1 Pitor
1
Mui Pitor, Jisu Kristor Apostoloi Pontas rejjiot, Galatia rejjiot, Kappadokia rejjiot, Asia rejjiot ar Bithunia rejjiot settera oinei porbhajchie dogkie gori agonde sigunore legongor. 2 Bab Itchiore tomare akke dhori hobor peinei, Aptai nokbhaj gorinei Jisu Kristore manibartei ar tar logan shidi dinei tomare bei tullie. Doyegan ar Shantigan tomar idu alajhala gori thok.Jeda Ashaganottei
Itchiorore Baini Goro
3 Jisu Kristore morattun jiei tulona darai, jeda ashaganot ebar amare tar alajhala doyegandoi jormo dede Itchiorbuor ar amar Probu Jisu Kristor Babpuor donniobad ok. 4 Odhiharo sompotti’ jien poji no jai, hajor no oi, ar sidie no oi sien tomartei sorgot thoi die oie. 5 Itchioro hemodagano darai tumio mukti pebartei bischiaso darai ragei die oie, sei muktigan ses somoiot phogodang gori dibartei jugol oi age. 6 Judio dorkar ole ikkie hanekkonottei nanan porikkiet porinei monot dug pei paro, ienot tumi shanggadik hujhi aw. 7 Sei porikkiegani olode tomar bischiaschan porikkie sebartei. Tomar bischiaschan sonattun bes moillioban, jien agundoi porikkie gorilie goli jai. Jisu Kristo jokke dega obogi, tomar bischiaschan sokkene baini, sorman ar oborug oi para. 8 Judio tumi tare no dego, tobuio tumi tare hos po. Ar judio ikkie tumi tare no degor, tobuio tumi tare bischias goror. Senottei, hoi borei no ejchie hujhigandoi ar oborugkandoi shanggadik utchob goro. 9 Tomar bischiaschanor thuman olode tomar aptagunor muktigan sien peba.
10 Ei muktigano sombonde munigune gome-dalei ar uijkare togeion ar tomar idu ebode doyegano sombonde thara agami hoidi jeion. 11 Munigune sei somoibuo hokke ebo ar hingori ebo, sei sombonde topto gorsion. Tharar iot elode Kristor aptabuoi Kristo hosto pebogide sieni ar sei porendi oborug obode sienir sombonde honatto hoi die. 12 Ei somoibuot sorgottun padei die Pobitro Aptar darai gom hoboran tomar idu prosar gora oie. Munigune hoionde sieni tomare janei die oie. Munigune hoionde lokke janei die oiede jei sien tharattei noi, hintu sien amattei. Sienir sombonde sorgo-dudtuneio topto goribartei shanggadik dhap goron. Pobitro Oio 13 Senottei, homorot habor piji-piji baninei hamortei jugol oidie dogkie gori tomar monani jugol goro. Nijore-nije domon awh ar Jisu Kristoi dega dibogidie lokkene tomare anidibode doyeganot tomar ashagan puro gori rago. 14 Hoda manie guro dogkie gori aw-gyenot ela hinottei, ago lubboganit no thagkuo. 15 Hintu je tomare dagkie the pobitro hinottei, tumio beg solsorittrot pobitro oio. 16 Haron Pobitro Sastroi hoi, “Mui pobitro hinottei tumio pobitro oio.”
17 Beg manjiore eitzabor no gorsie gori nijor hamo onusare bijier gorede Babore judi tumi dago, idu tumi porbhajchie ijebe thebade bidirie tomar solsorittrot dorenei thagkuo. 18 Tumi hobor po jei tomar Purbo-puruschununottun peie moillio neie poribhesanittun hoi jaidie jinij, jene sona robuoloi shorei lo no oi. 19 Hintu Kristo, jibe ni-rugi, dak halneie bera-shagolo shawh dogkie, sibier gunor loloi tomare shorei lo oie. 20 Songsar sristi agendi Kristore honatto thik gori tho oie, hintu ei sejo somoigunot tare tomartei degeilo. 21 Kristor darai tumi Itchiorore bischias gorsio. Tomar bischiaschan ar ashagan Itchioro iot thai para Itchiore tare morattun jiei tullie ar oborugkan die.
22 Soittiogan maninei Apta darai tomar monani sudduo gorila hinottei bheilogkunottei tomar phagara nei hospanan age. Senottei pobitro mondoi ega mone hos pa-pi gorsio. 23 Poji jaidie bijittun tumi nuo jormo no aw, hintu poji no jaidie bijittun, Itchioro hoda jien jeda ar umore-umor thai sieno darai tumi nuo jormo peio. 24 Haron,
“Beg manuschun olakke hero dogkie, Tharar beg oborugkani hero phulo dogkie. Herani sidie oi jai, ar ienir phulun jhuri poron.
25 Hintu PROBUR hodagan umore-umor thai.”
Ikkie ei hodagan gom hoborano darai tomare janei die olo.