2 Jahan
Itchiore bei tulliede miliebuore ar tar puo-shabagunore, mui borjonnuoi legongor. Soittiogano darai mui tomare hos pang. Tomare hos peie bana mui noi, soittiogan hobor pande sigune begkune tomare hos pan. 2 Jei soittiogan amar iot age ar umore-umor thebo, sienottei mui tomare hos pang. 3 Bab Itchiorbuottun ar Babor Puo Jisu Kristortun doyegan, hospanagan, ar Shantigan, soittio ar hospanagandoi amar idu thok.
4 Babor uguman ami peieidie doge-doge tor hoi ek jon puo-shaba soittioganot solon bili mui hobor phelung hinottei mui baari hujhi olung. 5 Miliebuo, mui tore nuo ugum no legongor. Ei uguman olode agottun dhori elo. Ami hos pa-pi goribartei mui tore hujoli gorongor. 6 Ami tar ugumani doge-doge solana olode hospanagan. Tumi sieno doge-doge solibartei, uguman tumi agottun dhori suinnio daw.
7 Jisu Kristo manei hule jormeiegidie sien no manie balukjon beg jagai jagai jeion. Siennie manus olode manus thogeie ar Kristor biruddi. 8 Ami ham gorseidie jinijchani no arei para seio! Hintu puro gori hujhi bedon pei para uije thagkuo. 9 Je Kristor sigkieni no mane ar bhonggo gore, tar siot Itchior nei. Je Kristor sigkieni mane tar Babpuo ar Puobuoio age. 10 Je tomar idu ei sigkiendoi no eje, tare tomar ghorot gorba no tullio ar noio madeio. 11 Haron je tare madeibo, theo tar hu-haman bhag lobo.
12 Mui tomare legibar shagor age. Mortun legibar mone no hor. Hintu, amar hujhigan puro oi para, mujunge mujungi gori hoda hobartei mui tomar idu ebar asha gorongor.
13 Itchiore bei tulliede tor bon puttune tore salam janadon. Amen.
Error! No text of specified style in document. 2 3 Main Title 1