Itchioro Puobuore
Bischias Gorana
5
Jisu olode Kristo, Itchiorottun jormeiede sibie bili je bischias gore. Ar je jormo diebuoreio hos pai tare jormo dede sibiere hos pebo. 2 Jokke ami Itchior hos pei ar tar ugumani mani, ami hobor pei Itchioro puogun ami hos pei. 3 Itchiorottei hospanagan olode ien: Amar tar ugumani manana ar tar ugumani gour noi. 4 Haron jar jormogan Itchiorottun the songsar jidie. Songsar jidinei joi goranagan olode amar bischiaschan. 5 Honna songsar jidie? Jisu Kristo olode Itchioro puo bili je bischias gore sibie noi ni?6 Pani ar lo loi ejchiede sibie olode Jisu Kristo. The bana paniloi no eje, hintu pani ar lo loi the ejchie. Aptabuo soittio hinottei, Aptabuoi shakki de. 7 Sorgot tin jone shakki dedon. Thara olakke Bab, Hoda ar Pobitro Apta. Thara tin jone ek jon. 8 Pittimit tin jone shakki dedon. Thara olakke Aptabuo, pani ar lo. Tinane ekkan manon. 9 Judi ami manjiortun shakki sei, Itchioro shakkigan bes dangor. Haron Itchioro shakkigan olode tar Puobuor sombonde the shakki die. 10 Je Itchioro Puobuore bischias gore, shakkigan nije tar siot age. Je Itchior bischias no gore, the Itchiorore galluo banai. Haron Puobuor sombonde Itchioro shakkigan the bischias no gore. 11 Ien olode shakkigan: Itchiore amare ononto jibon die ar sei jibonan tar Puobuo siot age. 12 Jadtun Puobuo age tar jibonano age, ar jadtun Itchioro Puobuo nei tar jibonano nei.
Sejo Hoda
13 Itchioro Puobuo nangan bischias gorode sigunore mui ei hodagani legilung, jene tumi hobor po para tomar ononto jibon age ar Itchioro Puobuor nangan onsur bischias goro para. 14 Tar iot ei sahojchan amar age. Judi tar ischie doge ami magi the sune. 15 Judi ami hobor pei ami jien magidongsat the sune. Senottei, ami hoi paridie ami magidie sien tare hujoli gorilong.
16 Judi ek jone tar bheibuoi no morede pab gorte deginei bor magi de, no morede pab gorsiede sigunore the jibon dibo. Morede pabio age. Sienottei bor magi dedok bili mui no hongor. 17 Beg aw-dharmigotagani pab, no morede pabio age.
18 Ami hobor pei je Itchiorottun jormo oie the pab no gore, Itchiorottun jormo peiebuoi nijore-nije rokkie gore. Bojonggoi tare hando no gore. 19 Ami Itchiorottun bili hobor pei. Ar ami hobor pei songsaran bojong manjio adot age. 20 Itchioro Puobuo ejchiede ami hobor pei. Soittiobuo ami hobor pebartei, the amare gyen die. Tar Puo Jisu Kristo iot, jibe soittio siot ami agi. The olode soittio Itchior ar ononto jibon.
21 Puolok, muktigunottun tumi nijore-nije rokkie gorsio. Amen.