युहन्ना 14

'नेलाइको हृदय माखाराको | नेलाइ परमेस्वर दोफा खान्धुरि पासुखेना , का हुताबुङ खान्धुरि पासु | 2 काङ्को आबाको साता हिका थामेगेलाइ हेन्जा हि | इन्सा माकोनु हाइ का नेलाइहेङ दोअ्धाङ्का रो, कि नेलाइको भाअ्सिङ थामे तियार पालि हानिदोङ्खा ? 3 जेता हानितेङ का नेलाइको भाअ्सिङ थामे तियार पातेङ आरुङ ल्वाङ्का ,कालाउ नेलाइहेङ का दोफा चुम्पाङ्का , जेता का हिखा, इनता नेलाइबु हिसुवाना | 4 जेता का हानिदोङ्खा ,नेलाइ इनता हानिका दामा नाल्स्वाना |'' 5 थोमा वासेहेङ दोअ्हि ,''हे प्रभु, ना हिसो हानिदोङ्खेना, केलाइ मागिनाखे, कालाउ केलाइ दामा हेसा नाल्लि ?'' 6 येसु; वासेहेङ दोअ्हि ,''दामा, सत्ये कालाउ जिबन कादोङ हिघा | कासो बाहेक हासबुङ आबाकोता हानिलि माद्वाङ | 7 नेलाइ कासेहेङ नाल्कानु, काङ्को आबाबुङ नाल्धावा | इलासो उसो वासेङ नाल्सुना, कालाउ तिङ्का हिसुना |'' 8 फिलिप वासेहेङ दोअ्हि,''हे प्रभु , केलाइहे आबा तिम्पापि |इङ्को झोकोनु केलाइहे जेनाङ |'' 9 येसु: वासेहेङ दोअ्हि,''फिलिप, एला ठेकापा का नेलाइ दोफा हिदोङ्घा, कालाउबुङ ना कासेहेङ मानाल्खेना ? जाइ कासेहेङ तिङ्का हि, वा आबाहेङ तिङ्का हि | ना हेसा दोअ्लि द्वाना,''केलाइहेङ आबा तिम्पापि ?' 10 का आबाता हिघा, कालाउ आबा काङ्कोता हि,दोअ्तेङ हाइ ना खान्धुरि मापाना ? जेदो सन्देस का नेलाइहेङ दोखा, इङ्को का काङ्को ताइकोङ खाबाता धुइका माको कालाउ काङ्कोता हिका आबा ताइको काम पाखे | 11 कासेहेङ खान्धुरि पासु ,कि का आबाता हिघा, कालाउ आबा काङ्कोता हि | माकुनु इदोइ कामगेलाइको खातिर खान्धुरि पासु | 12 'जातिङ्भारि, का नेलाइहेङ दोअ्खा, जाइ कासेहेङ खान्धुरि पाखे,वा काङ्को पाका कामबुङ पावा,कालाउ इङ्को खान्तेङ बारका काम पावा, हाइपालिपानु का आबाकोता हानितेङ हिघा | 13 नेलाइ काङ्को मिङ्ता हाइदोङ रहेलाबुङ चानता आबाको महिमा ज्याको दो:तेङ का इङ्को पाङ्का | 14 नेलाइ काङ्को मिङ्ता हिदोइबुङ आनेमाने रहेसुना पानु का प्याङ्का | 15 'नेलाइ कासेहेङ प्रेम पासुना पानु काङ्को आग्यागेलाइ साअ् स्वाना | 16 कालाउ का आबा दोफा रहेकाङ्का,कालाउ वा नेलाइहेङ भेनेङ सल्हाकार प्यावा,कालाउ वा नेलाइ दोफा हेलाउलाउबुङ ह्यावा | 17 वा सत्येको आत्मा हिकाहि,जाइ हेङ सुमिङ ग्रहन पालि माकिखे,हाइपालिदोनु सुमिङ्ते वासिहेङ ना तिङ्खे ना नाल्खे | नेलाइ वासेहेङ नाल सुखेना,हाइपालिदोनु वा नेलाइ दोफा बासाइखे,कालाउ वा नेलाइ दोफा ह्यावा | 18 'नेलाइ हेङ्का माउरिया भाइपा मालाताङ्का | का नेलाइ दोफा ल्वाङ्का | 19 कोम्हा समय न्हुसो सुमिङ कासेहेङ हेलाउबुङ मातिनाङ ,कालाउ नेलाए कासिहेङ तिङ्सुवाना | का सिन्हुका हिनाङ,नेलाइबुङ सिन्हुतेङ हिसुवाना | 20 इङ्को दिना नेलाइ गिसुवाना,कि का काङ्को आबा दोखा हिघा,कालाउ नेलाइ का दोफा,कालाउ का नेलाइ दोफा हिघा | 21 कासेहेङ प्रेमपाकालाइ ओदोङ्दोङ जाइ दोफा काङ्को आग्या हि कालाउ उङ्को आबा साअ्खे | कालाउ कासेहेङ प्रेम पाकालाइहेङ काङ्को आबा प्रेम पाखे | का वासेहेङ प्रेम पाङ्का,कालाउ का ताइमिहेङ वाकोता प्रकट पाङ्का |'' 22 यहुदा (एस्कोरियत चाहि माको) वासेहेङ दोहि,''प्रभु,ना हाइ दोन्हा,ना ताइमिदोङ केलाइता प्रकट पाना,कालाउ सुमिङ्हेङ चाहि माको ?'' 23 येसु:वासिहेङ जावाफ पितेङ दोहि,''जाइ कासेहेङ प्रेम पाखे,वा काङ्को बचन पालन पाखे,कालाउ काङ्को आबा वासेहेङ बुङ प्रेम पाखे,कालाउ केलाइ वाकोता ल्वाङ,कालाउ वाको दोफा बासा ह्याङ | 24 कासेहेङ प्रेम मापाकालाइ काङ्को बचन पालन मापाखे | जेदोङ बचन नेलाइ हिङ्सुखेना,इङ्को कामको माको कालाउ कासिहेङ दिङ्गिल्का आबाको दोङ | 25 'नेलाइ दोफा हेलाउदोङ का नेलाइहेङ इदोइ काथा दो:का हिघा | 26 कालाउ सलहाकार, पबित्तरो आत्मा, जाइहेङ आबा काङ्को मिङ्ता दिङ्गिल्लावा,वा नेलाइहेङ गोताङ काथा धिरपावा,कालाउ का नेलाइहेङ दोका गोताङ काथा नेलाइहेङ फोम पापावा | 27 सान्तिका नेलाइ दोफा लापि ध्याङ्का | का ताइको सान्ति नेलाइहेङ प्याङ्का | सुमिङ नेलाइहेङ पिका भाइका का मापियाङ्का |नेलाइको हृदय मातुकाको कालाउ माथियाको | 28 'का नेलाइहेङ ''का हानिदोङ्खा,कालाउ नेलाइकोटा ल्वाङ्का'दोका नेलाइ हिङ्सुना | नेलाइ कासेहेङ प्रेम पाका हिनु का आबाकोता हानिदोङ्खा दोतेङ हिङ्नु नेलाइ लेङ्चा सुधुवाना,हाइपालिदोनु आबा का खान्तेङ माहान हिकाहि | 29 एला या जेङ्लि खान्तेङ लाम्फा दोङ का नेलाइहेङ दोपिका हिघा,कालाउ जेलाउ या जेङ्लि ल्वाङ नेलाइ खान्धुरि पालि दोसु | 30 नेलाइ दोफा एलाका हेन्जा माधुयाङ्का,हाइपालिदोनु इदोइ सुमिङ्को सासक लोधोङ्खे वाको का हुता हाइदोङ सरबुङ मान्थु | 31 कालाउ का आबाहेङ माया पाखा,कालाउ वा जेसाङ आबा कासेहेङ आग्या पिकाहि ओदोङ ठिक बमोजिम पाखा दो:तेङ सुमिङ ग्याको |ल्हो,केलाइ इता सो हानाइने |