Itchiorottei Baji Thana
4
Kristo amattei tar heyet hosto bhug gorsie hinottei, sei ekkui monandoi tumio aittier loinei thago. Haron je tar heyet hosto bhug gorsie the pabottun sarsie. 2 Senottei the manjior lubbo doge tar bagi jinghanigan no hadeinei, hintu Itchioro ischie doge hadeibo. 3 Haron agendi, bes bhag somoi Be jadtunottun mone hoidie sieni ami gorsei. Ami sineli hamot sollei, lubbo gorsei, mattol oiei, haba-daba gorsei, dol bodinei mod heiei, ar be-aini gori mokti pujchei. 4 Sienittei, thara asharjio oion jei, tumi tharar somare sei thamei no parsie pelangbei porsie pabo hamot no jo hinottei thara tomare sorjan. 5 Jedagunore ar moragunore bijier goribartei jugol oi agede sibiere thara hamakkai ijeb di pebak. 6 Ei haronanottei gom hoborano moraguno sidu prosar gora oie, jene tharare manjior heye doge bijier gora jai, hintu aptadi Itchioro doge bajon para.7 Hintu beg jinijchanir thuman hai ejchie, senottei tumi bor magi pharopara uijkar ar nijore-nije domon gori theio. 8 “Hospanagane onek pabpani dagi thoi.” Senottei, je huno iettun shokto gori hos pa-pi gorsio. 9 No budbudeinei lobiot gora-gori gorsio. 10 Jengori jon bagene bor peio, sengori sei bor’ani Itchioror onek dhoronor gom doyer dhon-rakkoli dogkie gori sienit sebona gora-gori gorsio. 11 Je hoda hoi, the eisannie gori hok, jene the Itchioro muonottun nigillie hoda dogkie gori hok. Je sebona gore, Itchiore bol dede dogkie gori the gorog, jene je huno iet Jisu Kristor darai Itchioror baini oi para, jar mohimagan, hemodagan umore-umor ok. Amen.
Itchioror Mohimattei
Hosto bhug
12 Mor agojorun, tomare aguno dogkie porikkieloi porikkie gora obode sien asharjio jinij tomar ghodi jeiede dogkie no bhappo. 13 Hintu Kristor hosto bhugkan eddur song tumi bhag loinei hujhi aw, jene jokkene tar oborugkan dega jebo, tumio shanggadik anondo oinei hujhi aw para. 14 Judi Kristor nanganottei manjie tomare insie gorilie, tumi hoballie, haron oborugkano Aptabuo ar Itchioro Aptabuo tomar ugure thai. Tharar indi tare sorja oi, hintu tomar indi tare oborug gora oi. 15 Hintu tomartun huno jone hun gorie ijebe, suro ijebe, bojong ham gorie ijebe, ar manjior hamot jagulug gorie ijebe hosto bhug gorie no oio. 16 Hintu judi je huno jone Kristien ijebe hosto bhug gori pai, the no lajok, hintu sienot the Itchiorore baini gorog. 17 Haron Itchioro ghorot bijier arambo goribartei somoibuo ejchie. Ar ien judi amar iot akke arambo oi, salen Itchioro gom hoboran no manonde sigunor thuman hi obo? 18 Ar,
“Judi dharmigkun huno rogome mukti phele, Itchior bhokti-saragunor ar pabigunor hi obosta obo?”
19 Senottei Itchioro ischie doge jigune dug-hosto bhug goron sigune gom ham gorinei tharar aptagun bischias-joggio Sristi goriebuore gojei dedok.