Sej Halor Manuschunor
Aw-pobitro Hamani
3
Hintu ien monot rageis, sejo dinunot aghattie somoi lungibogi. 2 Haron manus nijore nije hos peie obak. Thara obakke tengaδ lubbo, bahadori gorie, phodani, manjiore sorjeie, bab-ma aw mannio gorie, hujhi hoda no hoie ar aw-pobitro. 3 Thara obakke meye sara, mab no die, manjiore duj badei die, nijore domon no gorsie, dor gore para ar gom’an hos no pebak. 4 Thara obakke bischias ghatok, moro mara, ar barbuo. Itchiorbuottun bes phorti goranagan hos peie obak. 5 Thara ugure ugure Itchior bhokto holeibak, hintu mure-mure ienor hemodagan no manon. Sedogkie manjiortun pharok os.6 Haron sedogkie manus, ghorot juj gori sominei norom norom miliegunore, jigune pab bugi agon, nanakkan lubboloi pharok gorei nejan sigunore mone monjokka goron. 7 Thara onsur shigon, hintu huno din soittiogan puro gori hobor no pelak. 8 Jannaloi Jambra jedogkie gori Mosir biruddie sollion, thik sedogkie gori sei manuschune soittiogano biruddie solon. Tharar monani hajor oie, ar bischiaschano sombonde ole, tharare bad die jai. 9 Hintu thara bes tigidak noi ar. Haron tharar bhulan manjie jedogkie gori degkuon, thik sedogkie gori sei mansuhuno bhulani degibak.
Timothire Paula Daetto Dilo
10 Hintu tui mor sigkiegan, solon phironan, uddischuogan, bischiaschan, soijjiogun goranagan, hospanagan, dhorjiogan gome-dalei adheios. 11 Antiok, Ikonium, ar Lystra sohoranit more jei uttiesarani gorsion ar mui jei hosto bhugkani gorsiong, sieni tui hobor pas. Hintu Probuie more sieni begkanittun uddhar gorsie. 12 Jigune jodepode gori Kristo Jisu iot bhokti gori thebar san, sigune hosto bhug goribak. 13 Hintu bojong manuschun ar phagara manuschun din din aro bojong obak. Thara oinnio jonore hu podedi nejeibak ar thara nijeio thogibak. 14 Hintu tui jien sigkuos sienot thik gori thak. Haron tui hartun sigkuos tui hobor pas ar sigkieganot tor shokto bischias age. 15 Gurottun dhori Pobitro Sastrogan tui hobor pas. Siene Kristo Jisu iot bischiaso darai mukti paidie gyenan tore dibo. 16 Beg Sastrogan Itchioro nijeschanor darai die oie. Sieni sigkiettei, bujeibartei, songsudonottei, ar dharmigkan sigeibartei hamot lage. 17 Jene Itchioro manus prottiek gom hamortei puro-puri gori jugol oi paron.