2
The olode Jisu Kristo, dharmittobuo, amar pokke Babo sidu hoidie sibie. 2 Ar amar pabpanittei nije the olode hujhi oidie dali ar bana amattei noi hintu goda songsaro pabpanitteio.3 Ami judi tar ugumani mani, ami hobor pebongge ami tare hobor peiei. 4 Ek jone hole:’mui tare hobor no pelung.’Hintu judi the tar ugumani no mane, the galluo ar soittiogan tar siot nei. 5 Hintu je tar hoda mane, hamakkai Itchioro meyegan tar siot puripunnuo oi. Siennie gori ami hobor pebong ami tar siot agi. 6 Je tar siot age bili holai, the nije Jisu solliede dogkie gori solok.
7 Bheilog, mui tomare nuo ugum no legongor, hintu ien jei puron ugum jien agottun dhori elo, ar sien tumi agottun dhori suinnio. 8 Aro mui tomare ekkan nuo ugum legongor. Sien tar iot ar tomar iot soittio oi age. Haron andharan jarloi ar soittio phoran honatto phuttiegi.
9 Ek jone judi hoi the phorot age hintu the judi tar bheibuore hinsie gore, the ejosog andharot agede sie. 10 Je tar bheibuore hos pai the phorot thai, ar tar iot azar hebar huno haron nei. 11 Hintu je tar bheibuore hinsie gore the andharot age ar andharot berai. Andharane tar sogkun han gori die hinottei, the hudu jar hobor no pai.
12 Puolok, tar nanganottei tomar pabpani hema die oie hinottei mui tomare legongor.
13 Bablok, agottun dhori elode sibiere tumi hobor pela hinottei mui tomare legongor. Gabursielok, tumi dujtobuore jidila hinottei mui tomare legongor. Gurolok, tumi Babore hobor pela hinottei mui tomare legongor.
14 Bablok, agottun dhori elode sibiere tumi hobor pela hinottei mui tomare legilung. Gabursielok, tumi olade bolo okto, Itchioro hodagan tomar iot age ar tumi dujtobuore jidila hinottei mui tomare legilung.
Songsaran Hos no Peio
15 Songsaran ar songsaro jinijchani hos no peio. Je songsaran hos pai, Babo hospanagan tar iot nei. 16 Haron ei jinijchani songsarot age: Heyer-lubbo, sogo lubbo ar jibono phodani. Ieni begkani Babottun no eje, hintu songsarottun. 17 Songsaran ar songsaro lubbogani lugi jebo, hintu je Itchioro ischie doge gore the umore-umor thebo.
Kristor biruddiguno
Biruddie Uijkar
18 Gurolok, ibie sejo somoibuo. Tumi suinniode doge Kristor biruddibuo ejer, ar ikkunuio onek Kristor biruddigun ejchion. Sieno darai ami hobor peidie ibie sejo somoibuo. 19 Thara amattun nigili jeion, hintu thara amar oi. Haron thara judi amar oi thedak, thara amar somare thelakkun. Thara jeiondoi hinottei, dega jaidie thara huno jon amar noi.
20 Pobitrobuoi tomare tel guli die ar tumi begkani hobor po. 21 Soittiogan tumi hobor no po bili mui tomare legongor. Hintu soittiogan tumi hobor po ar soittioganottun mijie no oi hinottei mui tomare legilung. 22 Honna galluo? Je Jisure Kristo bili no mane sibie galluo. Ar je Babore ar Puobuore no mane the Kristor biruddi. 23 Je puobuore bharai tar Babpuoio nei, hintu je puobuore haam hai, tar Babpuoio age.
24 Jien tumi agottun dhori suinnio, sien tomar iot thok. Tumi agottun dhori suinniode sien judi tomar iot thai, sale tumi puobuo iot ar Babpuo iot theba. 25 Ien olode the amarloi soittio gorsiede ien, ar sien ononto jibonan.
26 Tomare hu-pode nejeibar sande sigunor sombonde mui ei hodagani tomare legilung. 27 Hintu tel guli denagan tumi tartun peiode sien tomar iot thebo. Tomare huno jone shige no poribo. Hintu sei tel guli denagane tomare begkani sombonde sigei ar sien soittio, mijie noi. Iene tomare sigeiede doge tumi tar iot thago.
Itchioro Puogun