Jilanore Dome Ragana
3
Oh bheilog, tomartun sigkie die no oio, haron ami sigkie diegunor bes gour bijier obo. 2 Amio onek hittendi ujuot hei hinottei je tar hodat bhul no gore, the bujuno manus. The tar goda heyegan domon gori parede sie. 3 Sawh, ami jindi mone hoi sindi nibartei ghoraguno muonit jing sorei di. Jinganor darai ghoragunore ami jindi pai gurei pari. 4 Jahajchano sawh. Sieni baari dangor ar boiero nale nilieo, ekkan sigon pattoliloi majhibuoi jindi mone hoi sindi phirei. 5 Thik sedogkie gori, jilan olode heyeganor sigon ek onggo. Hintu iene bor-bor hoda hoi. Sawh, ekkan sigon agune bor jhar ekkan puri phelei pare. 6 Jilan olode aguno dogkie. Ien olode amar heyet ekkan aw-dharmigor songsar. Jilan olode heyeganor ekkan onggo, jiene goda heyeganore hajor gore. Ienie ama jibono begkanit agun jale dei. Jilano agunan ejede norogottun.7 Haron manjie nanan dhoronor poshu, pheig, buk-sejerei berande sigun ar sagorot poranbolagunore sigkie gorton ar tharare honatto sigkie gorsion. 8 Hintu huno jone jilanore sigkie gori no paron. Ien ekkan manjie dhori ragei no parsie jinij. Ienot morei pelaidie bis boron gori age. 9 Jilandoi Bab Itchiorbuore ami hujhi hoda hoi. Jilandoi Itchioro subhibuo dogkie gori sristi gorsie manuschunore ami geil di. 10 Ekkan muendi ami baini gori ar geil di. Oh bheilog, sieni sedogkie ona osit noi. 11 Ekkan uiphudottun poriskar pani ar tidie pani nigilibo ni? 12 Oh bheilog, ekkuo dumur gajot oliv gulo dori paribo ni? Ekkan angguro ludit dumur gulo dori paribo ni? Thik sedogkie gori ekkan uiphudottun nun pani ar poriskar pani nigili no paribo.
Di-Dhoronor Gyen
13 Tomar mioddie honna gyeni ar buje? The shot podedi solette ieno darai degok. Tar gom haman niroit gyenandoi degok. 14 Hintu tomar ontorot judi bis deganagan ar holigan thai, bar no goris ar soittiogano biruddie gal no madis. 15 Sei gyenan ugurottun no eje, hintu sien olode songsarik, ontorottun ar debedar. 16 Haron jiot bis deganagan ar agudonagan thai, siot jagulugkan ar beg bojongani thebo.