्रो सारभि लाअ्हि | वा मिद्यानको सारभिता नावा द्याङ भाइपाङ हिलि तेङ्हि कालाउ इन्ताङ वाको न्हेलोङ चानगेलाइको जोलोम जेङ्हि 30 'द्याकुरि बासार न्हुसो मोसा सिनै लाखको हाइबुङ मान्थुका थामेता हिघाहि, मे धालाङ्गा-धालाङ्पा जोल्तेङ हिका एलोङ झुन्झुरिसो मेको फाइसालामाकासो एमि स्वर्गदुत वाको आगाता तिङ्चालाहि | 31 जेलाउ मोसा इन्सिका तिङहि,वा भारबुसाइ जेङहि | जेलाउ वा भेरपा हानितेङ रेम्फा खाङहि,मोसा परमप्रभुको गालाहोइ दोअ्काताङ पाका हिङहि | 32 परमप्रभु वासेहेङ दोअ्हि,'का नाङ्को आबाको परमेस्वर,आब्राहामको परमेस्वर,इसाहाकको परमेस्वर,याकुबको परमेस्वर |'' मोसा थितेङ फिरलि तेङ्हि | वासेहेङ इङ्को जोल्काताङ पाका झुन्झि वा खाङ्लि साहास मालोहि | 33 परमप्रभु वासेहेङ दोअ्हि,नाङ्को जुत्तागेलाइ होअ् हाइपालिपानु जेदोङ थामेता ना जाअ्तेङ हिना इङ्को पबित्त्तरो थामे हि | 34 का काङ्को द्याङ्गेलाइहेङ मिस्रो सारभिता सहिलि मादोअ्का कस्तगेलाइ भोगिका तिङ्घा | का इम्बालाइको मनआउलिपाङ खारतेङ (बिलाप) पाका हिङ्घा, ओदोङ भाअ्सिङ का इम्बालाइहेङ बान्चिपालि लेता खुअ्घा | एला लोसु,का नासिहेङ मिस्रो सारभिता दिङ्गिल्लाङ्का |''* 35 यिदोइ मोसा इङ्कोङ द्याङ हिघाहि ज्याइहेङ यहुदिगेलाइ मागोयाङ दोअ्का हिघाहि | इम्बालाइ वासेहेङ दोअ्का हिघाहि,''हासु नासिहेङ केलाइको सासक कालाउ न्यायकर्ता बानाइहि ? ओदोङ द्याङ्हेङ परमेस्वर सासक कालाउ उदारको रूपता दिङ्गिल्पिका हिघाहि, परमेस्वर मोसोहेङ स्वर्गदुतको माध्यमसो दिङ्गिल्का हिघाहि ज्याइ मे दालाङ्गा-दालाङ्गाकाता एलोङ झुन्झिता वा तिङ्चालाका हिघाहि | 36 जेलाउ मोसा द्याङ्गेलाइहेङ अगुवाइ पाहि, वा भारबुसाइका कामगेलाइ कालाउ सरबुङ्गेलाइ मिस्रो सारभिता लाल सागरता (समुन्द्र) कालाउ मारालाअ्का थामेता द्याकुरि बासार थेकापा पाहि | 37 वा ओदोङ मोसा हिघाहि ज्याइ यहुदिगेलाइहेङ दोअ्का हिघाहि,परमेस्वर नेलाइको भाअ्सिङ नेलाइकोङ माझासो एलोङ अगमबक्ता दिङ्गिलप्याङ , वा का भाइकाङ्दोङ जेनावा |''* 38 वा ओदोङ मोसा ज्याइ यहुदिगेलाइकोङ जोम्का जेरगेलाइ गोहराइतेङ एलोङ जेङ्तेङ मारालाअ्काथामेता दोअ्फाङ हिघाहि | वा इङ्को स्वर्ग दुतदोफा ज्याइ सिनै राता वाकोदोफा नुइ धुइहि कालाउ वा केलाइको आजाइ-आजुदोफा (पुर्खागेलाइदोफा) हिघाहि | मोसा परमेस्वरसो आदेसगेलाइ निङ्हि ज्याइ जिवन पिखे | मोसा केलाइहेङ इङ्को आदेसगेलाइ पिहि | 39 कालाउबुङ केलाइको आबा-आजु मोसाको आग्या दोअ्का मासाहि,इङकोहेङ सुइकार मापाहि | भरु इम्बालाइ मिस्रो सारभिता घुरिलि मन पाहि | 40 केलाइको आबा-आजुगेलाइ हारूनहेङ दोअ्हि,'मोसा केलाइहेङ मिस्रो सारभिसो बाहार ओल्हापातेङ चुमाहि, कालाउ वासेहेङ हाइ जेङ्हि केलाइ मागिन्हाखे | केलाइको भाअ्सिङ आधे देउतागेलाइ सिरजाइपि ज्याइ केलाइको आगा हानावा कालाउ केलाइहेङ गोराइयावा अगुवा पावा | 41 ओदोङ भाअ्सिङ द्याङ्गेलाइ गाइको बोहर भाइपा तिङ्का एलोङ मुर्ति बानाइहि | कालाउ न्हुसो इम्बालाइ वासेहेङ बलिगेलाइ पिहि | द्याङ्गेलाइ ताइकोङ खुरहोइ इन्सिका आमेने बानाइनाहि दोअ्तेङ मेनाङ लेङ्चाहि | 42 कालाउ परमेस्वर इम्बालाइसो दुरे हानिहि कालाउ इम्बालाइहेङ बादेलको धाताइका दिरगेलाइको पुजा पालि लाअ्हि, अगमबक्तागेलाइको किताबता जेसाङ लेखेका हिघाहि इन्सिकाङ जेङ्हि 'ना यहुदिगेलाइ द्याकुरि बासार थेकापा यिदोइ मारालाअ्का थामेता काङ्को भाअ्सिङ गाइ-पियाको बलि कालाउ दानगेलाइ माचढाइसुन्हा, 43 नेलाइ नेलाइदोफा मोलेकको पाल कालाउ नाङको दिर रिफमको फुरु चुमान्हा , इम्बालाइ मुर्तिगेलाइ हिघाहि ज्याइ नेलाइ पुजापालि बानाइसुन्हा | इङ्को मुर्तिगेलाइ हिघाहि ज्याइहेङ बाखानाइ पालिको भाअ्सिङ बानाइका हिघाहि | ओदोङ भाअ्सिङ का नेलाइहेङ बेबिलोन सो हेन्जाङ दुरे दिङ्गिल्याङ्का |' 44 'केलाइको आबा-आजुगेलाइ दोफा मारालाअ्का थामेता ''पबित्त्तरो जाग्या हिघाहि |'' हेसा खोपारा बानाइलि मोसाहेङ परमेस्वर दोअ्पिहि | वा परमेस्वर तिङ्पिका भाइका इन्सिकाङ बानाइहि | 45 कालाउ यहोसु केलाइको आबा-आजुगेलाइहेङ आरु भेनेङ सारभिगेलाइको मिलिङ लाअ्पालि गोराइहि केलाइको द्याङ मिलिङ लिता दुल्हि कालाउ परमेस्वर आरु सारभिगेलाइहेङ बाहार दिगिल्हि | जेलाउ केलाइको द्याङ्गेलाइ इङ्को नावा मिलिङ्ता हानिहि,इम्बालाइ ताइमिदोफा इङ्कोङ जाग्या चुम्पुतेङ हानिहि, केलाइको द्याङ्गेलाइ इङ्को जाग्या ताइको आबा-आजुगेलाइसो निङ्का हिघाहि,कालाउ इम्बालाइ वासेहेङ दाउदको समय थेकापा जोगाइतेङ ताअ्हि | 46 परमेस्वर दाउददोफा मेनाङ लेङ्चाहि, दाउद परमेस्वरहेङ याकुबको परमेस्वरको भाअ्सिङ साअ् धाम्लि पि दोअ्तेङ परमेस्वरहेङ सेउपाहि | 47 कालाउ सुलेमान (दाउदको चान) एलोङ द्याङ हिघाहि ज्याइ वाको भाअ्सिङ परमेस्वरको सा धामहि | 48 कालाउ द्याङ्को खुरहोइ बानाइका परमेस्वरको सागेलाइता झाराङ खान्तेङ बार्का परमेस्वर माहिखे | जेसाङ अगमबक्ता दोअ्खे:''प्ररमप्रभु दोअ्खे स्वर्ग काङ्को सिङ्हासन | 49 पृथ्वि इङ्को थामे जेता काङको खोकोइगेलाइ माइसाचाखे | हिसिका खाल्को सा ना काङ्को भाअ्सिङ बानाइलि द्वाना ? का आरामपालि दोअ्का थामे इन्ता हिसो हि ? 50 हाइ काङ्को खुरगेलाइहोइ यिदोइ गोताङ आमेनेगेलाइ बानाइका माको रो ?'' 51 जेलाउ स्तिफनस दोअ्हि,''ना मातेरेका यहुदि अगुवागेलाइ !नेलाइ ताइको हृदय परमेस्वरहेङ पिका मान्थुसुन्हा ! नेलाइ वासेहेङ हेलाउबुङ माहिङ्सुन्हा ! पबित्त्तरो आत्मासो नेलाइहेङ जेदोङ दोअ्लि हि इङ्को नेलाइ दिनाङ बिरुदृ पासुखेना | नाङ्को आबा-आजुगेलाइ एन्साङ पाहि कालाउ नेलाइ ओबालाइहेङ भाइकाङ हिसुन्हा | 52 नेलाइको आबा-आजुगेलाइ मासाताइका हिदोइबुङ अगमबक्तामान्थुवाला रो ? उङ्को अगमबक्तागेलाइ एलोङ धार्मिक ल्वाङ दोअ्तेङ लाम्फाङ दोअ्लि दोअ्का हिघाहि | कालाउबुङ नेलाइको आबा-आजुगेलाइ ओबालाइहेङ सेअ्हि | कालाउ एला नेलाइ एलोङ धार्मिक द्याङ दोफा खान्धुरि मापासुन्हा कालाउ वासेहेङ सेअ्सुन्हा | 53 नेलाइ इङ्कोङ द्याङ्गेलाइ हिसुन्हा ज्याइ स्वर्गको दुतगेलाइ पिका मोसाको व्यवस्थाहेङ माकिसुन्हा कालाउ पालन मापासुन्हा |'' 54 जेलाउ यहुदि नेतागेलाइ यिदोइ काथा हिङ्हि ओबालाइ चेरताङ्पातेङ चेर्हि कालाउ वाको बिरुदृ तासिङ रेअ्लि तेङ्हि | 55 कालाउ स्तिफनस चाहि पबित्त्तरो आत्माहोइ पोङ्घातेङ हिघाहि | स्तिफनस हुत्ता बादेलभारि खाङ्हि | वा परमेस्वरको महिमा तिङ्हि | वा येसु:हेङ परमेस्वरको दाम्पाहा भारि जाअ्तेङ हिका तिङ्हि | 56 स्तिफनस दोअ्हि,''खाङ्सु ! का स्वर्ग हेन्हाका कालाउ द्याङ्को चान परमेस्वरको दाम्पाहा भारि जाअ्तेङ हिका तिङ्घा |'' 57 ओदोङ्घुरी गोताङ यहुदि अगुवागेलाइ एदोफाङ बार्का गालाहोइ र्हिकाइहि | ओबालाइ ताइको खुरहोइ न्हातोङ थुम्हि | ओबालाइ झाराङ एदोफाङ स्तिफनस भारि धाअ्हि | 58 ओबालाइ वासेहेङ सहर बाहार थाइगिल्हि कालाउ उन्थुइहोइ तोलि तेङ्हि | उङ्को द्याङ्गेलाइ ज्याइ-ज्याइ स्तिफनसको बिरुदृता धाताइका काथा पाहि,ओबालाइ ताइको लोखन धावा होअ्तेङ सावल मिङ हिका एलोङ वाजानहेङ पिहि | 59 कालाउ न्हुसो ओबालाइ स्तिफन हुसो उन्थुइ तोलि तेङ्हि | कालाउबुङ स्तिफनस दोमपाकाताङ हिघाहि | वा दोअ्हि,''प्रभु येसु:काङ्को आत्मा ग्रहन पापि | 60 कालाउ न्हुसो ओबालाइ स्तिफन हुसो उन्थुइ तोलि तेङ्हि | कालाउबुङ स्तिफनस दोमपाकाताङ हिघाहि | वा दोअ्हि,''प्रभु येसु:काङ्को आत्मा ग्रहन पापि |