4
Oh mor agojor ar dhap gori-gori agongge bheilogkun, tumi olade mor hujhigan ar raj-tukkuo. Senottei, Oh mor agojor bheilogkun, Probur iot shokto gori thiei thago.Paular Ujuluona Ar Baini
2 Euodiare ar Syntychiare Probur iot ek mon obartei mui hujoli gorongor. 3 Tui olede morloi somora-somori eksomare ham gorie. Gom hoboranot mor loge hadoni gorsie miliegunore tuio sahajjio goribartei mui toreio hujoli gorongor. Thara Klement ar oinniogunor somot mor somare ham gorsion. Tharar nangani jibono boibuot age.
4 Probur iot onsur hujhi oio. Aro mui hongor hujhi oio. 5 Tumi shanto sil bili begkune hobor padok. Probu hai agegi. 6 Huno hitchuttei sidie no gorsio. Hintu tomar begkanit bor maginei ar hujoli gorinei hujhi hoda honar somot tumi begkune Itchiorottun hujoli gorinei mago. 7 Jisu Kristor darai Itchioro shantigan jiene begkunottun bes bujie, siene tomar ontorani ar monani rokkie gori dibo.
8 Sejot bheilog, ienir sombonde bhabi sawh: huboni soittio, huboni sormanio, huboni niai, huboni sudduo, hubonie mon hujhi gori de, ar huboni manjie gom hon. Judi huno ekkan uttom jinij thai, ar judi huno ekkan baini goribar jinij thai, sienir sombonde sintie gorsio. 9 Jieni mortun tumi sigko, jienittun peio, jieni tumi mortun suinnio ar mor iot tumi degkuo, sieni gorsio. Ar shanti dede Itchiorbuo tomar loge thebo.
Tharar Upoharanittei
Paular Donniobad
10 Onek din porendi tumi aro mortei sidie goror. Senottei, Probu iot mui shanggadik hujhi olung. Tumi mortei sintie gori theleio, hintu tumi more sahajjio goribar sujuk no elo. 11 Mor hi-hi lager bili mui no hongor. Haron mui jengori thedung sat, mono hujhie thana mui akkieng oiong. 12 Gorib ar thagoie gori thana mui thei janong. Jidu odosat ar je huno iet, alajhalat ok bah nirie tittiet ok, ped boron haana ar ped pora haana mui akkieng oiong. 13 More bol dede Kristor darai mui begkani gori parong.
14 Tobuio, tumi mor hostogani bhag lola hinottei egahora gom oie. 15 Tumi Philippi hulliegune hobor po, gom hoboranor arambot mui Makidonia dejottun ejchuongge lokkene, tumi bade huno mondolie morloi die-di no goron. 16 Haron mui thessalonika sohorot thagke tumi more ek bar sahajjio di padeio. Tumi mor dorkarienittei onek bar sahajjio dipadela. 17 Boksit pebar mor dhap nei, hintu mui sangge tumi alajhala gori tomar nange phol joma gorta. 18 Mor begkani alajhala gori age. Epaphroditar ade tumi more padeiode jinijchani mui peinei mor lagede sieni begkani pelung. Tumi padeiode jinijchani tumbas jinij, gojhi lobar joggio ar Itchiorottun monot pore. 19 Jisu Kristor darai tar oborugkanot dhon agede onusare tomar beg dorkarieni mor Itchiorbuoi tomare dibo.
20 Amar Bab Itchiorbuor umore-umor mohima ok. Amen.
Sejo Salam
21 Jisu Kristo iot beg sadhu manuschunore salam janeio. Mor loge agonde bheilogkune tomare salam janadon. 22 Beg sadhu manuschune, bes gori, Kaisaror ghorot thande sigune tomare salam janadon.
23 Amar Probu Jisu Kristor doyegan tomar begkuno ugure thok. Amen.