युहन्ना 5

उङ्को न्हुसो यहुदिया गेलाइको पार्बा हिघाहि, कालाउ येसु: यरुसेलेमता हानिहि | 2 यरुसेलेमता नालोङ दलानगेलाइ होइ खोराइका एलोङ चिकुण्ड हि, जाइहेङ हिब्रु भासाता बेथस्दा दोअ्खे, या जलकुण्ड भेडा को भेर्पा हि | 3 इन्ता खाल्खालको मासाधिकागेलाइ कालाउ कान्हा, खेरानद्या गाइलि खोकालाइ सालाङगापा जिम्तेङ हिघाखे | इम्लाइ चि हेथे पहर साल्काताङ दोअ्तेङ ह्रुमतेङ हिघाहि | 4 हाइपालिदोनु परमप्रभुको एनोङ दु:त पहर-पहरता चि कुन्दता खुअ्तेङ चि हेङ्गालाइ पिघाखे , कालाउ चि साल्कातेङ न्हुसो ज्याइ लाम्फा चि लिता दुबिघाहि , जिसिका मासाधिका हिलाबुङ , उङ्को एल्घाहि | 5 इन्ता न्हेकुरिता न्हेबासार घति एलोङ मासाधेका द्याङ हिघाहि | 6 उङ्को द्याङहेङ इनता सि:लितोम्पा जिम्तेङ हिका येसु: तिङ्हि |निकोङ दिना लाम्फासो उङ्को मासाधेका जेङ्का हिघाहि |येसु: इङ्को गितेङ दोअ्हि , “ना हाइ एल्लि भोखेना कोनु ?” 7 मासाधेका वासेङ दोअ्हि, “हाइ, जेदोङ चि छाल्काखे कासेहेङ जलकुन्डता दुल्पाका काङ्को हासुबुङ मान्थु , का हानिकाताङ खाङ्तेङ लाम्फा द्याङ, चिता दुबितेङ हिखे |” 8 उङ्कोहेङ येसु: दोअ्हि, “ल्हो, कालाउ जाअ् नाङ्को सिदाउ तोअ्, कालाउ ते |” 9 ओदोङ घुरि उङ्को द्याङ येल्हि , ताइको सिदाउ चुम्तेङ कालाउ वा तेलि तेङ्हि | कोकोदिना माइसाचा चाका दिना हिघाहि | 10 ओदोङ भाअ्सिङ एल्का द्याङ्हेङ यहुदिगेलाइ दोअ्हि, “इदोइते माइसाचाका दिना ,ना सिदाउ चुम्तेङ हानिलि मारेमाङ |” 11 इम्लाहेङ वा जोबाफ पिहि , “ज्याइ कासेहेङ एल्पाहि वा दोअ्हि, 'ताइको सिदाउ चुम्तेङ हाने '|” 12 वासेहेङ इम्बालाइ हिअ्हि, “सिदाउ चुम्तेङ हानिलि नासेङ हिदोइ द्याङ दोअ्हि ?” 13 उङ्को एल्का द्याङ वासेहेङ नाल्का मान्थुघाहि हाइपालिपानु उङ्को थामेता गुल्सुमुल्सुपा द्याङ हिघाहि येसु: इन्तासो हानिलि दोका हिघाहि | 14 कालाउ न्हुसो वासेहेङ् येसु: मुन्दिर दुसुतेङ दोअ्हि, “खाङ् ना एल्होइना | आरोङ पाप मापा, नाङ्को ह्रुता आरोङ्बुङ मारेम्का माज्याको |” 15 कासेहेङ एल्पाका ते ये:सु हिघाहि दोअ्तेङ, यहुदियागेलाइहेङ हानितेङ दोपिहि | 16 ओदोङ भाअ्सिङ यहुदियागेलाइ येसु:हेङ भोलि तेङ्हि, हाइपालिदोनु वा इदोइ काम माइसाचाका दिना काम पाका हिघाहि कालाउ येसु:हेङ साताइली तेङ्हि | 17 कालाउ येसु: इम्बालाइहेङ दोअ्हि , “काङ्कोआबा एला थेकापा काम पादोङ्खे, कालाउ काबुङ काम पातेङ हिघा |” 18 ओदोङ भासिङ यहुदिगेलाइ येसुहेङ सेअ्लि दाउ भोतेङ हिघाहि,हाइपालिपानु वा माइसाचाका दिना भङ्गो पाका खिनीङ माको ,कालाउ ताइमिहेङ परमेस्वरको झोको बाराबोरको काथा दोघाहि कालाउ परमेस्वरहेङ ताइकोङ आबा दोघाहि | 19 इम्बालाइ येसु:हेङ दोअ्हि, “ जातिङ्भारि, का नेलाहेङ दोअ्खा,चान ताइमिङ हाइदोङ पालि मादोखे ,कालाउ आबा जेदोङ पाका तिङ्खे, इङ्को खीनिङ पाखे कालाउ आबा जेदोङ पाखे,चानबुङ इन्साङ पाखे | 20 हाइपालिपानु आबा चानहेङ प्रेम पाखे, कालाउ वा तामिङ पाका गोतेङ काम चानहेङ तिम्पिखे |इदोइ खाङ्तेङ माहान काम वा चानहेङ तिम्पाङ, कालाउ नेलाइ भाङ्भाङ्स्वाना | 21 हाइपालिदोनु जेसाङ आबा सि:कालाइहेङ सिन्हुपाखे, इम्बालाइहेङ जिवन पिखे, इन्साङ चानबुङ ज्याइहेङ इच्सा जेङ्खे उङ्कोहेङ जिवन पिखे | 22 हाइपालिदोनु आबा हासुकोबुङ न्यायनिसाप मापाखे,बरु गोताङ न्याय निसाप पाका काम चानहेङ पिकाहि, 23 हाइपालिपानु झाराङ चानहेङ मान्याको, जेसाङ इम्बालाइ आबाहेङ मान्त्या पाखे, चानको मान्त्या मापाकालाइ वासेहेङ दिङ्गिल्काहेङ्बुङ मान्त्या मापावा | 24 "“जातिङ्भारि, ""का नेलाइहेङ दोअ्खा, ज्याइ काङ्को वचन हिङ्खे कालाउ कासेहेङ दिङ्गिल्काहेङ खान्धुरि पाखे, उङ्को दोफा अनन्त जिवन हि |उङ्को न्यायता मालोखे, कालाउ सि:कासो सिन्हुतेङ जिवनता दुल्का हि |" 25 साच्चिकोङ, का नेलाइ दोअ्खा, उङ्को दिना लोदोङ्खे, कालाउ उङ्को दिना एलादोङ, जेलाउ सि:कालाइ परमेस्वरको चानको गाला हिनावा, कालाउ हिङ्कालाइ बान्च्याङ | 26 हाइपालिदोनु जेसाङ आबा ताइमिताङ्ता जिवन हि, इन्साङ वादोङ चानहेङ ताइमिता जिवनको जाइलि मुल खाबारा पिका हि | 27 कालाउ वासिहेङ न्यायको फैसाला पाका खाबारा पिका हि,हाइपालिपानु वा द्याङ्को चान हि | 28 “ इदोइता माभाङ्भाङ्सु , हाइपालिदोनु दिना लोदोङ्खे, जेलाउ तोम्ता हिकालाइ झाराङ वाको गाला हिनावा, 29 कालाउ बाहार उल्लितेङ लावा एल्का काम पाकालाइ जिवनको भाअ्सिङ सिङ्चाङ कालाउ माएल्का काम पाकालाइ दन्ड आग्याको भाअ्सिङ सिङ्चाङ | 30 “का ताइमिङ हाइदोङ पालि मादाङ्का |जिस्का का हिङ्खा इन्सीकाङ न्याय का पाखा, कालाउ काङ्को न्याय थिक जेनाङखे , हाइपालिपानु का ताइको इच्सा माभोखा, कालाउ कासेहेङ दिङ्गिल्काको इच्सा भोखा | 31 “एदि का ताइको बिसयता गवाहि पिघापानु काङ्को गवाहि सत्ये माजेनाङ | 32 काङ्को बिसयता गवाहि पिका भेनेङ हि, कालाउ का गिखा, वा काङ्को बिसयता जेदोङ गवाहि पिखे, इङ्को गवाहि सत्ये जेङ्खे | 33 यु:हान्नाकोता नेलाइ हि:लि दिङ्गिल्सुना, कालाउ वा सत्येको गवाहि पिका हि | 34 का ग्रहन पाका गवाहि द्याङ्को भाअ्सिङ माको, कालाबुङ नेलाइको उदार ज्याको दोतेङ का इदोइ काथा दोअ्खा | 35 यु:हान्ना जोल्का कालाउ थासासाइका गेसा हिघाहि , कालाउ नेलाइ वाको थासासाइकाता आतुइसा समय लाबुङ आनन्द मानिलि राजि पासुन्हा | 36 “कालाउ कादोफा जेदोङ गवाहि हि, इङ्को यु:हन्नाको खाङ्तेङ बार्का हि | हाइपालिपानु जेदोङ कामगेलाइ पुरा पालि आवा कासेहेङ पिका हि, इङ्को काम का पादोङ्खा , कालाउ वा काङ्को बिसयता गवाहि पितेङ हि, कि आबादोङ कासेहेङ दिङ्गिल्का हि | 37 कासेहेङ दिङ्गिल्का आबा ताइमिदोङ काङ्को बिसयता गवाहि पिका हि |वाको गाला नेलाइ हेलाउबुङ हिङ्का मान्थुसुना, वाको स्वारूप हेलाउबुङ तिङ्का मान्थुसुना | 38 वाको वचन नेलाइता माह्याङ हाइपालिदोनु ज्याइहेङ वा दिङ्गिल्हि, नेलाइ वासेहेङ खान्धुरि मापासुखेना | 39 नेलाइ धर्म सास्तारता भोसुखेना, हाइपालिदोनु इन्ता अनन्त जिवन निङ्खे दोअ्तेङ नेलाइ मानिसुखेना | काङ्को बिसयता गवाहि पिका इङ्कोङ धर्म सास्तरदोङ, 40 कालाउबुङ नेलाइ जिवन निङ्लि काङ्कोता लोलि माकिसुखेना | 41 “का द्यागेलाइदोफा महिमा माह्रुकाङ्का , 42 कालाउ का परमेस्वरको मायारू नेलाइता मान्थु दोअ्तेङ का गिखा | 43 का ताइको आबाको मिङ्ता लोका हिघा, कालाउ नेलाइ कासेहेङ मा-माह्रुसुखेना (ग्रहन मापास्वाना) | भेनेङ हासुङ ताइकोङ मिङ्ता लोका जेङ्नु उङ्कोहेङ ह्रुसुवाना( ग्रहन पास्वाना) | 44 नेलाइ हेसा खान्धुरि पालि दोस्वाना , जेलाउ नेलाइ ताइ- ताइमिता भेनाङ सो मान भोसुखेना, कालाउ इङ्को मान माभोसुखेना, जेदोङ एनोङ खिनिङ परमेस्वरसो लोखे ? 45 “इदोइ मासम्झेसु, हाइ का आबाको भेर्पा नेलाइहेङ दोसिलि प्याङ्का | नेलाइहेङ दोसिलि बानाइकाते मोसा हि , जेदोङ्ता नेलाइ आसा पातेङ हिसुना | 46 हाइपालिदोनु नेलाइ मोसाहेङ खान्धुरि पाकानु कासेहेङ्बुङ खान्धुरि पासुध्यावाना, हाइपालिपानु वा काङ्को बिसयता लिखेका हिघाहि | 47 कालाउ नेलाइ वादोङ, लेखिका काथागेलाइ खान्धुरि मापासुखेना पानु, काङ्को दोअ्का वचनता हेसा खान्धुरि पासुवाना ?”