Niom Sara
2
Bheilog, amar Probu Jisu Kristo ebode sombonde ar ami tar loge eksomare thubeibongge sombonde ami tomartun pujor gorir. 2 Probur dinnuo honatto ejchie bili tumi harai tomar monani jagulug no gorsio. Sei jagulugkan aptar darai, bah hodar darai bah, amattun sidi peiode dogkie darai ei pare. 3 Huno prokare manjie tomare no thogadok. Haron ieni ghodi no gele sei dinnuo edo noi. Akke manjie bischiaschan phelei dibag, pabi manuschuo dega dibogi, jibere dongso gora obo. 4 Manjie Itchior honde bah tobona goronde sienir begkanir ugure biruddie obo ar dangor holeibo. Senottei the nije Itchiorbuor mondirbuot Itchioro dogkie gori bojibogi ar nije Itchior bili degeibogi.5 Mui tomar loge elungge lokkene mui tomare ei hodagani hoiongge tomar monot nei? 6 Ikkie tumi hobor pela, hie pabi Manuschuore dhori age jene the tar nijor somoie dega die oi. 7 Haron niom saraganor oghur gubonane honatto hamot lagi age. Tare dhori agede sibiere nejana no oi song pabi Manuschuore dhori thebo. 8 Sokkene Niom sarabuo dega dibogi, jibere Probuie boij goribuo. Probuie dega dilegi, Niom sarabuore tar muor bhappoi ar the ebode phorandoi tare dongso goribogi. 9 Soitannuor hamor onusare, beg hemodaloi, sinno hamboi ar mijie oborug hamboi sei niom sarabuo ebo. 10 Mukti obartei soittior hospanagan no lon hinottei, nas obakke sigunor moiddie beg be-dhormi thogana hamani goribogi. 11 Sei haronanottei Itchiore tharar sidu shokto bhul bischias padei dibo, jene thara mijiegan bischias jan para. 12 Soittiogan bischias no gorinei, hintu be-dhormienot gom pande sigunore senottei begkunore the sasti dibo.
Shokto Gori Thago
13 Probuie hos peie bheilogkun, ami tomartei onsur Itchioro sidu hujhi hoda huo porer. Haron Aptabuoi nokbhaj gorinei, soittioganor bischiaso darai, mukti pebartei Itchiore tomare agottun dhori bei loie. 14 Amar Probu Jisu Kristor mohimagan pebartei, the tomare amar gom hoborano darai dagkie. 15 Bheilog, senottei shokto gori thago. Ami tomare amar hodaloi ok amar sidiloi ok tomare sigei die oiede sigkiegan dori thago.