Hebru
Puobuo Sorgo-dudtunottun Begottun dangor
1
Purona amolot Itchiorbuoi onek bar ar onek hittendi munigunor darai amar Purbo-puruschununore hoie. 2 Ei sejor dinunot tar Puobuor darai the amare holo. Itchiore tare beg jinijchanir odhiharo sompotti peiebuo obartei thik gorsie. Ar tar daraio the songsarani baneie. 3 Puobuo olode tar mohimaganor aluogan, ar the olode Bab Itchiorbuor ajol subhibuo. Tar hemodar hodaloi beg jinijchani dori age, ar the nije amar pabpani dhoi phelei dinei, bego ugure Jakjomogkuor denedi boi age. 4 Sorgo-dudtunottun onek bes the gom oie hinottei, sorgo-dudtunottun bes seresto nang, odhiharo sompotti doge the peie.5 Haron Bab Itchiore huno sorgo-dudtore huno din no hoi,
"Tui olede mor puo, edchie mui tore jormo dilung."
Aro the huno sorgo-dudtore no hoi,
"Mui tar Bab om, ar the mor puo obo."
6 Hintu Bab Itchiore polim morod puobuo songsarot anniede lokkene aro the hoie,
"Itchioro beg sorgo-dudtune tare tobona gortok."
7 Ar sorgo-dudtunor sombonde the hoie,
"Tar sorgo-dudtunore apta uo bajei die. Ar tar sagorsiegunore aguno jil uo bajei die."
8 Hintu Puobuore the hoie,
"Oh Itchior, tor singasonan umore-umor age. Dharmigo rajaro ludigkuo olode tor rejjiogano rajaro ludig.
9 Dharmigkan tui hos peios, ar niom saragan tui bis degkuos. Senottei Itchiore, tor Itchiorbuoi Tore hujhir telandoi tel guli dibartei tor somarsiegunottun bes guli die."
10 Ar the hoie,
"Oh Probu, adi purbe tui pittimir tolagan bojeios. Ar sorgogani olode Tor ador hamani.
11 Sieni bos jebo, hintu tui thebe. Haboro dogkie gori sieni begkani puron obo.
12 Haboro dogkie gori tui sieni halab goribe, ar sienire bodolei dibe. Hintu tui jei ekkui thebe, ar Tor bojorun thum no obak."
13 Hintu Itchiore huno sorgo-dudtore huno din no hoi,
"Mui tor sottrugun tor thengot tole no thong song mor denedi boji thak!"
14 Beg sorgo-dudtun hi? Thara olakke sebona gorie apta. Muktigan odhiharo sompotti ijebe pebakke sigunore sebona goribartei tharare padei die oie.