1 Timothi
1
Mui Paula, amar Mukti gorie Itchiorbuor ugumo darai ar amar ashagan Probu Jisu Kristor ugumo darai mui olungge ek jon Jisu Kristor apostol. 2 Timothi, tui olede bischiaschanot mor soittio puo mui tore legongor. Amar Bab Itchiore ar amar Probu Jisu Kristoi tore doyegan, sitpuronagan ar shantigan dedok.Nogoli Mastoruno Sombonde Uijkar
3 Makidonia dejot mui jangorte lokkene tui Ephesi sohorot thebartei mui tore hujoli gorsiong, jene ek dagie oinnio sigkie no duon para tui tharare ugum duos. 4 Sigunore tui ugum dis jene thara golpo ar aw-phurondi guttir hoda hando no goron para. Sienittun torga-torgi oi ar Bischiasor darai Itchioro daetto pa no jai. 5 Ugumano uddischuogan olode hospanagan. Sien ejede poriskar ontorottun, gom idie-ittanottun ar phagara sara bischiasottun. 6 Hoiek jone sieni tak no peinei, ortho sara hoda hobartei sienittun pazaradi jeion. 7 Dhormo niomo guruthagur obar dhap goron, hintu thara hi hon ar hi shokto gori janei duon sien thara no bujon.
8 Ami hobor pei, Nioman judi gome hamot lagele gom. 9 Ien ami hobor pei, Nioman dharmig manjiortei bana no oi, hintu ien olode niom saragunottei, ohongkarigunottei, Itchior-saragunottei, pabigunottei, aw-pobitrogunottei ar aw-dharmigunottei, bab-ma morei pelande sigunottei ar hungoriegunottei, 10 shanda goriegunottei, morode-morode ar miliei-miliei jur-jande sigunottei, manus bejiegunottei, gal madiegunottei, mijie-shobot heiegunottei, ar je huno ei gom sigkiegano biruddie sienittei. 11 Sei gom sigkiegan olode gom hoborano doge ami baini goridie Itchiorbuor mohimaganor sombonde Itchiore more sien gojei die.
Paulare Probuie Doye Gorsie
12 Amar Probu Jisu Kristoi more hemoda die ar the more bischias-joggio bili mone gorsie hinottei, mui tare hujhi hoda hongor. mui ham goribartei the more thik gorsie. 13 Agendi, mui manjiore sorjeidung, hosto lageidung ar gortung. Mui hobor no pang ar bischias no gorong hinottei mui sieni gorsiong. Senottei Jisu Kristoi more doye gorsie. 14 Ar amar Probur doyegan, Jisu Kristor iot bischiaschan ar hospanagan somot mortei aw-phurondi gori age.
15 Ien ekkan bischias-joggio hoda ar begkunor manana lag: Jisu Kristo songsarot ejchiede pabigunore mukti goribartei, ar sigunor moiddie mui olungge begottun dangor pabibuo. 16 Ei senottei na mui doyegan peiongge jene Jisu Kristoi oghur sorjio-dorjiogani begottun dangor pabibuo ugure degei pare. Ononto jibon pebartei jigune tare bischias jene goribar oion, sigunottei sei hostogan olode ekkan nomuna. 17 Umore-umor song Raja, jibe no more, dega no jai ar bana the olode gyeni Itchior. Tar sorman ar mohima umore-umor song ok. Amen.
18 Oh put Timothi, agendi tor sombonde manjie muni dogkie gori hoi jeionde doge ien mui tore ugum duongor. Thara hoionde doge gom judduo gor. 19 Bischiaschan ar gom idie-ittan dori theinei judduo gor. Hoiek jone sieni bad duon hinottei tharar bischiaschan dubi jeie jahajo dogkie oie. 20 Sigunor moiddie olakke Hymenaloi Alexander. Itchiorore sorjana thara no shigon para, mui tharare Soitano adot gojei duong.