Timothire Upodes
4
Aptabuoi bhangi horte, jeredi hoiek jone bischiaschan bad dinei, manjiore hu-podedi nejande debedagunore ar debo sigkieni mon dibag. 2 Siennie gori pharok oi jande manuschune gal madi-madi phagara goribak. Sedogkie manuschuno idie-ittan gorom luo dago dogkie. 3 Manjie lo-li obar thara mana goribak. Hoiekkani hebar jinij manjie no hebartei thara mana goribak. Itchiore sei hebar jinijchani sristi goridede jigune bischias goron ar soittiogan gome-dalei hobor pan, sigune hujhi hoda hoinei haan para. 4 Itchiore sristi gorsieni begkani gom. Senottei, hujhi hoda hoinei haana, phirei no dena. 5 Haron sieni Itchioro hoda darai ar bor magana darai pobitro gora oie.6 Tui judi ei hodani bheilogkunore sigeis, tui Jisu Kristor gom sagorsie obe. Bischiaso hoda ar gom sigkie hoda tui gome-dalei dorsioschie sieniloi Itchiore tore paleibo. 7 Hintu purona be-dhormio golpo buro-miliegune honde sieni bad dis. Tui nijore-nije dharmig obar sa. 8 Haron heyeganore akkieng gorilie hom lab oi. Hintu dharmigkan begkanittei lab. Ienot, ei hale ar poro halottei jibono soittiogan age.
9 Ien ekkan bischias-joggio hoda, ar puro gori manana joggio. 10 Senottei na, ami dug-hosto gori ar manjie amare hinsie goron. Haron jeda Itchiorbuore ami bischias gori. The olode beg manuschunor Mukti gorie, bes gori jigune tare bischias goron.
11 Ei hodani ugum goris ar sigeis. 12 Tui gabursie bili jene huno jone tore nahaj no goron. Hintu hodat, beboharot, hospanat, aptat, bischiasot ar sudduo bischiasigunore deges. 13 Mui no ejong song, Sastro porei sunona, upodes dena ar sigkie dena mon dis. 14 Borjonnune tore ad tuli dinei, thara muni dogkie gori hoinei tui peioschie boran obohela no goris. 15 Sei hodani gome bhabi sa. Sienit tui lagi thak. Sebeden tui begkanit ujei jor bili bege degibak. 16 Tore tui hial rageis Tui sigeischie sieni eksottie gor. Tui judi ieni goros, tore tui rokkie goribe ar jigune tor hoda sunon, sigunoreo tui mukti goribe.