युहन्ना 2

तेखर दिना (तेस्रो दिन, ) गालिलको काना नागरता एनोङ बिहु हिघाहि | येसु: को आमाइ इन्ता हिघाखे | 2 बिहुता येसु: कालाउ वाको चत्यागेलाइहेङ्बुङ नेउता पिका हिघाहि | 3 येसु:को आमाइ वासेङ दोअ्हि गोरा दोलिदोहोइ, “इम्बालाइलाइदोफा गोरा मान्थु |” 4 येसु: उङ्कोहेङ दोअ्हि, “ हे तिरि (नारी) , का हाइपालि गोइका कासेहेङ मादोसु | काङ्को दिना एलाथेकापा लोका मान्थु |” 5 वाको आमाइ चत्यागेलाइहेङ दोअ्हि, “वाको दोअ्का कोनिङ नेलाइ पासु |” 6 कालाउ याहुदियागेलाइको सुद्दि मुन्दुमको भाअ्सिङ इन्ता एसाइ लिटर सुका उन्थुइको घ्याम्पागेलाइ तुलोङ ताअ्का हिघाहि | 7 येसु: इम्लाइहेङ दोअ्हि, “ घ्म्पागेलाइता चि भरेसु |”इम्बाइलाइ घ्म्पाको नुइ थिकाता चि धुम्पिहि 8 वादोङ ओबालाइहेङ दोअ्हि, “आतुइसा उघाइतेङ बिहुको माझिवाराङ्कोता चाम्पुसु |” इम्ब़ालाइ इङ्को चुम्पुहि | 9 बिहुता माझिवाराङ इङ्को चि चाखीहि, इङ्को कालाउ गोरा भाइका हिघाहि | इङ्को हितासो लोकाहिघाहि ओदोङ वासेहेङ थाहा माजेङ्हि, कालाउ चिधुम्का चत्यागेलाइ खीनिङ गिका हिघाहि |कालाउ बिहुता माझिवाराङ दरुवाहेङ (दारा, बेहुला) काइतेङ दोअ्हि, 10 “लाम्फाङ द्याङ्गेलाइ एल्का गोरा ओल्लापाखे कालाउ द्याङ्गेलाइ हेन्सा आम्तेङ खिनिङ चेचेका गोरा ताअ्पिखे | नाते एल्का गोरा एलाथेकापा ताअ्काहिना |” 11 वाको चिनागेलाइता इदोइ लाङ्चिना येसु: गालिलको कानाता पाहि | एसापा वादोङ ताइको महिमा तिङ्पाही, कालाउ वाको चात्यागेलाइ वासेङ खानधुरी पाहि | 12 कालाउ न्हुसो वा ताइको आमाइ, ओनेगेलाइ कालाउ यात्यागेलाइदोफा कर्फुनहुमता हानिहि , कालाउ एनि न्हेनि हि | 13 यहुदिगेलाइको निस्तार-पर्बा भेरपाङ लोका हिघाहि,कालाउ येसु: यरुसेलेमता हानिहि | 14 वा थानसाता(मन्दिर) पिया,भेडामेसा कालाउ कुर्जा पिकालाइ ताका सोकालाइ पिकालाइ चोल्कालाइहेङ दुसुहि | 15 कालाउ दियाम्को एनोङ म्हेका द्वालि बनाइतेङ वा थानसो इङ्को गोतेङ्हेङ, इम्बालाइको भेडामेसागेलाइ कालाउ पियागेलाइ सुदाङ थानसासो बाहार दिङ्गिल्पिहि, कालाउ ताका सोकालाइको रेच्कि तुपितेङ इम्बालाइको चाङ्चाउकि (टेबल) उल्तिपहि | 16 कुर्जा पिकालाइहेङ वा दोअ्हि, “एतासो इदोइगोतेङ आनेमाने चुम्पुसु |काङ्को आबाको साहेङ बेपारपाका सा माबानाइसु |'' 17 वाको चात्यागेलाइहेङ धर्मसास्तरता लेखिका इदोइ काथा फमलोहि, “नाङ्को साको जोसहोइदोङ कासेङ से:तावा |” 18 यहुदिगेलाइ वासेहेङ दोअ्हि, “ना इदोइ(यिदोइ) काम पाखेना, याको भाअ्सिङ केलाइहेङ हाइ चिना तिङ्पाना ?” 19 येसु: इम्लाइहेङ जोबाफ पिहि, “ इदोइ थानसाहेङ र्-हापिसु कालाउ का सुम्निता यासेङ बानायाङ्का |” 20 कालाउ यहुदिगेलाइ दोअ्हि , “इदोइ थानसाहेङ बानाइलिदोलि द्याकुरि-तु बाअ्सार लागिहि,कालाउ हाइ ना यासेङ सुम्निताङ बानाइलि द्वाना रो ?” 21 जेदोङ थान साको बिसयता वा दोअ्का हिघाहि, उङ्को वाको जिउ हिघाहि | 22 जेलाउ वासेहेङ सिकासो तोलिलाउ, कालाउ येसु: दोअ्का इदोइ काथा चात्यागेलाइहेङ फोम्लोहि, कालाउ इम्बालाइ धर्मसास्तरता कालाउ येसु: को नुइ धुइका बचनता खानधुरि पाहि | 23 जेलाउ निस्तार- पार्बाको चाका-आम्का बेला वा यरूसेलेता हिघाहि, कालाउ वाको पाका चिनागेलाइ तिङ्तेङ हेन्जाङ वाको मिङ्ता खानधुरि पाहि 24 कालाउ येसु: ताइमिहेङ इम्बालाइको भरसाता मालापिहि, 25 हाइपालिदोनु द्याङ हाइरो ? दोअ्का वा गिकाहिघाहि | वासेहेङ द्याङको बिसोयता हासुबुङ धिर्पालि गोइका आवस्यक मन्थुघाहि, हाइपालिपानु द्याङ्को हृदयता हाइ जेङ्खे, वा ताइमिङ गिकाहिघाहि |