युहन्ना 13

निस्तार- पार्भाको लाङ इदोइ सुमिङ्सो बिदा जेङ्तेङ आबादोफा हानिका वाको बेला लोका दोअ्का येसु: थाहा गिहि, कालाउ सुमिङ्ता हिका ताइको जतिहेङ प्रेम पातेङ वा ओबालाइहेङ न्हुसो थेकापा प्रेम पाहि| 2 कालाउ दिलिमाको उम चाका पोहर दियाबलस सिमनको चान यहुदा इस्क्रिरीयोतको मनता येसु:हेङ रिम्चापालि लाम्फासोङ मनता ताअ्का हिघाहि | 3 आबा गोताङ आनेमाने वाको जिम्माता पिका हि,कालाउ वा परमेस्वरको तर्फसो लोका हि,कालाउ परमेस्वरको ताङ हानिदोङ्खे दोअ्का काथा येसु: गिदोङ्घाखे | 4 कालाउ वा उम चालि दोतेङ ल्होहि,कालाउ बाहारको धाबा एपाहा तातेङ कालाउ एनोङ ताउलि ताइको केङ्खेनेता तेअ्हि | 5 जेलाउ वा दामाता चि दुमि, कालाउ चत्यागेलाइ खोकोइ झालि लागाइहि,कालाउ ताइमि तेका ताउलिहोइ ओबालाइको खोकोइ यो:लि | 6 जेलाउ वा सिमोन पत्तरूस कोता लोहि,वा वासिहेङ दोअ्हि,''प्रभु, हाइ ना काङ्को खोकोइ झालि ?'' 7 येसु: वासेहे जोबाफ पिहि, ''का हाइ पादोङ्खा ना एला मागियाना, कालाउ न्होसो बुझियाना |'' 8 पतुरूस वासेहेङ दोअ्हि,'' ना काङ्को खोकोइ हेलाउबुङ माझाकाना |'' 9 सिमोन पतुरुस वासेहेङ दोअ्हि,''हे प्रभु काङ्को खोकोइ खिनिङ माको,कालाउ काङ्को खुर कालाउ पुरूङ सुधाङ झापि |'' 10 येसु:वासिहे दोअ्हि,''चिउलि दोअ्का द्याङ् हेङ खोकोइबाहेङ आरू हाइदोङ झालि मागोइखे,इङ्को गोताङ सुदृ जेङ्खे | कालाउ नेलाइ सुदृ हिसुना,कालाउ झाराङ्ते माको |'' 11 हाइपालिदोनु वासेहेङ खान्धुरि घात पाकाहेङ वा नाल्का हिघाहि | ओदोङ भाअ्सिङ वा दोअ्का हिघाहि,''नेलाइ झाराङ सुदृ मान्ठुसुना |'' 12 ओबलाइको खोकोइ झालिदोतेङ न्हुसो ताइको बाहारको धावा लोखन लगाइतेङ या आरुङ योम्हि | कालाउ वा ओबलाइहेङ दो:हि,''हाइ नेलाइ गिसुखेना,का नेलाइको भाअ्सिङ हाइ पाघा ? 13 नेलाइ कासेहेङ 'गुरु कालाउ प्रभु' दोसुखेना,इङ्को नेलाइ थिकोङ दोसुखेना हाइपालिपानु कादोङ वाङ | 14 यदि नेलाइको प्रभु कालाउ गुरु जेङ्तेङ का नेलाइको खोकोइ झाका हिघा पानु नेलाइबुङ ताताइमिको खोकोइ झालि गोइखे, 15 हाइपालिदोनु का नेलाइहेङ उदाहरन पिका हिघा,कालाउ जेसाङ का नेलाइको भाअ्सिङ पाघा,नेलाइ बुङ एन्साङ पासु | 16 जातिङ्कोङ का नेलाइहेङ दोफा,चाकारिया ताइको माझान खान्तेङ बारका माहिखे,कालाउ बानाल चुम्पुका बानाल पिगिल्का खान्तेङ बारका माहिखे | 17 यदि नेलाइ इदोइ काथा गिसुना कालाउ इङ्को पासुना पानु,नेलाइ धन्यको जेङ्सुवाना | 18 'का नेलाइहेङ गोताङ काथाको बिसोयोता दो:तेङ हिका माको,का कामहेङ साल्का हिघा वासेहेङ का नाल्खा | कालाउ धर्म सास्त्तर पुरा ज्याको दो:तेङ इदोइ जेङ्हि,काङ्कोङ तोले चाका काङ्को हुता खुर ल्होपाहि |' 19 ' इदोइ जेङ्लि लाम्फादोङ एलाङदोङ का नेलाइहेङ दोअ्खा, ताकि जेलाउ इङ्को जेङ्लि ल्वाङ, का वाअ्वाङ दोङ दोअ्तेङ नेलाइहेङ खान्धुरि ज्याको | 20 जातिङ्को का नेलाइहेङ दोअ्खा, जाइहेङ का दिङ्गिल्खा, वासेहेङ ग्रहन पाखे , कासेहेङ ग्रहन पाखे, कालाउ कासेहेङ ग्रहन पाकालाइ कासेहेङ दिङ्गिल्काहेङ ग्रहन पाखे '' 21 इदोइ काथा दोअ्लि दोअ्तेङ येसु आत्माता मेनाङ खारहि काकाउ वा गवाहि पिलि दोअ्तेङ दोअ्हि,'' जातिको का नेलाइहेङ का दोअ्खा, नेलाइ मध्ये एमि कासेहेङ रिम्चापास्वना | 22 वा हासुको बिसयता दोअ्का वाला दोअ्तेङ निसित माजेङ चत्यागेलाइ ता-ताइको र्हाइ खाङ्सुहि | 23 वाको चात्या मध्ये येसु:प्रेम पाका चात्या चाहि येसु:को कोल्हेता जिम्तेङ हिघाहि | 24 जेलाउ सिमोन पतुरुस वासेहेङ इसारा पातेङ हि:हि,'' वा हासुको बिसयता दोअ्का वाला?'' 25 येसु:को कोल्हेता जिम्तेङ हिका चत्या दोङ वासेङ हि:हि,''उङ्को हासु ?'' 26 येसु:जवाफ पिहि,''जाइहेङ का तोलेको टुक्रा चोबितेङ पिखा,उङ्को ओदोङ्दोङ |''जेलाउ वा तोलेको टुक्रा चोबेहि,कालाउ ओल्लापातेङ उङ्को सिमोनको चान यहुदा एस्कोरियत हेङ पिहि | 27 तोलेको टुक्रा चुम्तेङ न्हुसो साइतान वाको लिता दुल्हि | कालाऊ येसु:वासेहेङ दोहि,''ना जेदोङ पालिहि,इङ्को मारफाङपा |'' 28 कालाउ वा हाइपालि वासेहेङ एसा दो:हि दो:तेङ उम चालि योम्कालाइ हासुबुङ माबुझिहि | 29 हाइपालिदोनु आधिमि-आधिमि या सोचिहिकि,यहुदा दोफा ता:काको तोपाला हि,ओदोङ भा:सिङ येसु:वासिहेङ पार्बाको भा:सिङ आनेमाने चोलाको कालाउ गरिबगेलाइहेङ बाखाराइ पियाको दो:तेङ दोहि | 30 जेलाउ तोलेको टुक्रा चातेङ यहुदा एस्कोरियत एन्सालाउदोङ बाहार ओलिहि | ओदोङ बेल्हाका हिघाहि | 31 जेलाउ उङ्को बाहार हानिहि कालाउ येसु:दो:हि,''एला द्याङ्को चान महिमित जेङ्का हि,कालाउ परमेस्वर वाकोता महिमित जेङ्काहि | 32 यदि परमेस्वर वाकोता महिमित जेङ्काहिपानु परमेस्वर ताइमिहेङ वासिहेङ महिमित पापावा,कालाउ वासिहेङ एन्सालाउदोङ महिमित बनायावा | 33 'ओइ मुइका जामालगेलाइ,कोम्हा थेकापा का नेलाइ दोफा हिघा,नेलाइ कासिहेङ भोसुवाना,कालाउ जेसाका यहुदिगेलाइहेङ दोघा,एला का नेलाइहेङ्बुङ दोखा,जेताका हानिदोङ्खा,नेलाइ इन्ता हानिलि मादोसुवाना |' 34 ' का नेलाइहेङ एनोङ नावा आज्ञा पिखा,नेलाइ एमिसो भेनेङ हेङ प्रेम पासु | जेसाङ्का नेलाइहेङ प्रेम पाका हिघा,नेलाइबुङ एमिसो भेनेङ हेङ इन्सिकाङ प्रेम पासु |'' 35 यदि नेलाइ एमिसो भेनेङ्हेङ प्रेमपासुना पानु इदोइ पाहासो झाराङ ग्यावा,कि नेलाइ काङ्को चात्यागेलाइ दोङ |'' 36 सिमोन पत्तरुस वासिहेङ दो:हि,''हे प्रभु,ना हिसो हानिदोङ्खेना ?'' येसु:जोबाफ पिहि,''का जेता हानिदोङ्खा,एला ना कासिहेङ पिताइलि मादावाना,कालाउ न्हुसो ते ना कासिहेङ पिताइ याना |'' 37 पत्तरुस वासेहेङ दो:हि,''प्रभु,हाइपालिका एलाङ्दोङ नासिहेङ पिताइलि मादावाङ्का ? नाङ्को भा:सिङ्का काङ्को प्रान प्याङ्का |'' 38 येसु:जोबाफ पिहि,''हाइ ना ताइको प्रान काङ्को भा:सिङ पियाना ? जातिङ्को नासिहेङ्को दोफा,ना कासिहेङ सुमखेप इनकार मापाका ठेकापा कियाको धाङ्गाइ माओकावा |''