तीमुथियुस क नांऊ पौलुस को दूसरो कागद
2 तीमुथियुस
पौथी को परिचय
यो कागद तिमोथी क नांऊ दूसरो “पास्तरीय कागद” छ। यो कागद पौलुस तिमोथी न्अ एकात ओर खुदकी सलाह देबा बेई माण्ढ्यो छो। तिमोथी पौलुस को जुवान सहयोगी छो। कागद को खास विषय सेनसीलता छ, दुख बिरोध न्अ थरचा सुं सेन करबो। पौलुस जुवान तिमोथी न्अ उत्साहित करअ छ क वो परबु ईसु की गुवाई पूरी लगन सुं देतो रेव्अ अर पराणा निम की मन्सा साम्अ मेलता होया चोखा समचार की सक्ष्या म गाढो रेव्अ। दुख अर बिरोध होता होया बी वो धरम सखाबाळो अर परचार करबाळो होबासुं खुदका करम करता रिया। पौलुस खुदका जुवान लारहाळा न्अ खास चेतावणी देव्अ छ क वो मुरखा जस्यान को अर फालतु का सुवाल-जुवाबा, बेसबाजी सुं आंतरअ रे, क्युं क यो न्अ खतरनाक छ पण इसुं कांई बी फायदो कोन होव्अ। अस्यान का सुवाल-जुवाब सुणबाळा मनख आखरी म नास हो जाव्अ छ।
खुदकी लारहाळा न्अ कागद माण्ढ़ती बगत पौलुस खुदकी जन्दगी को उदारण देव्अ छ। खुदको बस्वास, धीरज, परेम, सेनसीलता अर सताऊ की बगत दुख न्अ राजी होर भोगबो।
रूप-रेखा
सुवागत 1:1–2
बढाई अर प्रोत्साहन 1:3—2:13
सलाह अर चेतावणी 2:14—4:5
पौलुस को उदारण 4:6–18
उपसंहार 4:19–22