युहन्ना 9

जेलाउ येसु:इन्तासो हानिकाताङ पालाउ , वा एमि जोलोमसोङ कान्हा द्याङ्हेङ तिङ्हि | 2 येसु:को चत्यगेलाइ वासेङ हिअ्हि, “गुरु जि इदोइ द्याङ जोलोमसोसोङ कान्हादोङ | हासुको पापहोइ वासेहेङ कान्हा जोलोम पाहि ? वाको ताइकोङ पाप या वाको आबा-आमाइको पाप ?” 3 येसु: उत्तारा पिहि, “या नाते, वाको नाते ,वाकोङ आमाइको पापसोङ ज्याइदोङ वासेहेङ कान्हा जोलोम पाहि | वा जोलोमसोङ कान्हादोङ कालाउ कि वासेहेङ एल्पातेङ द्याङ्गेलाइहेङ परमेस्वरको सरबुङ तिम्पालि द्वाको | 4 एला जेलाउ दिनाको समय हि केलाइ वाको कामगेलाइ पालि गोइखे, ज्याइ कासेहेङ दिङ्गिल्हि |कालाउ वेलालि तोम्का हि ,काउला हासुबुङ न्हिसिङ्ता काम मापाखे | 5 जेलाउ का सुमिङ्ता हिघा, का सुमिङ्को जोल्का फाइलाका (ज्योति) |” 6 एसा दोअ्लि दोअ्तेङ् , येसु: भोनोइता थोअ्हि कालाउ इन्तासो आतुइसा भोनोइसो खिसा बानाइहि कालाउ येसु: वासेहेङ इङ्को द्याङ्को मिङ्ता तापिहि | 7 येसु: उङ्को द्याङ्हेङ दोअ्हि, “ हाने सिलोआमको धोवेलेङ्ता हानितेङ मिधु |”(सिलो आमको अर्थ जेङ्खे 'दिङ्गिलि') कालाउ उङ्को द्याङ् धोवेलेङ्ता हानिहि कालाउ मिधुहि एला वा तिङ्लि दोका जेङ्हि | 8 आधिमि द्याङ्गेलाइ लाम्फा उङ्को द्याङ्हेङ भिख ह्रेगिल्का तिङ्का हिघाहि | उङ्को द्याङ्गेलाइ कालाउ वाकोङ देरागेलाइदोङ दोअ्हि, “खाङ | इदोइ उङ्को द्याङ् माको ज्याइ जेलाउबुङ योम्तेङ भिख ह्रेघाहि ?” 9 आधिमि द्याङ्गेलाइ दोअ्हि, “ खाङ , उङ्को ओदोङ्दोङ |” कालाउ आरुद्याङ्गेलाइ दोअ्हि, “आहाँ, वा उङ्को द्याङ् माको, उङ्को इन्सिकाङ तिङ्का खेनिङ दोङ |” कालाउ उङ्को द्याङ दोअ्हि, “ का ओदोङ द्याङ्दोङ का ज्याइ लाम्फा कान्हा हिघाखा |” 10 द्याङ्गेलाइ गिलि खाङ्घाहि, “ हाइ जेङ्हि ? ना हेसा तिङ्न्हा ?” 11 उङ्को द्याङ उतार पिहि, “उङ्को द्याङ् ज्याइहेङ येसु:दोनाखे वा धुलासो खिचा बानाहि,| वा उङ्को काङ्को मिता ताअ्पिहि, कालाउ वादोङ कासेहेङ दोअ्हि, “ सिलाआमता हाने कालाउ म्हिधु | कालाउ सिलाआमता हानिघा काला मिधुघा, कलाउ का तिङ्लि तेङ्घा | 12 द्याङ्गेलाइ उङ्को द्याङ्हेङ हिअ्हि, “उङ्को द्याङ् हिसोहि ?” उङ्को द्याङ् दोअ्हि, “कासेहेङ थाहा मान्थु |” 13 इङ्को न्हुसो द्याङ्गेलाइ उङ्को द्याङ्हेङ फारिसिगेलाइ कोता चुमाहि इदोइ उङ्को द्याङ् हिघाहि जाइ लाम्फा कान्हा हिघाहि | 14 येसु: धुलाको खिचा बानाइतेङ उङ्को द्याङ्को मिसिया एल्पाहि, जेदोङ दिना येसु: इन्सिका काम पाहि इङ्को दिना माइसाका दिना हिघाहि | 15 फरिसिगेलाइबुङ उङ्को द्याङ्गेलाइहेङ हिअ्हि, “हेसा ना मिसिया तिङ्ना ?” उङ्को द्याङ् उत्तारा पिहि, “ वादोङ धुलाको खिचा बनाइतेङ काङ्को मिता तोअ्पिहि | का काङ्को मिसिया मिधुघा कलाउ तिङ्लि तेङ्घा |” 16 आधिमि फरिसिगेलाइ हिअ्हि, “ उङ्को द्याङ् माइसाचाकाको दिनाको नियम पालन मापाहि , | ओदोङ भाअ्सिङ वा लोका माको ” बो द्याङ्गेलाइ दोअ्हि, “ जेदोङ द्याङ् पापि हि वा इसिका भार्भुसाइका काम पालि मादोङ |” इङ्को युहुदिगेलाइ ता-ताइमिता सहमति जेङ्लि मादोअ्हि | 17 यहुदि अगुवागेलाइ आरोङ्बुङ उङ्को द्याङ्हेङ हिअ्हि, “ इदोइ द्याङ् नासेहेङ एल्पाहि कालाउ ना दोअ्खेना | ना वाको बिसयता हाइ दोताना ?” उङ्को द्याङ् उत्तरा पिहि, “ वा एनोङ अगमबक्ता हिघाहि |” 18 यहुदिगेलाइ इङ्को द्याङ् एन्सा एल्का घाटाना सो खान्धुरि मापाहि ,इम्बालाइ उङ्को द्याङ लाम्फा कान्हा कालाउ न्हुसो एल्का दोअ्तेङ खान्धुरि मापाहि, ओदोङ भाअ्सिङ इम्बालाइ वाको आमाइ-आबाहेङ काइहि | 19 कालाउ याहुदिगेलाइ वाको आमाइ-आबाहेङ हिअ्हि, “इदोइ नेलाइको चान ? नेलाइ दोअ्सु इदोइ जोलोमसोङ कान्हा हिघाहि, कालाउ वा एला हेसा तिङ्लि दोहि कोनु ?” 20 वाको आमाइ-आबा उत्तरा पिहि, “केलाइ गिनाखे इदोइ काङ्को चानदोङ, कालाउ केलाइ गिनाखे या जोलोमसोङ कान्हा हिघाहि | 21 कालाउ एला वा हेसा तिङ्लि दोअ्खे केलाइ मागिनाखे, कालाउ केलाइ मागिनाखे हासु वासेहेङ मिसिया तिङ् पापिहि | वासेहेङ हिअ्सु , वा एला बार्का जेङ्का हि कालाउ ताइको बिसयता उत्तरा तामिङ्दोङ पिली द्वाङ |” 22 वाको आमाइ- आबा यहुदि अगुवा गेलाइसो थिनाङ इन्सा दोअ्का, यहुदि अगुवा गेलाइ लाम्फार्ति निर्नय पालि दोका हिघाहि कि, जाइ-जाइ येसु:हेङ ख्रिस्ट दोअ्खे इम्बालाइ दण्ड निन्चावा | कालाउ उङ्को द्याङ्गेलाइहेङ चाउघारा सासो ओल्लापाप्याङ | 23 ओदोङ भाअ्सिङ वाको आमाइ-आबा दोअ्हि, “वा बार्का जेङ्का हि वासेहेङ हिसु |” 24 कालाउ यहुदि अगुवागेलाइ आरोङ्बुङ उङ्को द्याङ लाम्फा कान्हा हिघाहि आरोङ न्हुसो काइतेङ दोअ्हि, “ना परमेस्वरको महिमा ताअ्लि सत्ये धुइलि गोयाना | केलाइ गिनाखे कि इदोइ द्याङ पापि हि |” 25 उङ्को द्याङ उत्तरा पिहि, “ वा पापिदोङ दोअ्तेङ का मागिखा कालाउ का इदोइ झोको खिनिङ हिघाखा का कान्हा हिगाखा एला तिङ्लि दोओका जेङ्घा |” 26 यहुदि गेलाइदोङ हिअ्हि, “ वाहाइपालि ? नाङ्को मिसिया हेसा एल्पाहि ?” 27 उङ्को द्याङ् उत्तरा पिहि, “ का नेलाइहेङ लाम्फा दोअ्लि दोअ्का हिघा, कालाउ नेलाइ मा-मा हिङ्पिसुना | हाइपालि नेलाइ आरोङ हिङ्लि खाङ्सुखेना ? हाइ नेलाइबुङ वाको चात्यागेलाइ जेङ्लि खाङ्सुखेना ?” 28 यहुदि अगुवागेलाइ मारेम्फाङ चेरताम्पातेङ उङ्को द्याङ मारेम्फा बोलिसो चेर्हि | कालाउ इम्लाइ दोअ्हि, “ ना उङ्को द्याङ्को चत्या केलाइ मोसाको चात्यागेलाइ | 29 केलाइ गिनाखे कि परमेस्वर मोसा दोअ्फा नुइधुइहि , कालाउ केलाइ उङ्को द्याङको बिसयता हाइदोङ मागिनाखे, वा हिसोसोलोका | 30 उङ्को द्याङ उत्तरा पिअ्हि, “इदोइ हिस्का भारभुसाइका काथा हि, येसु: हिसोसो लोहि, नेलाइ मागिसुखेना, कालाउ वा काङ्को मिसिया एलपाहिहि | 31 केलाइ झाराङ गिनाखे कि परमेस्वर, पापिगेलाइको काथा माहिङ्खे कालाउबुङ परमेस्वर गोताङ द्याङ्सो हिङ्खे जाइ भक्त हि कालाउ परमेस्वर चाहेका भाइपाङ पाखे | 32 इस्का हेलाउबुङ हिङ्का मान्थुहि कि हासुबुङ जोलोमसोङ कान्हाहेङ मिसिया तिङ्पाहि | 33 उङ्को द्याङ परमेस्वरसोङ लोका हिली गोयाङ एदि वा परमेस्वरसो मालोकानु वादोङ इस्का हिदोइबुङ काथा पालि मादोधाङ |” 34 यहुदि अगुवागेलाइ उतारा पिहि, “ना पापदोङ पापसो पोङ्घातेङ जोलोम जेङ्का हिना ? ना केलाहेङ धिर्पालि भोखेना ?” इम्लाइ उङ्को द्याङहेङ घोघ्राइतेङ ओल्लापागिल्हि | 35 यहुदि अगुवागेलाइ उङ्को द्याङ्हेङ ओल्लापागिल्का येसु: चाला गिहि, येसु: उङ्को द्याङ्हेङ दुसुतेङ दोअ्हि, “ना द्याङ्को चान ह्रुसो खन्धुरि पाखेना ?” 36 उङ्को द्याङ हिअ्हि, “प्रभु, द्याङ्को चान ना, हासुको ? कालाउ कासेहेङ दोअ्पि, कालाउ का वासेहेङ खान्धुरि पालि द्वाङ्का |” 37 येसु: उङ्को द्याङहेङ दोअ्हि, “ना वासेहेङ तिङ्लि दोहोइना , द्याङको चान वाआङ्दोङ जाइ नाङ्का दोफा एला नुइधुइतेङ हिकाहि | 38 इङ्को द्याङदोङ दोअ्हि, “ ऐइ प्रभु, का खान्धुरि पाङ्का ?” कालाउ उङ्को न्हुसो येसु:हेङ तिरोथोतेङ सेउपाहि | 39 येसु: दोअ्हि, “का इदोइ सुमिङ्ता न्या पालि लोका का इङ्को भाअ्सि लोका कान्हा द्याङगेलाइ तिङ्लि द्वाको ,का इङ्को भाअ्सि लोका तिङ्लि दोकालाइ कान्हा जेनाको |” 40 आधिमि फारिसिगेलाइ येसु:को भेर्पा हिघाहि, इम्बालाइ येसु:को दोअ्का हिङ्हि कालाउ हिअ्हि, “केलाइबुङ कान्हा हिनाहि दोअ्तेङ ना दोअ्तेङ हिना |” 41 येसु: दोअ्हि, “एदि नेलाइ जातिङकोङ कान्हा जेङ्कानु नेलाइ पापको भागि माजेङ्धास्वाना , कालाउ एला नेलाइ तिङ्खा दोसुखेना, ओदोङ् भाअ्सिङ नेलाइको दोसिहितेङ ह्यावा |”