Nijore Itchiorore Gojei Duo
4
Mara-mari ar hoschie herengkal tomar idu huttun eje? Tomar heyet ongso moiddie porane magkie, il oidie ham goribartei judduo gorede sittun ejede noi ni? 2 Tomartun shokto gori porane mage, hintu porane magkiegan no po. Tumi hun goro, ar tumi jieni lubbo goro sieni no po. Senottei tumi mara-mari ar hoschie herengkal goro. Tumi Itchiorottun no mago hinottei, tomar porane magede sieni no po. 3 Haron tomar porane magkie hamot lageibartei tumi huno ekkan mago. Tumi hu-mone mago hinottei, magilieo no po.4 Oh shanda goriegun, songsarloi bondhu ole, Itchiorloi sottru oi paidie hobor po ni? Senottei, je songsarloi bondhu odosai the nijore-nije Itchioro sottru oi. 5 Sastroi magana- magana no hoi, “Amar bidirie thaidie sibie Pobitro Aptabuoi shokto gori pijhum gore.” 6 Hintu Itchiore amare baari doye gore. Senottei the hoie, “Itchiore phodani manuschunore badha de, hintu niroit manuschunore the doye gore.”
7 Senottei nijore-nije Itchioro sidu gojei duo. Hintu Diabolareδ badha duo, sebeden the tomartun dhei jebo. 8 Itchioro hai ejo, sebeden theo tomar hai ebo. Pabigun, tomar adtani dhoi pelo. Dien monbolagun, tomar monani sudduo goro. 9 Tomar dugo obostagano sombonde monot dug gorsio, gujhi-gujhi ar gujhi-gujhi hano. 10 Probur mujungot niroit oio, ar sebeden the tomare ojolot tulibo.
11 Oh bheilog, sorja-sorji no gorsio. Je tar bheibuore sorjai, ar duji banai, the Niomanore sorjai ar Niomanore duji banai. Hintu tui judi Niomanore duji banas, salen, tui Nioman paleie noi, hintu Niomanore duji baneiebuo. 12 Niom die bana ek jon, ar the mukti gori pare ar nas gorio pare. Salen onnio jonore duji baneiebuo tui honna?
Bhobisodottei Bar Gorana
13 Ien tumi hode sigune suno, “Edchie-hellie ami ekkan sohorot jebong. Ami sidu ek bojor thebonggoi. Beja-hine gorinei tengaδ hamei bonggoi.” 14 Hellie tomar hi obo tumi hobor no po. Tomar jibonan hi sei? Ien olode bhap dogkie, hanekkon dega dinei ar bos jai. 15 Tumi ien hona osit, “Itchioro ischie ole, ami baji thebong, sebeden ien ubuon goribong.” 16 Hintu phodanie ikkie tumi bar goror. Siennie bar goranagan gom noi. 17 Senottei, je gom ham goribar hobor peineio no gore, sien tartei gom noi.