Olib No Goribartei Uij Dena
2
Senottei, ami pazarandi no jei para, ami suinneidie hodaganit shanggadik gori mon die poribo. 2 Haron je niom bhonggo gorsie ar je aw-mannio gorsie sigune upojukto sasti peionde sien sorgo-dudtune shokto proman duon. 3 Sedogkie oborug muktigan ami judi obohela gori, sastigan hingori sari paribong? Sien Probuie polim janei die, ar jigune sien suinnion thara sien amare proman duon. 4 Itchioreio sien sinnoloi, amok hamboi, ar onek oborugkoi proman die. Ar tar ischie mote the Pobitro Aptabuottun boksit die.Puobuo Sorgo-
dudtunottun Tole Oie
5 Haron ebar agede songsaran Itchiore sorgo-dudtunore no gojai. Ar sei songsaran olode ami hoidie songsaran. 6 Hintu ek jone Sastrot proman dinei hoie,
"Tare monot rageibartei, manus hi? Bah, tare jotton goribartei, manjior puobuo honna?
7 Tui tare sorgo-dudtunottun ekkena tole phellios. Tui tare mohimaloi ar sormandoi raj-tuk madat di duos. Ar tui Tor adedi ham gorinei baneie jinijchani ugure tare bojeios.
8 Tui tar thengot tole beg jinijchani thoi di duos."
Haron sienit the beg tar tole thoie. Tar tole no thoie hitchu nei. Hintu tobuio ikkie ami begkani tar tole thoiegani degidong noi. 9 Hintu ami Jisure degir. Hanekkonottei tare sorgo-dudtunottun tole pela oie. Itchioro doyer darai the begkunottei moranagan sagi sai para, moranaganor hosto bhug gorinei, mohimaloi ar sormandoi raj-tuk madat die.
10 Beg jinijchani tar darai oie ar tartei. The onek manjiore mohimaganot nejeibo. Puobuo sigunor muktir gorabuo hinottei, the Puobuore hosto bhug gora bajei dinei tharare puripunnuo gorana lak. 11 Haron the olode pobitrogoriebuo ar pobitro odonde sigundoi begkun ek hinottei, the sigunore bhei daganagan the no lajai. 12 The hoi,
"Tor nangan mor bheiunore janei dim. Shoba moiddie mui tore gidodi baini gorim."
13 Aro the hoie,
"Mui tare bischias gorim."
Aro hoie,
"Sah, Itchiore dede puogundoi mui iot agong."
14 Puogunor lo ar era age hinottei, thik sedogkie gori, Jisuio sien bhag loie. Tar moranaganor darai moranagano ugure hemoda elode Diabolared nosto gori di die. 15 Goda jibonanot moranagano dore bondi oi agonde sigunore the Shorei di die. 16 Haron jodepode gori the sorgo-dudtunore sahajjio no gore hintu the Abrahamor bongsogunore sahajjio gorsie. 17 Senottei, Itchioro jinijchor sombonde doyeli ar bischias-joggio Moharajguruthagur oi para, ar manuschunor pabpanittei hujhi gori die oi para, je huno iet the bheilogkunor dogkie uo porsie. 18 Haron sienot the nije porikkiet porinei hosto bhug gorsie, jene porikkiet poronde sigunore the bol di pare para.