तीमुथियुस क नांऊ पौलुस को पहलो कागद
1 तीमुथियुस
पौथी को परिचय
तीमुथियुस एसिया म रेबाळो एक नयो मसीई छो। उंकी माई यहूदी ज्यात की छी अर बाप यूनानी ज्यात को छो। वो थरपेड़ा पौलुस की धरम-प्रचार यात्रा म वांकी सायता करबा बेई वांकी लार को जात्री बणग्यो छो। जगा-जगा बस्वास्या की टोळी बणातो अर सम्भाळबा बेई “पास्टर” धरम की सेवा करबाळा बण्या। अर वान्अ गेलो दखाबा बेई “पास्तरीय संदेस कागद” की रचना होई। यो कागद “तीमुथियुस क नांऊ पहलो कागद” खुवाव्अ छ। माण्ढबाळो ई कागद म तीन बाता समझायो छ।
सरूवात म वो बस्वास्या की टोळी म पेली झूंटी सक्ष्या यहूदी अर बना यहूदी बच्यारा की अणोती मलावट छी। ई सक्ष्या क अनुसार बाण्अ को संसार बरो छ। मनख खास गुप्त ज्ञान सुं मुक्ति, उद्धार पा सक्अ छ, अर ज्यो मनख मुक्ति पाबो छाव्अ छ, उन्अ खास तरा का खाबाकी चीजा सुं परेज करणी चायजे अर कुंवारो रेणी चायजे।
माण्ढबाळो बस्वास्या की टोळी का एका अर आराधना-विधि का बारा निर्देस देव्अ छ। वो ईप्अ खास जोर देव्अ छ क मसीई धरम की सेवा करबाळा को चाल-चलण कस्यान को होणो चायजे, अर उम्अ कस्या-कस्या चोखा गुण होणा चायजे।
आखरी म तीमुथियुस न्अ या सलाह दी जाव्अ छ क उन्अ परबु का सांचा सेवा करबाळा का रुप म कस्यान को बुवार करणी चायजे, अर बस्वास्या की टोळी न्यारा-न्यारा टोळा बेई उंकी कांई जुम्मेवारी छ।
रूप-रेखा
सुवागत 1:1–2
बस्वास्या की टोळी अर उंका धरम की सेवा करबाळा 1:3—3:16
तीमुथियुस न्अ उंका गेला बेई निर्देस 4:1—6:21