2
Senottei, beg bojong monani, beg thoganagani, phagaragani, insie goranagani, ar beg sorjanagani bad duo. 2 Hujhi guro dogkie gori aptar hati dut pebartie shokto gori dhap goro, jade tumi sienor gune dangor aw para. 3 Tumi joga seio daw, jei Probu olode doyeli senottei dab goro.Bei Loie Silluo Ar Manuschun
4 Manjie phelei die hintu Itchiore bei loie silluo jibe jeda ar moillioban sibie idu tumi ejo. 5 Tomarloi jeda silo dogkie gori aptar ghor tulo awr. Jisu Kristor darai Itchiore gojhiloi para aptar dali dibartei pobitro guruthaguro dolot tomare lo or. 6 Senottei, ei hodaganio Sastrot age,
“Sawh, ekkuo baari gunor sil Mui bei loiong. Sibie mui Zaion sohorot begottun gunor mul-sil huppiong. Je tare bischias gore the huno din lajot porto noi.”
7 Senottei, tumi bischias gorsio bili tomartei the moillioban. Hintu bischias no goronde sigunottei,
“Ghor-tulliegune phelei duonde silluo begottun gunor mul-silluo olo.”
8 Ar,
“Ujuot haidie sil, ar azar haidie sil.”
Hodagan thara aw-mannio goron hinottei ujuot haan, ar sienot tharareo thik gora oie.
9 Hintu tumi olade bei loie piri, rajguruthaguro dol, pobitro jad. Tumi olade tar nijor manus, jene tomare andharottun tar oborug phoranot anniede sibiere tumi baini goro para. 10 Agendi tumi Itchioror manus no ela, hintu ikkie tumi Itchioror manus ola, ar agendi tumi doyegan no po, hintu ikkie tumi doyegan pela.
11 Oh mor agojorun, mui tomare porbhajchie ar aw-sin manjio sannie gori monor hujoli gorongor, aptabuor biruddie judduo gorede heyet hamona lubbottun pharok oi thago. 12 Be-jadtunor moiddie tomar hatchiekkani gom uo poribo, jei thara tomare bojong bili hoi theleio, thara tomar gom hamani deginei Itchiore bijier goribogide dinnuot Itchiorore baini goron para.
Sason-gorie ar Girojchunor Niroit Oi
13 Senottei, Probur nange manjior beg murubbiguno tole thago, rajabuo, jibe begkuno ugure odhihar sibier toleo thagkuo. 14 Bojong ham goriegunore sasti goribartei ar gom hamgoriegunore baini goribartei rajabuoi judi sason-gorie dipadele siguno toleo thagkuo. 15 Haron sien Itchiorottun mone hoidie jei, tumi gom ham goranar darai murukko manuschunor hodagani sub gori thoi dida. 16 Shadinandoi bojongan dagi thoinei noi, hintu Itchioro banidaji dogkie gori ar shadin manjior dogkie gori tole thagkuo. 17 Beg manuschunore sorman gorsio, bischiasi bheilogkunore hos peio. Itchiorore doreo ar rajabuore sorman gorsio.
18 Ghoro sagorsiegun, dorenei tomar girojchuno tole thagkuo, bana gom ar santosilluno sidu noi hintu jigun huttieri siguno toleo thagkuo. 19 Haron ek jone judi tar Itchiorbuo proti idie-ittanottei oinniei gori dug-hosto bhug gore siendoi Itchiore hujhi oi. 20 Haron tumi duj gorinei meir hele judi suei thago, hi baini obo sei? Hintu tumi gom ham gorinei hosto phele judi suei thago, siendoi Itchiore hujhi oi. 21 Sienottei na tomare daga oiede, Kristoio amattei hosto peiegi ar the amattei ekkan sinnuo phelei di jeie jene tumi tar huschun adei paro para.
22 “The huno pab no gore, tar muottun huno ekkan thogeibar hoda pa no jai.”
23 Tare aw-hoda hoinei, the bare bar aw-hoda no hoi. The hosto bhug gorinei, the harore dhomki no de, hintu soittio bijier gorede sibier adot tare the gojei die. 24 The tar nijor heyet amar pabpani gajchuo ugure bugi die, jene ami pabo nange morinei dharmigkano nange baji thei, tar bari-dakkani darai tumi gom ola. 25 Haron tumi alga bera-shagolo dogkie ela, hintu ikkie tumi tomar aptar Rakkolibuo ar aptagun Sei dede sibier idu phiri ela.