Girojchunore Sorman
6
Jungollo tole jei banidajigun agon, sigune tharar nijor girojchun beg sorman pebar lak bili mone gortok. Itchioro nangan ar sigkiegan bodnam no oi para, thara sedogkie gortok. 2 Ar jigunor bischiasi giroj agon, sigune tharare bhei bilinei aw-pela no gortok. Hintu lab pebakke sigun bischiasi ar agojor hinottei, sie bes thara ham gortok. Ei hodagan tharare sigeis ar hujoli goris.Tenga Lubbogan
3 Judi huno jone oinnio sigkie de, soittio sigkiegan no mane, 4 The phodani ar hitchu hobor no pai. Hintu the hoda sombonde hoschie bajeibar ar torgo goribar sai. Sebeden sittun hinsie, mara-mari, sorja-sorji ar hu-sondeho eje. 5 Sittun manjior bojong monottun thum no oie torga-torgi eje. Soittio sara oi. Thara mone goronde pobitrogane tengaδ hamei de. Siennie manjiortun pharok os.
6 Hintu mono hujhie pobitro ole moha lab. 7 Haron, songsarot ami hitchu no ani, ar ittun hitchu ni no paribongge sieno dega. 8 Amar judi bhat-pani ar uron-pinon thai, sieniloi mon hujhi gori thei. 9 Hintu jigune thagoie obar san, pabo lubbot poron, ar idit bajon. Ar thara nanakkan bojong ar hoti oidie lubbot bajhi nas on ar boij jan. 10 Haron tengaδ lubpan olode beg bojonganir gora. Manjie tenga lubbot bajilie, tenga lubpane tharare bischiaschanottun pharok gorei nejai, ar onek monot dug phude.
Timothire Paular Upodes
11 Hintu tui Oh Itchioro manuschuo, sienittun dhei ja ar dharmigkan, bhoktigan, bischiaschan, hospanagan, dhorjioganor nombrogan loreis. 12 Bischiaschano gom judduogan gor. Itchiore tomar dogkie ononto jibonan dori thak. Itchiore tore sienot dagkie. Onek shakkidieguno mujungot tui gom ham heis. 13 Begkunore poran dede Itchiorbuo mujungot ar Pontio Pilado mujungot gom ham heiede sei Jisu Kristor mujungot mui tore ugum duongor. 14 Amar Probu Jisu Kristo dega no degisong, tore duji ar bodnam gori no paron para, ei uguman manis. 15 Itchiore tar okto ele, Jisure degeibogi. Itchiore olode bana ek jon gori Hemoda-bolabuo, ami baini goridie sibie. The olode rajagunor Raja ar probugunor Probu. 16 The olode ekmattro aw-mor ar huno jone jei no parsie phorot the thai. Huno jone tare no degon ar degaio no jai. Tar sorman ar ononto hemoda ok. Amen.
17 Ei jugkuot jigun thagoie, sigune phodani no on para, ar hoi jaidie dhonani ugure nirbhor no gorinei, hintu beg jinijchani bhug goribartei dede jeda Itchiorbuore bischias goribartei ugum goris. 18 Thara gom ham goron para, gom ham goranat thagoie on para, holi no gorsie gori duon para ar bhag-juk goron para tharare ugum dis. 19 Sedogkie gori tharar nijottei dhon thubeibak jien ebode somoibuot tharattei ekkan shokto tola dogkie obo, jene thara ononto jibonan dori ragei paron.
20 Oh Timothi, jien rokkie goribartei tore die oie sien rokkie gor. Be-dhormio hoda-batta, jagulugkie torga-torgi, jien manjie gyen bili mijie gori hon, sien bad dis. 21 Jigune sei gyenan peion bili hon, sigune bischiaschanottun pharok oi jeion.
Meyegan tor ugure thok. Amen.
8 9