2
Senottei, Oh put, Kristo Jisu iot agede doyeganot shokto os. 2 Onek shakkidieguno somare tui mortun suinnioschie hodagani, bischias-joggio manuschunore gojei dis, jene sigune aro oinnio jonoreio sigei parondoi para. 3 Jisu Kristor ek jon gom soinnio dogkie gori hosto bhug gor. 4 Je judduo ham gore, the ei jibono hamot no baje jene, tare je soinniot bhorti gorsie sibiere hujhi goribartei the goribuo. 5 Je jidiejittie harat sominei niom onusare no hele, tare poriskari tuk no duon. 6 Je dajibuo dug ham goribuo, the akke phol pebo. 7 Mui hi hongor bhabi sa. Probuie je huno iet tore bujibar hemoda gyen dibo.8 Mor gom hoborano onusare morattun jiei tulo oiede sei Jisu Kristore monot rageis. The olode Davidor bongso. 9 Sienottei bojong ham gorie dogkie gori banan hai song mui hosto pelung. Hintu Itchioro hodagan banan no hai. 10 Senottei, beiloiegunottei mui begkani soijjio gorongor, jene tharaio Kristo Jisu iot ononto oborugkan somot muktigan pan para.
11 Ien olode ekkan bischias-joggio hoda: Ami judi tar somare mori, amio tar somare bajibong.
12 Ami judi soijjio gori, amio tar somare sason goribong. Ami judi tare bharei, theio amare bharebo.
13 Ami judi bischias sara oi, the bischias-joggio oi thai. Haron the nijore-nije bharei no pare.
Itchioror Monot Porsie Hamgoriebuo
14 Ei hodagani tui bischiasi manuschunore monot tuli dis. Hodar sombonde thara hoschie no bazan para, Probur mujungot tui tharare shokto gori ugum dis. Sien huno moillio sara ar suniegunor baari hoti oi. 15 Itchiorottun monot pore para ham gorie obar sesta gor. Edogkie ham goriei laj pebar noi. Soittio hodagan the thik mote sigkie de. 16 Aw sormanio ar be dhormio hoda-batta bad dis. Haron sedogkie hoda-battai manjiore Itchior aw-bhokti gorai. 17 Sedogkie hoda batta poja ghaδ dogkie bari jai. Hymenaloi Philetu olakke sei doronor manus. 18 Jiei uduonagan honatto oi jeiegoi hon hinottei, hoiek jonor soittiogan thara phelei die bajei duon. Sedogkie gori thara hoiek jono bischiaschan ullei phelei duon. 19 Tobuio, Itchioro shokto tolagan tigi thai. Ienot marga dogkie gori age, “Probuie hobor pai hugun tar.” Ar, “Jara Kristor nangan loion, thara be dhormoganottun pharok odog.”
20 Ekkan bor ghorot bana sona rubuorloi baneie bajon-hodhora no than, gajor ar madiloi baneieio than. Hoiekkuo bajon-hodhora olakke sormanio hamortei ar hoiekkun bajon-hodhora olakke aw sormanio hamortei hamot lagan. 21 Senottei, je nijore-nije sienittun poriskar gore, the sormanio hamor bajon-hodhora obo. Je huno gom hamortei jugol oi thebo, the pobitro ar Girojchuottei dorkaribuo obo.
22 Gaburo halo lubbonittun dhei jeis. Hintu jigune Probure pobitro mondoi dagon, siguno somot dharmigkan, bischiaschan, hospanagan ar shantigan loreis. 23 Murukko ar aw-gyen torga-torgi bad dis. Tui hobor pas, sienittun hoschie baje. 24 Probur sagorsiei hoschie no bazan. Hintu the begkundoi nombro gori sola poribo, sigei pare para uo poribo ar dhorjio tha poribo. 25 Biruddie solonde sigunore the nombro gori porinei shigie poribo jene, soittiogan thara hobor pan para, Itchiore tharare mon phiranagan di pare. 26 Tar ischie doge goribartei, Diabolaδ tharare phajei thoiede sien tharar jhagoron oi pare ar thara tar idi ganottun shorei ei paron.