Ephisio
1
Mui Paula, Itchioro ischie doge Jisu Kristor ek jon apostol. Ephesi sohorot sadhu manuschunore ar Jisu Kristor bischias-joggiogunore mui legongor.2 Amar Bab Itchiorbuoi ar Probu Jisu Kristoi tomare doye ar shanti deduok.
Kristor Iot Aptar Asirbadtani
3 Kristor iot prottiek sorgoganit, aptar asirbadtaniloi amare asirbad dede Itchiorbuor ar amar Probu Jisu Kristor Babpuor baini ok. 4 Tar mujungot hospanaganot ami pobitro ar duj di no parsie oi para, the amare songsar sristi goribar agendi the amare Kristor iot bei loie. 5 Tar hujhir ischie mote tar nijor iot ami palok puo obartei Jisu Kristo iot akke dhori thik gorsie. 6 Tar doyer mohimagan baini goribartei sien The gorsie. Sienot The amare tar Agojor iot magana die. 7 Tar iot, tar alajhala doyeganor onusare tar loganor darai amare hinnie. Sien olode pabor hemagan. 8 Beg gyenanit ar bhujonaganit alajhala gori tar doyegan amar pokkettiei die. 9 Tar ischie onusare oghur gubonan The amare janei die. sien the nije Kristo iot honatto uddischuo gori thoie. 10 Jene puro gori somoibuo puriponnuo goribartei, sorgot agede sieni ar pittimit agede sieni, begkani Kristor iot sieni eksomare thubei pare para.
11 Tar nijor ischier poranorio onusare begkani gorede sibiei akke dhori thik gorsie hinottei, tar iot ami ekkan odhiharo sompotti pelong. 12 Jene ami jigune akke Kristore asha gorsei tar mohimaganot baini gori para. 13 Soittio hodagan, jien tomar muktiganor gom hoboran sunonar porendi tumio tare bischias gorsio. Tumi bischias gorinei, tar iot tomare soittior Pobitro Aptai marga di thoie. 14 Tar mohimagan baini obartei, Itchioror hinnie jinijchan hine song the olode amar odhiharo sompottiganor marga.
Bor Magana ar
Donniobad Dena
15 Senottei, Probu Jisur iot tomar bischiaschanor sombonde ar beg sadhu manuschunor pokke tomar hospanaganor sombonde sunonar porendi muio tomare hujhi hoda hoiong. 16 Tomar nangani mui bor magode hoi-hoi tomartei hujhi hoda hona thum no gorong. 17 Jene amar Probu Jisu Kristor Itchiorbuoi, jibe oborug Bab, sibiei tomare gyeno apta ar tar sombonde prosar gyen de para. 18 Tomar bujonar sogkun hulo jadok, jene tar daganaganor ashagan ar sadhu manuschunor iot tar hi oborug alajhala gori odhiharo sompotti age tumi hobor po para. 19 Tar hamanot dangor hemodaganor onusare, ami jigune bischias gorsei sienot hi dangor odhihar age hobor po para. 20 Sei hemodagandoi the Kristor iot ham gorsie, ar the tare morattun jiei tulinei, sorgot tar denendi bojei thoiegoi. 21 Beg sason-goriegunor ugure, hemodaganir ugure, odhi-harigunor ugure ar rajagunor ugure bojei thoie. Ei jugkuot ar ebode jugkuot nang thoi dibagke sei prottiek nanganir ugure tare bojei thoie. 22 Beg jinijchani tar thengot tole thoi di dinei, mondolibuottei beg jinijchanir ugure madabuo tare bana oie. 23 Mondolibuo olode tar heyegan. Sien olode tar puripunnuogan je begkunottei begkani puron gore.