Mogkun Ar Negkunore Sigkie
3
Oh mogkun, sedogkie gori tomar nijor negkuno tole thagkuo, jene hoiek jon nege judio hodagan no manilie, hodagan sara gori tharar mogkunor hatchiekkanloi tharare jidi para jaipara. 2 Tomar duoraniloi sudduo hatchiekkani thara jokke debak tumi tharare jidi pariba. 3 Tomar shajanagan bana barendi no ok sul seraban dena, sona pinena, bah doul habor urona. 4 Hintu shajanagan no degkie ontorot, poji no jaidie nombro ar shantoshil apta doulandoi ok. Sien Itchioro sogedi gom dega jai. 5 Haron edogkie gorinei, ago dinot pobitro milieguneo jigune Itchiorore bischias gorsion, tharar nijor negkuno tole theinei thara nije sarsion. 6 Sari Abrahamor hoda duoschie ar the tare probu dagkie. Judi tumi gom ham goro ar hono hichu dorgorede jinij no doro sale tumi Sarar jhi oba.7 Oh negkun, thik sedogkie gori tomar mogkundoi bujopara oinei thago. Thara moktoba pilie ar jibonor doyegan odhikaro sompotti bhag peie somarsie ijebe tumi tharare sorman gorsio, jene tomar bor maganagani badha no pore.
Gom Hamortei Hosto
Bhug Gorana
8 Bego sejot, tumi begkune ekmon oio, sit puro-puri gorsio. Bheio dogkie gori hos pa-pi oio, doyeli ar nombro oio. 9 Aw-hoda azai aw-hoda ar insie azai insie phirei no duo. Tumi hobor po odhikaro sompotti asirbadtan pebartei tomare daga oie. Senottei, bojonggo azai asirbad duo. 10 Haron,
“Je jibonan hos pai ar gom din dedo sai the tar jilan bojong hoda honattun somori thok ar thogeibar hoda honattun tar muon somori thok.
11 The bojonggottun phirinei gom ham gorog. Ar the Shantigan togok ar lorok.
12 “Haron PROBUIE tar sogkundoi dharmig manuschunore sei age, ar tar hananiloi tharar bor maganagani sune. Hintu bojong ham goronde sigunottun PROBUIE tar muon phirei.”
13 Tumi judi gom haman leik ado honna tomare hoti goribuo? 14 Hintu dharmigkanottei judio tumi hosto bhug gorilie tumi hoballie. “Ar tharar dhomkieni no doreo, jagulugio no bottio.” 15 Hintu Probu Itchiorbuore tomar ontorot nokbhaj gori thoio. Ar tomar ontorot agede ashagano sombonde je huno jone haron pujor gorilie, rokkie goribartei niroit ar sorman gori uttor dibartei onsur jugol oi thagkuo. 16 Gom idie-ittan rageio jene, bojong ham gorie bili nang horab gori dile, Kristo iot tomar gom solsorittrogani bojong hoi duonde sigune lajan para. 17 Haron, judi Itchioro ischie ole, bojong hamortei hosto bhug gorana darane gom hamortei hosto bhug gorana bes gom. 18 Haron, Kristoi heyedi morinei hintu Aptabuor darai baji theinei, the amare Itchiorbuo sidu anibartei, dharmigkuoi aw-dharmigkunottei, theo pabpanittei ekbar hosto bhug gorsie. 19 Aptabuor daraio the jiel-hanat jeinei aptagunor sidu prosar gorsiegoi. 20 Purona amolot Noa jugot, hoda no manonde sei aptagunore eksomoi Itchiore dhorjio dori theinei barsei roie. Sei lokke Noa bor jahajchan banar, sienot hoiek jon, bana attiobuo apta panittun uddhar gora oie. 21 Sei panigan olode ekkan baptisma sinno jiene amare ikkie mukti gore. Baptismagan olode heyettun hajorani dhoi pelanagan noi, hintu Jisu Kristor jiei uduonagano darai gom idie-ittanottun Itchiorbuo sidu protiggiagan. 22 The sorgot jeie ar Itchioro denedi agegoi. Sorgo-dudtun, odhikarani ar hemodagani tar odhikaro tole thuo oie.