Bor Magi dibartei
Paular Hujoli
3
Bheilog, sejot Probur hodagan jhadi gori shidie jaipara ar tumi baini gorsiode dogkie gori baini obartei, amattei bor magi duo. 2 Ulluo ar dujto manjiortun ami uddhar goribartei bor magi duo. Haron beg manuschunor bischiaschan nei. 3 Hintu Probu olode bischias-joggio. The tomare shokto goribuo ar dujtobuottun rokkie goribuo. 4 Probur iot tomar sombonde amar bischias age jei, ami tomare jien ugum di tumi goro ar goriba. 5 Probuie tomar ontorani Itchiorbuor hospanaganot ar Kristor dhorjioganot nejeibo.Alsi no Obartei Uijkar
6 Bheilog, amar Probu Jisu Kristor nange ami tomare ugum dir. Jei bheibuoi alsi gori sole, ar tumi amattun peiode dosturo doge no sole, tartun pharok oio. 7 Haron tumi nije hobor po tumi hingori amar doge solana osit. Ami tomar moiddie alsi gori no soli. 8 Ami haror pidie magana gori no hei, hintu ami tomar haror bugi no oi para, dine-reide hadoni gori-gori ham gorsei. 9 Amattun odhihar nei bili noi, hintu tumi amare hingori adeiba, ami nije tomar udahoron obartei ham gorsei. 10 Haron ami tomar loge elongge lokkeneio ami tomare ugum ien diei: Je ham no gore, the no hok.
11 Haron ami suinnieidie jei tomar moiddie alsi gori solon. Thara shobai ham no goron, hintu thara manjiore hamot thoschie lagan. 12 Jei manuschun edogkie, sigunore ami amar Probu Jisu Kristor nange darai ugum dir, ar ujuleir jei thara sube-sabe ham gortok ar nijor pidie hadok. 13 Bheilog, hintu tumi gom ham goranat bol-porsie no oio.
14 Ei sidiganot amar hodagani je no mane, sei manuschuore sinno rageio. The lajai para, tarloi song no porsio. 15 Tobuio, tare sottru bili no gonnio, hintu bhei ijebe uij duo.
Sejor Salam
16 Shanti Probuie the nije tomare je huno iet onsur shanti duok. Probuie tomar begkuno loge thok.
17 Mor beg sidiganit mui dostok duongge dogkie gori, mui Paulai mor nijor adtoi leginei tomare salam janeilung.
18 Amar Probu Jisu Kristor doyegan tomar begkuno ugure thok. Amen.
II Thessalonians 3 2 3 II Thessalonians 3