Tobonar Sombonde Sigkie
2
Senottei bego akke, mui tore hujoli gorongor: Beg manuschunottei magi dena, bor magi dena, hujoli gori bor magi dena ar begkunottei hujhi hoda hona. 2 Rajagunottei ar jigun odhiharot agon sigunottei bor magi dena jene ami shantie, beg bhokti ar mane-sormane juro gori thei pari. 3 Haron sien amar mukti gorie Itchiorbuor samne gom ar joggio. 4 Tartun mone hoidie beg manuschune mukti pedak ar begkune soittiogan gome-dalei hobor pedak. 5 Haron Itchior age bana ekkuo ar, Itchioro sere ar manjior sere ek jon Mil goridie age. Sibie olode manus Kristo Jisu. 6 The beg manuschunor muktir dam obartei tar nijor poranan die. Okto gori sien shakki oie. 7 Sienor sombonde mui ek jon prosar gorie ar apostol obartei Itchiore more thik gorsie. Kristo iot mui soittio hodagan hongor, gal no madongor. Bischiaschanot ar soittioganot Be-jadtunore sigkie die mui olungge. 8 Senottei mortun mone hoidie jagai jagai manjie pobitro ad alok gorinei, rak ar monot shiongshama nei gori bor magidak. 9 Thik sedogkie gori, mortun mone hoidie, milieguneo osit pojakkoi jogarsie ar moiddie gujoror gori shajidak. Sul seraban dinei ok, sona pinniei ok, mukto ok bah dami habor loi no shajidak. 10 Hintu gom hamendi shajidak. Itchioro pokke bhokti honde miliegunottei sien osit. 11 Begkani maninei miliegune sube-sabe shigodok. 12 Morodore sigeibartei ok, bah ek jon morodo ugure milier odhihar thana mui no manong. Hintu miliebuo sub ona osit. 13 Haron Itchiore Adamore akke baneie, sebeden the Evire. 14 Sabpuoi Adamore no thogai. Hintu Evire thogeinei niom bhonggo gora oie. 15 Tobuio miliegune puo phudeinei mukti pebak, judi thara bischiaschanot, hospanaganot ar pobitroganot nijore domon gorinei eksottie than.