Bischasigunore Seba
goranar Upodes
5
Buro manjiore no gubis. Hintu babo dogkie gori utsaho dis. Gabursiegunore bheio dogkie gori utsaho dis. 2 Hub sudduo mone gabur-miliegunore bono dogkie gori utsaho dis ar buro miliegunore ma dogkie gori utsaho dis.Rani Miliegunore Sorman
3 Jei rani-miliegun jodepode rani-milie, sigunore sorman goris. 4 Hintu rani-miliebuor judi puo-shaba bah nadin than, ghorot akke pobitrogan degana shigodok. Ar tharar buro-burigunore sujodok. Haron siendoi Itchioror mon hujhi oi. 5 Jei miliebuo jodepode rani-milie ar ega-jhara, tar ashagan Itchioro iot. Reide-dine the hujoli gorinei bor magibo. 6 Hintu jei rani-miliebuo anondot thebo, the baji thagkeio mora. 7 Thara duj di no parsie on para, tui ei hodani ugum goris. 8 Hintu je tar nijor sodorsiegunore, bes gori tar nijor ghorbuogunore lobiot no gore, the tar bischiaschan phelei die ar the Aw-bischiasittuno horab.
9 Rani-milie heit bojor boios no ole ar bana ek negkie ole the rani-milie bili legkuo. 10 The gom ham gorsie gori hobor pa ole, puo-shaba dangor-digowl gorilie, aw-sin manjiore lobiot gorilie, sadhu manuschunore the theng dhoi dile, hosto pande manuschunore the sahajjio gorilie, ar je huno gom hamot the lagilie.
11 Gabursie rani-miliegunore no legkuo. Haron tharar poran tak-takkie ole, Kristor biruddie obo, sebeden neg lobar sebak. 12 Thara polim bischiaschan phelei duon hinottei, bijierot poribak. 13 Ieni badeio, thara alsi ona akkieng oion. Thara ghore-ghore beran. Alsigano badeio, thara gop duon ar manjiore hamot thoschie lagan. Thara jieni hobar osit noi sieni thara hon. 14 Senottei, mui mone gorong, tomar gabursie rani-miliegune neg lodok. Thara puo-shaba peinei ar ghor lobiot gortok. Biruddibuoi tharare duj di no pare para, tare sujuk no dedok. 15 Haron hoiekkuo rani-miliei honatto pharok oi jeinei soitano pune-pune jadon. 16 Judi huno bischiasi manjior bah milier rani-milie thele, thara sigunore paladok, jene thara mondolibuor bhar no on para. Sebeden mondolibuoi jigun jodepode rani-milie sigunore sei paribo.
Borjonunore Sorman
17 Jei borjonnune prosar goranat ar sigeinat hosto goron ar gome lobiot goron, sigunore dunuo sorman pebar lak bili gonnio. 18 Haron Sastroie hoi, “Dhan marte gorubuore mu bani no duo.” Ar, “Hamgoriebuoi bedon pana lak.” 19 Ek jon borjono biruddie ekkan duj badei dile, di-tin jon shakki die no thele gojhi no los. 20 Jigune pab goron, sigunore begkuno mujungot gubis, jene oinniogune dhoran para.
21 Itchioro mujungot, Probu Jisu Kristor mujungot ar Itchiore bei loie sorgo-dudtuno mujungot mui tore ugum duongor: Ei hodani dhoris. Haro pokko no os ar haro indi no bajis. 22 Harore hijie-hijchie gori murubbit thik no goris. Manjior pab bhag no los. Nijore sudduo gori rageis. 23 Bana pani no heis ar. Tor pedtuottei ar tui tugut-tugut aw-sug oschie sienottei ekka-ekka angguro ros heis. 24 Hoiek jono pab alge dega jai. Tharar pabpani bijierottei tharar akke-akke jai. Hintu oinniogunor pabpani tharar pijendi pune-pune jai. 25 Thik sedogkie gori, gom hamani alge dega jai. Ar jieni sedogkie noi, sieni ghubei thoi para no jai.