Philippio
1
Ami Jisu Kristor banidajigun Paulaloi Timothi, Philippi sohorot agode Jisu Kristor beg sadhu manuschunore, mondoli murubbigunore ar lobiotgorie-gunore legir. 2 Amar Bab Itchior-buoi ar Probu Jisu Kristoi tomare doye ar shanti duok.Donniobad Ar Bor Magana
3 Mui tomare idot tulong bagene mor Itchiorbuore hujhi hoda hong. 4 Mui tomartei onsur bor magi duong bagene hujhi gori tomar begkunottei bor magi duong. 5 Polim dinnuottun dhori ikkie song gom hoboranot tomar song pora-poriganottei mui hujhi hoda hong. 6 Mui bischias gorong jei Itchiorbuoi tomar iot gom ham arambo gorsie the Jisu Kristor dinnuo no ette thum goribuo.
7 Tumi mor ontorot ago hinottei, tomar begkunor sombonde mor ien edogkie gori sintie goranagan osit. Mui gom hoboranottei banan heleio, rokkiettei oleio ar shokto goranat oleio, doyeganot tumi olade begkune mor loge bhag peiegun. 8 Haron Jisu Kristor meyegandoi mui hodog tomare bhabong, Itchiorbuo olode mor shakki. 9 Tomar hospanagan, gyenan ar beg bujonagan bari jai para mui bor magi duong, 10 jene Jisu Kristor dinnuo song tumi uttom jinijchani porikkie sawh para, sorol mone thago para ar bejar no po para. 11 Haron Jisu Kristor darai Itchiore tomare dharmigo pholundoi boron gori thoie, Itchioror mohima ar baini obartei.
Gom Hoboran
Prosar Jhadi Olo
12 Bheilog tumi hobor pebartei mor ien mone hor jei mor jien ghodi jeie sien ajole gom hoboran prosar obartei. 13 Senottei goda raj-ghoro soinnioguno sidu ar oinnio begkuno sidu proman olode jei mui Kristortei banan heiong. 14 Mui banan heiong hinottei Probur iot bheilogkune begbhage sahoj peinei, no doreie gori doromoro oinei Itchioro hodagan ho dorsion. 15 Hoi ek jone hinsie mondoi ar jagulug tuli dibartei Kristore prosar goron. Hintu ek dagie gom monottun prosar goron. 16 Hoiek jon prosar gorie sorol mone noi, nijor labor ashai Kristor hoda prosar gorsion. mui banan heiongge sienot aro hosto barei dibartei tharar uddischuo elo. 17 Hintu onnio prosar goriegune nijor hospanattun prosar gorsion. Thara hobor pan, gom hoboran rokkie goribartei more thik gora oie. 18 Salen hi obo sei? Jengori odosat, gorette san gori ok bah jodepode gori ok Kristor hoda prosar oie hinottei mui hujhi oiong ar onsur hujhi om.
19 Mui hujhi ongge haronan olode tumi mortei bor magi denar phole ar Jisu Kristoi Apta denar phole mui shoran peim. 20 Mui shokto gori bischias gorong ar asha gorong, mui lajot portung noi. Hintu mui onsur sahoj gorongge dogkie gori shokto sahojchoi, ikkieio mui heyedi morinei ok bah bajinei ok Kristore dangor gorinei degeidung. 21 Haron mortei, baji thanagan olode Kristor lab ar mori janagan mortei lab. 22 Hintu mui judi heyedi baji thele, sien obode mor hamano pholan. Mui hubon bei lom hobor no pang. 23 Haron dien jinije more sabi age. Kristor loge jebar mor baari asha age ar sien mortei bes gom obo. 24 Tobuio, mui heyedi baji thana tomartei dorkar. 25 Ar mor ienot shokto bischias age, mui hobor pang mui baji theim ar tomar unjolottei ar tomar bischiaschanit hujhi obartei mui baji theim. 26 Senottei, mui tomar idu aro eim hinottei mortei tomar hujhigan Jisu Kristo iot alajhala obo.
27 Noito, Jisu Kristor gom hoboranottei lobiot nit upojukto oi thago, sebeden mui judi tomare sah ejong, sunimbi. A no ole, mui no theleio tumi ega mone ega sintie gom hoboranottei eksomare shokto gori hosto goror bili mui tomar hamani sombonde sunim. 28 Tomare biruddi goronde sigunore no doreo. Sien olode thara nas obakke promanan. Hintu tomartei ole sien Itchiorottun muktigano promanan. 29 Haron Kristor nange tomare die oiede, tumi bana tare bischias gorana noi, hintu tar nange tumi hostoio goro na. 30 Mor jei jagulugkan tomareo sei jagulakkan. Mui jagulugot porsiongge tumi degkuo ar ikkieio mui jagulugot agongge sunor.