Nijo Manuschun Agudonar Sombonde Uijkar
2
Oh bheilog, oborug Probubuo amar Probu Jisu Kristor bischiaschandoi eitzabot gorinei ham no gorsio. 2 Haron ek jone judi tomar shobat sonar andik ar doul habor uri eje, ar ek jone judi hajor habor uri eje, 3 tumi judi doul habor ursie manuschuore sorman gorinei tare ho, “Ei gom jaganot boj.” Ar tumi judo gorib manuschuore ho, “Iot thiei thak,” bah “Mor theng thongge jagano hure boj.” 4 Mono hu-bhabedi bijier gorinei tomar moiddie eitzaboran anibade noi ni?5 Oh mor agojor bheilogkun, mor hodani suno. Itchiore ei songsaro gorib manuschun bischiasodi thagoie obartei ar jigune tare hos pan the soittio dede thara rejjiogan peiegun obartei bei loiede noi ni? 6 Hintu tumi gorib manuschunore aw-mannio gorsio. Thagoiegune tomare hosto lagande ar Kodot bolajure nejande noi ni? 7 Tomare daga jaidie gom nangan thara sorjande noi ni? 8 Sastro onusare rajotto nioman, “Tui nijo dogkie gori tor paralliegunore hos peis,” tumi judi soittio gori puron goro tumi sale gom goror.
9 Hintu tumi judi eitzabor goro salen pab goror. Niomane hoi, tumi niom bhonggo goro. 10 Haron je beg niomani palade bana ekkanot aw-puron thele, the beg niomani no palai para oi. 11 Senottei Itchiore hoi,
“Tui shanda no goris,
Ar tui huno no goris.”
Tui judi shanda no goros hintu tui judi hun gorilie, tui niom bhonggo gorie obe.
12 Shadin dede Niomano darai tomare bijier gora obo. Senottei, osit hoda hoio ar osit ham gorsio. 13 Haron jei manuschunor oinnio jonore sit no pure, tharareo sit no pursie gori bijier gora obo. Sitpuronagan bijieranottun bes dangor.
Bischias ar Ham
14 Oh bheilog, ek jone judi hoi, “Mor bischiaschan age, ” hintu tar haman nei, hi lab obo sei? Sei bischiaschane tare mukti gori paribo ni? 15 Ek bheior bah ek bonor judi uron-pinon bah bhat-pani no thai, 16 ar tomartun ek jone judi tharare hoi, “Shantie jogoi, ume ghume thagkuo. Ped boron ho, ” hintu the judi tharar heyettei lagede sieni no de, hi lab obo sei? 17 Bischiaschanio thik sedogkie. Bischiaschane judi ham no degai, ien nije-nije mora.
18 Ek jone judi hoi, “Tor bischiaschan age ar mor haman age, haman nei gori tor bischiaschan more dega dei.” Salen mor hamandoi mor bischiaschan mui tore degeim. 19 Tui bischias goros Itchior ekkuo, thik, bhudtuneo daw bischias goron, ar dore girgiran.
20 Oh bhola, haman nei gori bischiaschan mora de tui hobor pas ni? 21 Amar Purbo-puruschun Abrahame tar puobuo Isaakore palliengano ugure gojeinei tar hamano darai Itchiore tare dharmig gonniede noi ni? 22 Shah, bischiaschane hamandoi eksomare gorer. Hamano darai tar bischiaschan puripunnuo olo. 23 Sastroie hoiede hodagan puron olo, “Abrahame Itchiorore bischias gorsie hinottei tare dharmigkanot gona oie.” Sebeden tare Itchioro bondhubuo ho oie. 24 Senottei tumi sawh, hamano darai dharmig bili gona oi, bana bischiaschano darai noi.