युहन्ना 16

''नेलाइ खान्धुरिता हरेस माचासु दो:तेङ दोङ का इदोइ काथागेलाइ नेलाइहेङ दो:का हिघा | 2 इम्बालाइ नासेहेङ चौघारासासो बाहार ओल्ला पापियावा | इङ्को समय लोदोङ्खे ताकि द्याङ्गेलाइ नासिहेङ सेतेङ परमेस्वरको सेवा पादोङ नाखे दो:का थानेवा | 3 द्याङ्गेलाइ इदोइ गोताङ कामगेलाइ प्यावा कारन नाते इम्बालाइ आबाहेङ नाल्काहि नाते कासेहेङ दोङ नाल्खे | 4 इदोइ काथागेलाइ का नेलाइहेङ एलाङ्दोङ दोखा,जेलाउ इदोइ काथागेलाइ हिदोइबुङ बेला ल्वावा,कालाउ नेलाइ का होसियार पापाका फोमपासुवाना | 5 एला का कासेहेङ दिङ्गिल्काता हानिदोङ्खा,कालाउ ना हिसो हानिदोङ्खेना ?'दो:तेङ नेलाइ हासुबुङ कासेहेङ माहिस्वाना | 6 कालाउबुङ का नेलाइहेङ इदोइ काथा दो:काको कारन नेलाइको हृदय सोकै पोङ्घाका हि | 7 कालाउबुङ का नेलाइहेङ सत्ये काथा दोखा,का हानिलि दोङ नेलाइको भा:सिङ रेम्का हि | हाइपालिदोनु का मान्हे पानु,सल्हाकार नेलाइकोता माल्वाङ | कालाउका हानिहेपानु वासिहेङ नेलाइकोता दिङ्गिल्लाङ्का | 8 जेलाउ साहायक ल्वाङ,वा सुमिङ्हेङ इदोइ बिसयगेलाइता प्रमान प्याङ:पापको बिसयता,धार्मिकताको बिसयता,कालाउ न्यायको बिसयता | 9 वा द्याङ्गेलाइको जिबनता पाप हि दो:का प्रमान पावा हाइपालिपानु इम्बालाइ कासिहे ङखान्धुरि मापाखे | 10 वा काङ्को धार्मिकताको प्रमाण नेलाइहेङ पाप प्यावा,हाइपालिपानु का आबादोफा दोङ हानिदोङ्खा | कालाउ नेलाइ कासेहेङ आरूङ मातिङ्स्वाना | 11 कालाउ न्यायको बिसोयता,हाइपालिदोनु इदोइ सुमिङ्को सासक गेलाइहेङ दण्डको आग्या जेङ्लि दो:हि | 12 'का नेलाइहेङ दो:लिगोइका काथा आरु हेन्जाङ हि,कालाउ एला नेलाइ इङ्को काथा हेन्जा जेनावा कालाउ नेलाइ सहिलि मादोसुवाना | 13 जेलाउ वा,सत्येको आत्मा लाङ,कालाउ वा नेलाइहेङ गोताङ सत्येगेलाइता थोनावा | वा ताइको पाहासो माधुइयाङ | वा जेदोङ हिङ्खे ओदोङ खिनिङ दोखे,कालाउ जेङ्लि खाङ्का काथा गेलाइ नेलाइहेङ घोसाना पाप्यावा | 14 वा काङ्को महिमा पावा,हाइपालिपानु जेदोङ काङ्को हि,इङ्को काङ्को सो चुम्तेङ नेलाइहेङ घोसना पाप्यावा | 15 जे जति आबा दोफा हि,काङ्को दोङ | ओदोङ भा:सिङ्का दोघा,जेदोङ काङ्को दोङ इङ्को काङ्कोसो चुम्पुतेङ आत्मा होइ नेलाइहेङ घोसना पापिहि | 16 'आसा कोमान न्हुसो, नेलाइ कासेहेङ आरोङ,कालाउ आसा न्हुसो कासिहेङ आरूङ तिङ्स्वाना | 17 जेलाउ वाको आधिमि-आधिमि चात्यागेलाइ ताताइमिता दो:हि,''वा केलाइहेङ इदोइ दो:का हि ? आसा कोमा न्हुसो नेलाइ कासेहेङ मातिङ्स्वाना,कालाउ आरुङ न्हुसो कासेहेङ नेलाइ तिङ्स्वाना,हाइपालिपानु का आबाकोता हानिदोङ्खा |'' 18 इम्बालाइ दो:हि,''वा आसा कोमा ठेकापा दोका हि ? केलाइ मागिनाखे,वा हाइ दोधोङ्खे |'' 19 इम्बालाइ वासिहेङ हाइदोङ हिलि मन मापाखे दो:का येसु:हेङ थाहा जेङ्हि,कालाउ वा दो:हि,आसा बेर न्हुसो नेलाइ कासिहेङ मातिङ्स्वाना,कालाउ आसा बेर न्हुसो कासिहेङ तिङ्स्वाना 'दो:का काथाको माने हाइ वाला दो:का बिसोयता हाइपालि नेलाइ ताताइमिता काथा पासुखेना ? 20 जातिङ्कोका नेलाइहेङ दोखा,नेलाइ खार्स्वाना कालाउ कापाल ठेस्वाना,कालाउ सुमिङ लेङ्चावा | नेलाइ सोकित जेङ्स्वाना,कालाउ नेलाइको सोक आनन्दता बदलि यावा | 21 जेसाङ जामालको जोलोम जेङ्का बेलाता बेबालहेङ जेसा बेथा लोलाउ हामु तुखे हाइपालिपानु वाको पहर लोका हिखे,कालाउ जेलाउ वा जामाल जोलोम पावा, कालाउ वासेहेङ इङ्को तुकाको फोम माजेङ्खे हाइपालिपानु सुमिङ्ता एनोङ जमालको जोलम जेङ्का दो:का काथाता वा मेनाङ हाउसाइयावा | 22 एसापा दोङ एला नेलाइहेङ सोक जेङ्खे कालाउ का आरोङ नेलाइहेङ तिनाङ्का,कालाउ नेलाइको हृदय लेङ्चावा | कालाउ हासुबुङ नेलाइको आनन्द नेलाइसो माघिनाङ | 23 नेलाइ कासिहेङ इङ्को दिना हाइदोङ माहिसुना | जातिङ्को का नेलाइहेङ दोखा,नेलाइ काङ्को मिङ्ता आबा दोफा जेदोङ र्-हेस्वाना,वा इङ्को नेलाइहेङ प्यावा | 24 नेलाइ काङ्को मिङ्ता एला थेकापा हाइदोङ र्हेका मान्थु सुना | र्हेसु,कालाउ नेलाइ निङ्स्वाना,नेलाइको आनन्द एसापा पुर्न ज्याको | 25 'इदोइ काथाका नेलाइहेङ काथापाहासो दो:का हिघा | कालाउ समय लोदोङ्खे,जेलाउका नेलाइ दोफा आरोङ काथाता काथा पाहासो मादोताङ्का,कालाउ आबाको बिसयोता नेलाइहेङ झालाझालापा दोप्या 26 नेलाइ इङ्को दिना काङ्को मिङ्ता र्हेस्वाना | का नेलाइको भाअ्सिङ आबा दोफा र्हेप्याङ्का दो:तेङ नेलाइ दोफा मादोताङ्का, 27 हाइपालिदोनु आबा ताइमिङ नेलाइहेङ दायाखे,हाइपालिपानु नेलाइ कासिहेङ माया पाका हिसुना,कालाउ का परमेस्वर पाहासो लोघा दो:तेङ नेलाइ खान्धुरि पाका हिसुना | 28 का आबासो लोघा,कालाउ सुमिङता लोका हिघा,कालाउ आरुङ्का सुमिङ्हेङ ला:तेङ आबा दोफा हानिदोङ्खा |'' 29 वाको चात्यागेलाइ दो:हि,''एलाना रेम्फा दोकाताङ हिना,काथाता माको, 30 एला केलाइ बुझिनाहि,ना गोताङ काथा गिखेना,कालाउ नासेहेङ हासुबुङ हिलि आबरस्यक मान्थु | ओदोङ भाअ्सिङ केलाइ खान्धुरिपानाखे,ना परमेस्वरसो लोका दोङ |'' 31 येसु:इम्बालाइहेङ जोबाफ पिहि,''हाइ नेलाइ एला खान्धुरि मापासुवाना ? 32 खाङ्सु,समय लोदोङ्खे,जातिङ्को लोलि दोकाहि,जेलाउ नेलाइ द्यापाहाङ हानितेङ ताइकोङ थामेता हानि स्वाना कालाउ कासिहेङ एक्लाङ मालाधिस्वाना |कालाउ बुङ का एक्लाङ मान्ठुघा,हाइपालिदोनु आबा काङ्को दोफा हिकाहि | 33 का नेलाइहेङङ इदोइ काथा इदोइ कारनसो दोका हिघा,कि का दोफा नेलाइको सान्ति ज्याको | सुमिङ्ता नेलाइहेङ आनिकाल जेनावा,कालाउ साहस पासु,का सुमिङ्हेङ जितिका हिघा |''