4
Jibe dega dibogi die lokkene ar tar rejjioganot jedagunore ar moragunore bijier goribogi, sei Itchiorbuor samne ar Probu Jisu Kristor samne, mui tore shokto gori hujoli gorongor. 2 Hodagan prosar gor! Somoiot ok aw somoiot ok jugol oi thak. Begkani dhorjio dori theinei sigkie somot bujei dis, gubis ar utsaho tuli dis. 3 Haron emon ekkuo somoi ebo, sokkene manjie gom sigkie soijjio no goribak. Hintu tharar mone monjokka gori tharar sidu onek sigkie die thubeibak. Sei sigkiediegune, han hukkudi more song sunibartei mone hoidie sigunore sigeibak. 4 Manuschune soittiogan hando no gorinei golpo hando goribak. 5 Hintu tui begkanit nijore-nije domon gori theis. Hostogani gaisuei thak. Prosarogo ham gor ar tor haman puro gor.6 Haron more honatto utchorbo dogkie gori dali die oie, ar mor moranagan hai ejchie. 7 Mui gom judduo mone-prane gorsiong. Dumuro-dumurigan mui phureiong, ar bischiaschan mui rokkie gorsiong. 8 Ikkiettun dhori dharmigkano raj tukkuo mortei thoi die oie. Dharmitto Bijier goriebuoi, Probuie sibie more sei dinnie dibogi, bana more noi, hintu jigune tar dega dibogidie sien hos pan sigunore begkunore dibogi.
Nijor Hoda
9 Jhadi gori tui mor idu ebar seis. 10 Dema ei jugkuo hos pai hinottei, the more phelei jeinei thessalonika sohorot jeiegoi. Kresen, Galatia dejot jeiegoi ar Tita, Dalmotia dejot jeiegoi. 11 Bana Luka mor loge age. Markore togeinei tor loge anis. Haron ham goribartei the mortei dorkar oie. 12 Tykhikare mui Ephesi sohorot dipadeong. 13 Troas sohorot Karpa idu mui phelei ejchiongge huttuo ar boiun tui ele ani dis. Samarar boiun hamakkai ani dis. 14 Alexander, tamar ham gorede sibiei more onek hoti gorsie. Tar hamo onusare Probuie tare sujok. 15 Tar pokke uijkare theis. Haron shokto gori the amar hodagani badha de.
16 Mor polim bijieranot huno jone more sahajjio no gorinei begkune phelei jeion. Probuie ien tharare duj no duok. 17 Hintu jene mor darai gom hoboran puro gori prosar oi, ar beg Be jadtune sunon para, Probuie mor hai theinei more bol die. Ar the more singhobuor muottun bajeie. 18 Probuie more beg bojong hamortun rokkie goribuo ar tar sorgo rejjioganottei rageibo. Umore umor song tar mohima ok. Amen.
Sejo Salam
19 Priskaloi Akuilare ar Onesiphoror ghorbuogunore salam janangor. 20 Erastas Korinth sohorot roie. Trophima aw-sug oie hinottei, mui tare Miletus sohorot phelei ejchiong. 21 Jarhal no ette tui mor idu ebar seis. Eubulaloi, Pudene, Linu, Klaudia ar beg bheilogkuneo tore salam janadon.
22 Probu Jisu Kristo tor aptabuor loge, ar doyegan tor loge thok. Amen.