Aptar Porikkie
4
Mor agojorun, beg aptagun bischias no gorsio. Itchiorottun oi ni noi hobor pebartei, aptagun porikkie gorsio. Haron onek nogoli muni songsar joga nigillion. 2 Ieno darai tumi Itchioro Aptabuo hobor peba: Jisu Kristo manjior heyeloi ejchie bili jei aptabuoi mane sibie Itchiorottun. 3 Ar Jisu Kristo manjior heyeloi ejchie bili jei aptabuo no mane sibie Itchiorottun noi. Tumi suinnio Kristor biruddibuo ejer. The songsarot honatto age, ar sibie Kristor biruddi apta.4 Puolok, tumi Itchiorottun. Tomar bidirie agede sibie songsarot agede sibiettun dangor hinottei, tumi tharare jittuo. 5 Thara songsarottun hinottei, thara songsaro hoda hon, ar songsaro manjie tharar hoda sunon. 6 Ami nije Itchiorottun. Je Itchior hobor pai the amar hoda sune. Je Itchiorottun noi, the amar hoda no sune. Ieno darai soittio ar mijie apta ami hobor pei.
Itchioror ar Amar Hospanagan
7 Mor agojorun, hospanagan Itchiorottun hinottei, amar hos pa-pi gorana. Je hos pai tar jormogan Itchiorottun ar the Itchiorore hobor pai. 8 Je hos no pai the Itchiorbuore hobor no pai. Haron Itchiorbuo olode hospanagan. 9 Ienie gori Itchiore amare hos paidie sien degeie. Ami tar darai baji para. Itchiore tar ekkuo gori puo sibie songsarot dipadeie. 10 Ien olode hospanagan. Ami Itchiorore hos peidie sien noi, hintu Itchiore amare hos peie ar tar nijor Puobuore dipadeie. Amar pabpanittei Itchiorbuoi hujhi oidie dali oi para Itchiore Puobuore dipadeie. 11 Mor agojorun, Itchiore sienie gori hos pai hinottei, hamakkai amar hos pa-pi gora poribo.
12 Huno jone huno din Itchior no degon. Ami judi hos pa-pi gori, amar iot Itchiorbuo thebo.Ar amar iot tar hospanagan puron obo. 13 Tar Aptabuo amare die hinottei, ami hobor pei ami Itchioro siot agi ar Itchior amar iot thai. 14 Ami degilong ar shakki di die Babe Puobuore songsar mukti gorie ijebe dipadeie. 15 Jisu olode Itchioro Puo bili je haam hai, Itchior tar siot thai ar the Itchioro siot thebo. 16 Itchioro hospanagan amattei agede sien ami hobor pelong ar bischias gorilong. Itchiorbuo olode hospanagan ar je sei hospanaganot thai, the Itchioro siot thai, ar Itchior tar siot thai. 17 Bijiero dinnuot amar sahoj thai para, ienot hospanagan amar iot puron olo. Haron the jedogkie, amio ei songsarot agi. 18 Hospanaganot dor nei, haron puripunnuo hospanagane dhoran dabei de. Sastiganot dhoran thai hinottei, je dhorai, Itchioro hospanagan tar siot puron no oi. 19 Ami tare hos pei, haron the amare akke hos peie. 20 Ek jone judi hoi, “Mui Itchiorore hos pang.” Hintu the tar bheibuore hinsie gore, the galluo. Haron je tar bheibuore degede sibiere hos no pai, the no degede Itchiorbuore hingori hos pebo? 21 Ar ien ami tartun peieidie uguman: Je Itchior hos pebo the tar bheibuore hos pa poribo.