युहन्ना 4

यु:हान्ना खान्तेङ येसु: हेन्जा चात्यागेलाइ बानाइका-बानाइकाङ हि कालाउ बप्तिस्ताबुङ पिका-पिकाङ्हि दोअ्का फरिसिगेलाइदोङ हिङ्हि | 2 काथा हाइदोनु येसु: ताइमिङ ते माको, वाको चत्यागेलाइ बत्तिस्ता पिघाहि | 3 जेलाउ येसु: एदोइ काथा गिहि, वा यहुदिया लातेङ आरोङ गालिलता घुरेहि | 4 वासेङ सामरियापाहा जेङ्तेङ हानेलिगोइघाहि | 5 कालाउ वा समरियाको सुखार दोका नागरता थुकालिलोहि |एदोइ नगर याकुब ताइको चान योसेफहेङ पिका मिलिङ भेर्पा जेङ्घाहि 6 इन्ता याकुबको चुवा हिघाहि | येसु: लोकाताङ पालाउ दामाता माइकाहिगाहि कालाउ इङ्को चुवाको भेर्पा योम्तेङ हिघाहि |कालाउ आधाबेला जेङ्का हिघाहि |(प्राय मध्यान भएको थियो ) 7 एलोङ सामारि बेबाल चि इ:लि इन्ता लोहि | `येसु: उङ्कोहेङ दोअ्हि, “कासेङ चि आम्लि पिनि |” 8 वाको चात्यागेलाइ सहरता चाका आमेगेलाइ चोल्लि हानिका हिघाहि | 9 वाको चात्यागेलाइ सहरता चाका आमेगेलाइ चोल्लि हानिका हिघाहि | 10 येसु: उङ्कोहेङ दोअ्हि, “ना् परमेस्वरको बरदान कालाउ नादोफा चि ह्रेका द्याङहेङ नाल्कानु नादोङ वादोफा चि र्ह्रेधाना, कालाउ वादोङ नाहेङ जिआइका चि पिधाना |” 11 उङ्को बेबाल वासेङ दोअ्हि, “ हजुर, नाङ्कोदोफा इका दोल मान्थु, कालाउ चुवाबुङ चिल्वावाङका हि |(गहिरो छ )कालाउ ना हितासो इङ्को जिआइका चि चुमाना ? 12 हाइ ना केलाइको आजाइ- आजु याकुब खाङ्तेङ बार्का हिना ? वादोङ केलाइहेङ इदोइ चुवा बानाइपि, वा ताइमिदोङ वाको सन्तान कालाउ वाको गुपुस गाइ-पिया (गईबस्तुले) इदोङ च्वाको चि आम्हि |” 13 येसु: वासेङ दोअ्हि, “इदोइ चि आम्का झाराङ आरोङ चि आम्लिकिताङ, 14 कालाउ ज्याइ-ज्याइ काङ्को पिका चि आम्खे उङ्को हिदिकाल्लाबुङ चि आम्लि माकिताङ |जेदोङ चि का प्याङका, इङ्को चि वाकोता अनन्त जिवनको भाअ्सिङ मुर्तेङ हिका चिको मुहान जेनाङ |” 15 उङ्को बेबाल वासेङ दोअ्हि, “हजुर ,कासेङ उङ्को चि पि , कालाउ का चि आम्लि माकिताङ्का , कालाउ इता चि इलि लोतेङ हिलि मागोयाङ्का |” 16 येसु: उङ्कोहेङ दोअ्हि, “हाने, नाङ्को 'के'हेङ काइतेङ चुमा |” 17 उङ्को बेबाल दोअ्हि, “काङ्को 'के' मान्थु |”येसु: उङ्कोहेङ दोअ्हि , “नाङ्को के मान्थु दोअ्तेङ ना थिकोङ दोअ्न्हा , 18 हाइपालिदोनु नाङ्को नामि के जेङ्लि दोहोइ ,कालाउ जेदोङ एला नादोफा हि , उङ्को-नाङ्को के माको | ना इदोइ जातिकोङ दोखेना |” 19 उङ्को बेबाला वासेङ दोअ्हि , “हजुर, ना अगम्बक्तादोङ दोअ्तेङ का थागिघा | 20 केलाइको आजाइ -आजुगेलाइ इदोङ तिकार्ताता पुजापाहि, कालाउ नेलाइ दोसुखेना, पुजापाका थामे यरुसलेदोङ |” 21 येसु: उङ्कोहेङ दोअ्हि , “एइ तिरि,(नारी)कासेङ खान्धुरिपा, इङ्को दिना लोदोङ्खे , जेलाउ नेलाइ ना ते इदोइ तिकार्ता, ना यरुसलेमता ह्रुताको आबाहेङ सेवा पासुवाना | 22 नेलाइ जेदोङ सेवापासुखेना(आराधाना) इङ्को मागिसुखेना |केलाइ जेदोङ सेवा पानाखे उङ्को गिनाखे, हाइपालिदोनु मुक्तिचाहि यहुदिगेलाइसो लोखे | 23 कालाउ दिना लोदोङ्खे, कालाउ उङ्को दिना एलाङ्दोङ जेङ, जेलाउ साचिकोङ सेवापाकालाइ आबाहेङ आत्मा कालाउ सत्तेता सेवा पाखे |हाइपालिपानु सेवा पाका इस्काङ सेवा पाकालाइहेङ्दोङ आबा भोअ्खे | 24 'सो परमेस्वर आत्मा हिका हि, कालाउ वाको सेवापाकागेलाइ आत्मा कालाउ सत्तेतासेवा पालिगोइखे | 25 उङ्को बेबाल वासेङ दोअ्हि, “का गिखा, हाइदोनु मसिह ल्वाङ (वासेङ ख्रिस्ट दोनाखे ),कालाउ जेलाउ वा ल्वाङ, कालाउ वादोङ केलाइ झाराङ्हेङ गोताङ काथा दोअ्ताङ |” 26 येसु; इङ्कोहेङ दोअ्हि, “नादोफा धुइका, काआङ्दोङ 27 अदोङ्घुरि वाको चात्यागेलाइ लोहि,कालाउ वासेहेङ इमि बेबालदोफा काथा पातेङ हिका तिङ्तेङ सक्कपरेहि, कालाउ“ ना हाइ चाहिखेना ? कालाउ“ना उङ्को बेबालदोफा हाइपालि काथा दोघाना ?”दोतेङ हासुबुङ माहि:हि | 28 कालाउ उङ्को बेबाल ताइको घाल्से सिधितेङ सहरभारि हानिहि, कालाउ द्याङ्गेलाइहेङ दोअ्हि, 29 “लोसु, एलोङ द्याङ्हेङ खाङ्सु, ज्याइ कादोङ पाका गोतेङ काम कासेङ दोअ्पिहि |हिसोङ (हाइ) वाआङ्दोङ ख्रिस्ट ते माकोनि ?” 30 कालाउ इम्बालाइ सहरसो उल्लितेङ वाकोता हानिहि | 31 इदोङ माझाता चात्यागेलाइ वासेङ एसादोअ्तेङ सेउपाहि, “रब्बि उम चा दोअ्हि |” 32 कालाउ वा इम्बालाहेङ दोअ्हि, “ कादोफा चालिभाअ्सिङ चाका-आम्का हि, इदोइ नेलाइहेङ थाहामान्थु |” 33 अदोङ भाअ्सिङ चत्यागेलाइ ता-तामिता दोअ्हि, “हाइ हासुदोङ वासेङ चाका-आम्का पिपाहि कि ना हेसा ?” 34 येसु: इम्बालाइहेङ दोअ्हि, “कासेङ दिङ्गिल्काको मन भाइपाङ पालि, कालाउ वाकोकाम पुरापालिदोङ काङ्को चाका उम | 35 हाइ नेलाइ मादोसुवाना, 'आरोङ द्या माहिना बाकि हि, कालाउ सेका चेका दिना लाङ ?' का नेलाइहेङ दोअ्खा, ताइको मिसिया ल्हेतेङ मिलिङ भारि सेका खाङ चेकादिना जेङ्होइ | 36 ज्याइ सेका उम चेखे वादोङ ज्याला बनिनिङ्खे, कालाउ अनन्त जिन्दिको भाअ्सि फलपाको सेका जोम्पाखे, कालाउ बिकालाइ-चेकालाइ एदोसाङ हाउसाइखे | 37 हाइपानु 'एमि बि:खे, कालाउ भेनाङ द्याङ चेखे ,' दोअ्का बचन सत्ये जेङ्खे | 38 का नेलाइहेङ इन्ता चेलि दिङ्गिल्घा ,जेता नेलाइ मेहेनत पाका मान्थुसुन्हा | भेनाङ द्याङ्गेलाइ मेहेनत पाकाहि,कालाउ इम्बालाइको मेहेनतको फल नेलाइदोङ निङ्का हिसुना |” 39 “का जेदोङ पाघा वादोङ कासेङ गोतेङ दोअ्पिहि ” दोअ्का उङ्को बेबालको गवाहि पालाउ उङ्को नगरको सामारिगेलाइ हिन्जा वासेङ खान्धुरि पाहि | 40 अदोङ भाअ्सिङ जेलाउ सामारिगेलाइ वाकोता लोहि, कालाउ इम्बालाइ वाहेङ इम्बालाइदोफा हिलि सेउपाहि ,कालाउ वा न्हेनि इन्ता हि | 41 कालाउ वाको दोअ्का बचन हिङ्तेङ आरोङ हिन्सा वासेहेङ खान्धुरि पाहि | 42 उङ्को बेबालहेङ इम्बालाइ दोअ्हि , “एला ना दोअ्का काथाता केलाइ खान्धुरि पाका माको, कालाउ केलाइ ताइमिदोङ हिङ्का कारनसो जातिकोङ वा सुमिङ्को मुक्तिदाता वादोङ दोअ्तेङ केलाइ गिका हिनाहि |” 43 न्हेनि-न्हुसो इन्तासो ओलितेङ वा गालिलता हानिहि | 44 येसु:टाइमिङ गावाहि पिहि, हाइपालिपानु ताइको निजि सारभिता हिदोइबुङ अगमबक्ताको आदर मान्थुके | 45 जेलाउ वा गालिलता लोअ्हि, कालाउ वा यरुसलेमता पार्बाको दिनाता जेदोङ पाका हिघाहि इङ्को गोतेङ काम तिङ्का हिनासि हिघाहि | अदोङ भाअ्सिङ गालिलिगेलाइ वासेङ स्वागत पाहि,हाइदोनु इम्बालाइबुङ पार्बाता हानिका हिघाहि | 46 उङ्को न्हुसो वा आरोङ गालिलको काना नगरता लोहि,| जेता वादोङ चिहेङ दाखगोरा बानाइका हिघाहि |करफनहुमता एमि बार्का अधिकारि हिघाहि,ज्याइको चान मिसा लोका हिघाहि | 47 येसु:यहुदियासो गालिलता लोका हि, दोअ्का हिङ्तेङ उङ्को वाकोता हानिहि ,कालाउ वाको चान सिलितोम्का हिघाहि | वाको चानहेङ लोतेङ एल्पापि दोअ्तेङ सेउपाहि | 48 येसु:दोङ इन्कोहेङ दोअ्हि, “नेलाइ चिना कालाउ सक्क परिका कामगेलाइ मातिम्पाभरि हिदोइबुङ रितिसो खान्धुरि मापासुखेना |” 49 इङ्को बार्का अधिकारि वासेहेङ दोअ्हि, “हजुर ना, काङ्को चान सि:लिखातेङ लाम्फादोङ लोपि |” 50 येसु: इङ्कोहेङ दोअ्हि , “हाने, नाङ्को चान वान्च्याङ |”येसु: उङ्कोहेङ दोअ्का वचन उङ्को द्याङ खान्धुरि पाहि ,कालाउ ताइको दामा चाहि | 51 कालाउ उङ्को हानिकाताङ पालाउ दामाता वाको चाकिरियागेलाइ उङ्कोहेङ दुसुतेङ दोअ्हि नाङ्को चान बान्चिहोइ उङ्कोहेङ दोअ्हि | 52 अदोङ पहरसो उङ्कोहेङ सोन्चो जेङ्लि तेङ्हि दोअ्तेङ इङ्को इम्लाइहेङ हिकाता इम्लाइ दोअ्हि, “आन्जिनितिमा ए बजेसो उङ्को मिसा वासेहेङ लाअहि |” 53 येसु: उङ्कोहेङ दोअ्हि, “ नाङ्को चान बान्च्याङ, “दोअ्का पहरसोङ होनाहो दोतेङ आबा थाहा गिअ्हि| कालाउ वा ताइमिङ कालाउ वाको इङ्को को गोतेङ जाहानदोङ खानधुरि पाहि | 54 यहुदियासो गालिलता लोतेङ येसु: पाका इदोइ न्हेतेङ चिना हिघाहि |