2 Timothi
1
Mui Paula, Itchioro ischie darai, Kristo Jisu iot jibono protiggiagano doge mui olungge ek jon Jisu Kristor apostol. 2 Mor agojor puo Timothi, mui tore legongor. Bab Itchiore ar amar Probu Kristo Jisu tore doyegan, sitpuronagan ar shantigan dedok.Bischias-joggio
Obartei Uschoni
3 Mor Purbo-puruschunune jeannie gori Itchior sebona gorsion, siennie gori muio gom idie-ittoi sebona gorongge Itchiorboure mui hujhi hoda hongor, jei reide-dine mui bor magode tore onsur idot tulong. 4 Tor ugure mui hujhi ong para, tor sogo pani ani mor idot udile, sebar mor baari dhap oi. 5 Phagara sara bischiaschan tor agede sien mor monot age. Sei bischiaschan akke tor borongabuo Loir ar tor mabuo Eunikir elo. Mui mone gorong sei bischiaschan tor nischoi age. 6 Senottei, mui tore monot tuli duongotte, mui tor ugure ad tuli dinei tui peioschie Itchioro borani taza gori de. 7 Haron Itchiore amare dorebar apta no de. Hintu the amare hemodar, hospanar ar nijor domono apta die.
8 Senottei, amar Probur sombonde shakki dibar no lajes. Mui, tar bondibuotteio no lajes. Hintu Itchioro hemodagan loinei, gom hoboranottei mor loge hosto bhug gor. 9 The amare uddhar gorsie ar pobitro dagkoi amare dagkie. Sien amar hamo onusare noi, hintu tar nijor uddischuoi ar doyer darai. Sristi agendi, Kristo Jisu iot the amare tar doyegan die. 10 Hintu ikkie, amar mukti gorie Jisu Kristor dega denagan dega dinei, moranagan nas oie, jibonan ejchie ar gom hoborano darai jibonan ar omoran dega dilogi. 11 Sienottei Be jadtuno sidu prosar gorie, apostol, ar gom hoboran sigeie more thik gora oie. 12 Senottei mui sieni hosto bhug gorsiong, hintu mui no lajang. Haron mui hobor pang, mui hare bischias gorsiong, ar mui mone gorong sei dinno song mui tare jien gojei duong, the nischoi rokkie gori paribo. 13 Mortun suinnioschie gom hodaganir nomunagan tui shokto gori dori thak. Kristo Jisu iot bischiaschanot ar hospanaganot raga. 14 Mui tore duongge gom hodagani amar iot agede Pobitro Aptabuor darai raga.
15 Tui hobor pas Asia dejot elakke sigune, Phygela ar Hermogena somot begkune more phelei jeiondoi.
16 Onesiphoror ghorbobuo Probuie doye gorog. Haron the nitto more mon taza gori diegi ar mui shingolloi banan heiongge sien the no lajai. 17 The Rom sohorot lunginei, more sot-bottie gori togeinei suph peie. 18 Sei dinnuot Probuie tare doye gore para, Probuie tare asirbad duok. Tui gome-dalei hobor pas Ephesi sohorot the more nanakkan ham gori die.