3
Sawh, amare Itchioro puo hon para, Babottun ami hottoman hospana pelong! Senottei songsare amare hobor no pai, haron songsare tare hobor no pai. 2 Mor agojorun, ikkie ami hobor pei jokke the dega dibogi, ami tar dogkie obong, haron the thik jedogkie, sedogkie gori degibong. 3 Jar ei ashagan tar ugure thai the nijore sudduo gore, thik the jienie sudduo.4 Je pab gore the niomanio aw-mannio gore ar pabpan olode nioman aw-mannio gorana. 5 Ar tumi hobor po amar pabpani nejeibartei the dega oiegi, tar siot pab nei. 6 Je tar iot thai the pab no gore. Je pab gore the tare no dege ar tare hobor no pai.
7 Gurolok, tomare huno jone hu-podedi no nedok. Je dharmigkan adai, thik the jedogkie dharmig, sibieio dharmig. 8 Je pab gore the Diabolarδ, haron sunibuoi agottun dhori pab gorsie. Ienottei Itchioro puobuo dega diegi, Diabolaδ hamani nas gori de para. 9 Jar jormogan Itchiorottun the pab no gore. Itchioro bijibuo tar siot age. Haron tar jormogan Itchiorottun hinottei the pab gori no pare. 10 Ienot Itchioro puogun ar Diabolaδ puogun hobor pazai: Je dhormogan no adai ar tar bheibuore hos no pai the Itchioror noi.
Hos Pa-pi Gorsio
11 Ei hoboran tumi agottun dhori suinnio: Amar hos pa-pi gorana. 12 Ami Kaino dogkie no ona. The olode bojonggottun ar tar bheibuore hun gorsie. The hittei tar bheibuore hun gorsie? Haron tar hamani bojong ar tar bheibuor hamani dharmig.
13 Bheilog, songsaro manjie tomare bis degilie amok no oio. 14 Ami bheilogkundoi hos pa-pi gori hinottei, ami hobor pei moronottun jibonanot par oi gelong. Je tar bheibuore hos no pai the moranaganot age. 15 Je tar bheibuore bis dege the hun gorie. Tumi hobor po je hun gorie tar siot ononto jibonan nei.
16 Jisu Kristo tar jibonan amattei pheleie. Hospanagan hi jinij ami siendoi hobor pei. Ar amio amar bheilogkunottei amar jibonani pelana osit. 17 Hintu jar ei songsaro jinij age ar tar bheibuoi dorkarot porsiede dege. Ar judi the tar monan tartei nadi thoi, Itchioro hospanagan hingori tar siot thebo? 18 Puolok, bana hodadi bah muendi hos no peinei, hamedi ar jode-pode gori hos peio. 19 Siennie gori ami hobor pebongge jei ami soittioganor. Tar mujungot siene amar monanire dhorjio dibo. 20 Jokkene amar ontoranie amare duji banai, amar ontoranittun bes Itchiorbuo dangor ar the begkani hobor pai.
21 Mor agojorun, amar ontoranie judi amare duji no banai, Itchioro mujungot amar sahojchan thebo. 22 Ami jien tartun magi sien pei. Haron ami tar ugumani mani ar the hujhi oidie sieni gori. 23 Ien tar uguman: Tar Puo Jisu Kristo nangan ami bischias gorana ar the amare ugum dede doge amar hos pa-pi gorana. 24 Je Itchioro ugumani mane the Itchioro siot thai, ar Itchior tar siot thai. Ien olode the amare dede Aptabuo darai the amar loge thai bili hoi paridie podtan.