Bojong Mastorun ar
Nas Obaran
2
Nogoli muni gunor loge elakke dogkie gori, bojong mastorio tomar loge thebak. Gubone thara nas oidie sigkie manuschunore dibag. Je tharare hinnie sei Probureo thara osikar goribak. Senottei thara jhadi gori nas obak. 2 Onek manjie tharar bojong podtani adeibak. Sienittei oinnio manuschune soittio podtano biruddie sorjeibak. 3 Lube thara mijie hoda joreinei tomartun lab goribak. Agottun dhori bijieran tharattei dhilei die no oi. Thara nas obakke sien ghum no jar.4 Haron pab gorsionde sorgo-dudtunore Itchiore bad no de. The tharare bijier goribartei, baninei andharot thoie, ar the tharare bijier goribartei tartarot phelei di thoie. 5 Itchiore puron songsaran bad no de, Itchior bhokti no goronde manuschuno ugure paniban gori die. Dharmigkan prosar gorie Noare ar oinnio sat jon manuschio the bajeie. 6 Itchiore Sodom ar Gomora sohorani agundoi puri phelei shei goridinei nas gorsie. Itchior bhokti no goribakke manuschunor hi obo sien the sienot degeie. 7 Itchiore dharmig Lotore bajeie. Niom sara manuschune shanda ham goronde sigune tare ogoman lageion. 8 Haron tharar loge sei dharmig Manuschuo eil. Din bagini thara hi goron the degkie, ar thara hi hon the suinnie. Tharar niom sara hamanie tar dharmig monanore dug duon. 9 Senottei dharmig manuschun porikkiet no poron para, hingori rokkie goribuo ar be-dhormi manuschun sasti pebar lakkun, hingori bijiero dinnuot thobo Probue hobor pai. 10 Sittun bes soittio, jigune heyer-hamona ar aw-pobitro ischie doge solon. Odhikarbolagunore thara aw-pela goron. Thara olakke sahoji ar nijor ischie doge goron. Oborugkunore sorjeibartei thara no dhoran. 11 Nogoli mastorunottun bes sorgo-dudtunor onek bol ar hemoda age. Tobuio, oborugkunore duj badei dibartei sorgo-dudtune Probur mujungot tharare no sorjan. 12 Hintu sei manuschune thara no bujonde jinijchani biruddie sorjan. Thara olakke shintie neie emano dogkie. Dhorinei morei pheleibartei thara jormo oion. Tharar duje thara nije nas obak.
13 Thara be-dhormi phol jhadi pebak. Tharar mon puronagan olode dinot nije-nije anondo utchob gorana. Thara tomar loge hade, thara olakke dhub-haborot hali ar hajor baschie dogkie. Jagulug goranagan ar manjiore thoganagan thara anondo utchob bili mone goron. 14 Tharar sogkun olakke por pagollie ar pab goranagan thamei no paron. Shokto noi die manuschunore thara bhulot pelan. Lubbo obartei tharar monanire akkieng gorsion. Thara olakke obisab heiegun. 15 Thara gom podtan pheleinei hu-podedi jeion. Bearor puo Balamor je be-dhormi hamor bedon hos pedo thara tar podtan adan. 16 Hintu ekkuo gadhai tar dujchanittei tare aw-hoda hoie. Hoda hoi no parsie eman oleio manjior ro dogkie gori tare hoie. Munibuo pagolo haman the badha die.
17 Sei manuschun olakke shuguno uiphud ar bor boiere nejaidie megsago dogkie. Tharattei oghur andharan umore-umorottei thoidie oie. 18 Haron ortho neie ar bhulot pelaidie hoda thara hon. Ei sedogkie gori hu-podedi jadonde sigunottun hamakkai soittio gori sarsiegunore bhulot pelan. Heyer-hamona ar shokto lub degeinei thara sigunore bhulot pelan. 19 Thara nije gom niomor banidaji oi thagke, manjiore thara shadin goribak bili protiggia goron. Haron judi huno ekkane, ek jonor ugure giroj oi thagke, sei manuschuno sienor banidaji. 20 Jokkene thara hoi paron Probu ar Mukti die Jisu Kristore, thara dhei jeion sei pittimir hamanittun jieni tharare horab gore. Judi thara aro ei somosto horab hamanit lagi than ar tharare aw-porat gore, sale akke ienittun sejor ien bes horab oi. 21 Haron dharmig podtan judi thara hobor no pedak gom no olun. Hintu tharare die oiede pobitro ugumani thara hobor panar porendi no palan hinottei bes bojong oie. 22 Soittio dagho hodagano doge tharar olo. “Hugure nijor ogollieganot phiron, ar gadeie sugor deil goribartei pekkanot jan.”