युहन्ना 18

इदोइ काथा दोअ्लि दोतेङ येसु:ताइको चात्येगेलाइ दोअ्सा क्रिदोन जेलाउको ओदोइ पारहा निहि | इन्ताङ एलोङ बगैचा हिघाहि | येसु:ताइको चात्यागेलाइ दोअ्सा इन्ता थुकालाइ | 2 वासेहे घुरिपाका यहुदादोङबुङ उङ्को थामेता नालका हिघाहि,हाइपानु येसु:ताइको चात्यागेलाइ दोअ्फा इन्ता हेन्जासि जोम्हि | 3 कालाउ पुल्तिङ उका (राको) कालाउ हतियारगेलाइ चुम्पा हिघाहि गेलाइको एनोङ दल (हुदा) कालाउ धामिगेलाइ कालाउ फरिसिगेलाइदोङ दिङगिल्का पहरदार गेलाइ चुम्तेङ यहुदा इन्ता लोहि | 4 कालाउ ताइ हुसो आइपरिका गोताङ काथा गितेङ येसु:लाम्फा लोहि कालाउ इलाहेङ दोअ्हि,''नेलाइ हासुदोङ भोसुखेना |'' 5 इम्बालाइ दोङ वासेहेङ दोआ्हि,''नासरथको येसु:हेङ |'' येसु:दोङ मालाइहेङ दोअ्हि,''उङ्कोङ दोङ |'' कालाउ वासेहेङ रिम्पाका यहुदा बुङ इम्बालाइ दोफा जातेङ हिघाहि | 6 जेवा वादोङ इम्बालाइहेङ ''का उङ्कोङ दोङ ''दोअ्हि कालाउ इम्बालाइ पासाहि (पछ्हिते) कालाउ भोनोइता तोपेरि (लोखे) | 7 आरोङ वादोङ इम्बालाहेङ हिअ्हि,''नेलाइहेङ दोहोङघा,का उङ्कोदोङ | एदोइ भाअ्सिङ हाइ कि नेलाइ कासेहेङ भोसुखापानु इदोइ दयाङगेलाइ हेङ चालिहा निलिपिसु | 8 येसु:दोङ उत्तरा पिहि,''कादोङ नेलाइहेङ दोहोइघा,का उङ्कोदोङ |इदोङ भाअ्सि हाइकिनेलाइ नेलाइ कासेहेङ भोसुखापानु इदोइ दयाङगेलाइहेङ चाहि हा निलिपिसु |'' 9 'नादोङ कासेहेङ पिकागेलाइ तासो एमिहेङबुङ कादोङ माराम्पाघा |''दोतेङ वादोङ दोअ्हि बचन बचन पुरा ज्याको दोतेङ एदोइ जेङहि | 10 सिमोन पतरूसहेङ ताइमि दोअ्खा हिका तरुवाल ओल्पातेङ वार पुजारिको काडाहेङ प्रहार पाहि कालाउ इङ्कोको दाइना न्हातेङ चट्ट पाटा पोपिहि | इङ्को काडाको मिङ माल्खस हिघाहि | 11 येसु:दोङ पतरुस हेङ दोअ्हि,''तरबार दाबिता घे | हाइ आबादोङ कासेहेङ पिका जामबत्ति माआगा ? 12 उङ्को न्हुसो सिपाहिगेलाइको हुदा नेलाइको क्याप्टेन,कालाउ यहुदिगेलाइको पहरदार दोङ येसु:हेङ रिम्हि,कालाउ वासेहेङ धेउहि | अथवा राहि (बहनु) | 13 लाम्फा इम्बालाइदोङ वासेहेङ हानासकोता चुम्पुहि,ज्या इङ्को बासारको वा पुजारि कैयाफाको जुवा (ससुरा) हिघाहि | 14 इदोइ इङ्को कायफा हिघाहि,ज्यादोङ जनताको भाअ्सिङ एमि दयाङ सिकातादोंङ कल्यान हि | दोतेङ यहुदिगेलाइदोङ एल्ला पिका हिघाहि | 15 सिमोन पतरूस कालाउ येसु:को भेनेङ एमि चात्या वार धामिगेलाइ हेङ नाल्का हिघाहि,कालाउ येसु:दोफाङ बार धामिगेलाइ सालेङता दुल्हि | 16 कालाउ पतरस बाहार फिनिउता जातेङ हिघाहि | इङ्को भेनेङ चाहि चात्यादोङ ज्या बार धामिगेलाइको नाल्का हिघाहि | बाहार ओलितेङ फिनिउहिका बेजानहेङ दोतेङ पतरूसहेङ लिता चुमाहि | 17 कालाउ फिनिउ ताहिका इङ्को बेजानदोङ पतरूसहेङ दोअ्हि,''हाइ नाबुङ इदोइ दयाङको चात्यागेलाइसो नाबुङ एमि ?''वादोङ दोअ्हि,''कामाको |'' 18 इन्ता कालाउ पालेगेलाइ गेलाइ मेको धुइता योम्तेङ जातिङ जातेङ हिघाहि,हाइपानु चुङ्का हिघाहि | कालाउ पतरूस बुङ इमबालाइ दोअ्खा जातेङ योम्लि थालिहि | 19 प्रधान धामि येसु:हेङ वाको चत्यागेलाइ कालाउ वाको सिक्स्याको बिसयता हि:हि | 20 येसु:दोङ उङ्को हेङ उत्तारा पिहि,''कादोङ दुनियाहेङ खुलमखुल्ला दोअ्का हिघा,जेता झाराङ यहुदिगेलाइ जोम्खे | का काथा भोतेङ हाइदोङ मान्थुघा | 21 कासेहेङ हाइपालि हिखेना ? कादोङ नेलाइहेङ हाइदोअ्घा हिङ्लिदोङ हिसु | कादोङ दोअ्का काथागेलाइ इम्बालाइ गिका हि |'' 22 येसु:दोङ इदोइ काथा दोकाता भेर्पा जातेङ हिका पालेगेलाइ तासु एमि एला दोकाताङ येसु:हेङ चाउरिहि ,''हाइ बार धामिहेङ एसा उत्तरा पिखेना ?'' 23 येसु:दोङ इङ्कोहेङ दोहि,''कादोङ बेठिक दोअ्का जेङनु इङ्को प्रमान पिसु कालाउ हाइकि कादोङ थिकोङ दोअ्का हिघा पानु कासेहेङ हाइपालि दानाइसोना ?'' 24 कालाउ हन्नादोङ वासेहेङ राकाङ अबस्थाता बार्का धामि कयफसता दिङगिल्हि |'' 25 सिमोन पतरूस जातेङ मे योम्घाहि इम्बालाइदोङ इङ्कोहेङ दोअ्हि,''हाइ वाको चात्यागेलाइ तासो एमिनाबुङ माकोरो ? वादोङ इङ्को पातेङ दोअ्हि,''का माको ?'' 26 बारका धामिको एमि चाकरिया इन्ता हिघाहि | उङ्को चाकरिया इङ्को दयाङको ताइको हिघाहि |जाइको न्हातोङ पतरूस पुक्कपा पालपिका हिघाहि | चाकारिया दोहि,नासेहेङ वाको दोफा का बगैचाता पिङका माकोरो ! 27 कालाउ आरोङ पतरूसदोङ इन्कार पाहि | कालाउ ओदोङ घुरि कियाको धाङगाइ ओहि | 28 कालाउ इम्बालाइदोङ येसु:हेङ कायफासको सासो महलभारि चुम्पुहि |उङ्को केलाइ हिमाङ जेङ्का हिघाहि | निस्तार पार्बाको भतियार चालि मानिनाङ थिकासो इम्बालाइ महललिता मादुलि | 29 एदोङ भाअ्सिङ इम्बालाइकोता बाहार ओलितेङ पिलातसदोङ दोअ्हि,''इदोइ दयाङको बिरोधता नेलाइ हाइ अभियोग लगाइसोखेना |'' 30 एलाइदोङ वासेहेङ दोअ्हि,''हाइ कि इदोइ दयाङ आपराधि माकुनु केलाइ यासेहेङ नाङकोता सुम्पिदोङ |'' 31 पिलातस दोङ इङको हेङ दोअ्हि,''नेलाइ यासेहेङ चुम्पुसु,कालाउ नेलाइको ताइकोङ ब्यबस्था बमोजिम याकोङ इन्साफ पासु |'' 32 यहुदिगेलाइ हेङ वासेहेङ दोअ्हि,''हिदोइबुङ दयाङगेलाइ प्रानदण्ड पिका अधिकार केलाइहेङ मान्थु |'' 33 पिलातस आरोङ महललिता दुल्लि कालाउ वादोङ येसु:हेङ काइतेङ दोअ्हि,''हाइना यहुदिगेलाइको राजादोङ ?'' 34 येसु:दोङउतरा पिहि,''ना ताइमिङ एसा दोखेनाङ या काङ्को बिसयता नासेहेङ हासुदोङ दोअ्हि ?'' 35 पिलातस दोङ पिहि,''हाइ का यहुदिदोङ कालाउ ?नाङ्को जाति वादोङ धामिगेलाइहेङ नासेहेङ काङ्को खुरता सुम्पिहि | नाइ दोङ हाइपाना ?'' 36 येसु:उत्तरा पिहि,''काङ्को राइजि इदोइ दुनियाको माको | काङ्को राइजि इदोइ दुनियाको हिनुते काङ्को सेबक गेलाइ काङ्को भाअ्सिङ फेसुधान,कालाउ का यहुदिगेलाइको खुरता मापरिधान्का | कालाउ काङ्को राइजि इदोइ दुनियाको माको ?'' 37 पिलातसदोङ वासेहेङ हिअ्हि,''हाइना राज्य दोङ कालाउ ?''येसु:दोङ उत्तरा पिहि,''का राजा दोङ दोतेङ नादोङ दोअ्खेना ? याकोङ भाअ्सिङ का इदोइ दुनियाता लोकादोङ | गोतेङ ज्या सन्तगेलाइको पक्छयता हि,इङ्कोहेङ काङ्को गाला हिङखे |'' 38 पिलातस दोङ वासेहेङ हिअ्हि,''सत्ये हाइदोङ ?''एदोइ झोको दोतेङ वा यहुदिगेलाइ कोता बाहार ओलितेङ हानिहि,कालाउ इम्बालाइ दोअ्हि,''का याकोता हाइदोङ दोस मातिङघा | 39 निस्तार पर्बता एमिहेङ कादोङ नेलाइको भाअ्सिङ लापिका नेलाइको प्राथना हि | हाइ ते नेलाइ गोयाङ,हाइ यहुदिगेलाइको राजाहेङ लाप्याइने ?'' 40 कालाउ इम्बालाइ आरोङ एसा दोअ्तेङ हि्काइ,'' यासेहेङ माको कालाउ बारब्बाहेङ कालाउ |''बारब्बा चाहि डाका हिघाहि |