2 Pitor
1
Mui Simon Pitor, Jisu Kristor banidaji ar apostol. Amar moillioban bischiaschano dogkie bischias agede sigunore mui legongor. Ei bischiaschan amar Itchiorbuor dharmigkano darai ar mukti gorie Jisu Kristor darai tumi peio. 2 Itchioror ar amar Probu Jisur gobhin gyenanot Itchiore tomare doye ar shanti alajhala gori duok.Itchioror Dagana
Ar Bei tulonagan
3 Itchioro hemodagane jibono sombonde ar bhokti sombonde amare begkani die. Ami tare gome-dalei hobor pei hinottei, tar hemodagane sieni amare die. The amare tar nijor mohima ar asharjio gomano darai dagkie. 4 Sedogkie gori, the sei moillioban ar oborug protiggiani amarloi gorsie. Sienir darai Itchiorbuor hatchiekkan bhag po para, ar lubbogano darai songsaro bojong jinijchanittun sari paro para.
5 Sienottei, tomar bischias-chanot goman mijei dibar baari sesta goro. Ar gomanot gyen mijei duo. 6 Gyenanot nijor domonan mijei duo. Nijor domonanot dhorjio mijei duo. Dhorjioganot bhoktien mijei duo. 7 Bhoktienot bheiunottei doye-meyegan mijei duo. Ar bheiunottei doye-meyeganot hospanagan mijei duo. 8 Haron ei jinijchani judi tomar thai, ar bari jai, amar Probu Jisu Kristore puro gori hobor pebartei tomar aw-gunor ar phol neie no thebo. 9 Jar ei jinijchani no thebo, the han ar the durot dedo noi. Tar purona pabpani tartun Itchiore dhoi phelei dede sieni the puri phelliede sie.
10 Bheilog, senottei Itchiore tomare dagkie bili siebes shokto gori asha gori thago. Itchiore tomare bei tullie bili siebes hamakkai mone gorsio. Senottei tumi judi ieni goro, tomar bischiaschan huno din jhuri no poribo. 11 Haron sedogkie gori Itchiore aisai gori tomartei somibar pod huli dibo. Amar Probu ar Mukti gorie Jisu Kristor ononto rejjioganot tumi gome gori somi paribartei the tomare dibo.
Pobitro Sastror Agami Hoda
12 Soittioganot shokto oinei, tumi sieni hobor pei theleio, sienir sombonde mui tomare monot tuli dibar olib gortung noi. 13 Bortoman mui ei heyeganot baji agong, ien olode terpal haboro dogkie. Mui ienot jedog bilom baji thang, janei dibartei mui tomare onsur monot tuli dile thik obo bili mone gorong. 14 Sien olode, amar Probu Jisu Kristoi more degeiede doge mui ei heyegan terpal haboro dogkie gori jhadi gori iri di peim. 15 Mor mone hoidie mui mori janar porendi, tumi nitto ei hodagani monot rago para, mui tomare monot tuli dibartei baari sesta gorong.
16 Amar Probu Jisu Kristor hemodagan ar the ebode hodagan jokkene hoiei salag gori ami jorei-jorei no hoi. Hintu ami amar nijor sogedi tar oborugkan degkie. 17 Haron, sorgottun ejchiede sobdobuoi jokkene hoie, “Ibie mor agojor Puo, mui tar ugure baari hujhi olung.” The Bab Itchiorbuottun sorman ar baini peie. 18 Ami nije tar loge pobitro mounnuot elong. Ar jokkene sei sobdobuo sorgottun ejchie ami suinniei.
19 Senottei muniguno hodagani amattei hamakkai thik. Ien olode andhar jagat phor oisong serag jolette dogkie ar shut tarabuo tomar ontoranit phor dede dogkie hinottei, gome-dalei mon duo. 20 Ien begottun akke hobor peio: Huno jone nije-nije Sastror agami hodagan ortho bhangibar noi. 21 Haron Sastror agami hoda huno din manjior ischiettun no eje. Hintu Pobitro Aptai nejeinei, Itchioro pobitro manuschune Sastror agami hodagan hoion.