Ajol ar Nogoli
Sundu-sam Habana
3
Bheilog sejot, Probur iot hujhi awh. Ekkan hoda mui tomare legana ageibar noi, hintu ien tomartei rokkier hoda. 2 Huguro dogkie manuschunor pokke, dujto hamgoriegunor pokke ar sundu-sam habonde sigunor pokke uijkare thagkuo. 3 Haron ami jigune Itchioro Aptabuo iot Itchior tobona gori, Jisu Kristor iot hujhi oi ar manjior sestagan bischias no gori, ami olongge ajol sundu-sam happiegun. 4 Judi mui manjior sestaganot bischias gori parong, huno jone judi mone gore jei the manjior sestagan bischias gore, mor tartun bes bischias thebo. 5 Attio dinot more sundu-sam habidie oie, mui Israelo bongso, mui Benjamin goja, mui Hebru jadottun Hebru. Niomano doge mui Pharisi. 6 Utsaho sombonde ole mui mondoli manuschun uttiesar gorsiong, Niomo onusare dharmigo sombonde ole, mui duj sara.7 Hintu mortei lab obode jinijchani, Kristor nange sieni areiong bili mui mone gorong. 8 Jodepode gori jinijchani moillio neie bili mui mone gorong. Haron mor Probu Jisu Kristore hobor pana olode begottun moillioban. Mui tartei begkani areiong, ar mui sieni phelei die jinij mone gorong, jene mui Kristore pang para. 9 Kristor iot more dega jai para, mui sieni phelei die jinij mone gorong. Niomo doge mor dharmigkan nei, hintu mor dharmigkan olode Kristore bischias gorinei Bischiasor darai Itchiorbuottun ejchie. 10 Mui tare hobor pang para, the jiei uduonagano hemodagan hobor pang para, tar hostoganit ar tar moranaganot bhag pang para, 11 jene je huno prokare morattun jiei uduonaganot mui phagot somang para.
Uddischuogan Purona
12 Mui honatto peiong, bah puripunnuo oiong bili noi, hintu jienottei Jisu Kristo more dhori agede sienot muio dhori pang para hemi jangor. 13 Bheilog, ejosong mui dhorsiong bili more mui mone no gorong. Hintu ekkan jinij mui mone gorong, bidi jeie hodagani monot no rageinei, mujunggendi agede sienit lungonagoi. 14 Jisu Kristo iot, sorgot Itchioro dagana poris-karigan pebartei mui hemi jangor.
15 Senottei, jedog jon bujunor oiei ien sintie gori, tumi oinniota bhabilie Itchiore sieno tomare degeibo. 16 Ami jittur song lungilonggi, ega mone ega sittiei sei doge soli.
17 Bheilog, leik adeibartei ami jeannie udahoron tomare diei, sigunore seinei mor leik ado. 18 Haron onek jon Kristor kroschanor sottru oinei solon. Sienor sombonde mui nitto tomare hoiong, ar ikkieio mui hani-hani hongor. 19 Tharar seschan olode nas ona. Pedtuo olode tharar Itchior. Thara no lajande hamanit bar goron ar tharar songsaro jinijchani mone hoi.