Puo shaba Ar Bab-magunore
6
Oh puolok, ien thik hinottei, Probur iot tomar bab-ma hoda mannio. 2 Protiggia somot polim uguman olode ien, "Tor bab-magun sorman goris. 3 Jene tortei gom oi, ar pittimit tor aiu lamba oi para."4 Oh puo shaba-bola babpun, tomar puo shabagunore rak tulei no duo. Hintu tharare Probur dikkie-sigkieloi palei tullio.
Banidajigun Ar Girojchun
5 Oh banidajigun, Kristore manode dogkie gori, dore girgireinei heyet doge ega mone tomar girojchunor hoda dorsio. 6 Manus hujhi gorie dogkie gori bana sog degat noi, hintu Kristor banidaji dogkie gori, ontoredi Itchioro ischie doge gorede dogkie gori hoda dorsio. 7 Gom mondoi Probure sebona goridie dogkie gori gorsio, manjiore goridie dogkie gori noi. 8 Ien hobor peio, banidaji ok bah shadin manus ok, je gom ham gorto sat, sei onusare the Probuttun pebo.
9 Oh girojchun, tumio tharare sedogkie bebohar gorsio. Tharare dor no lageio ar. Tomario nijor ekkuo Giroj sorgot age bili hobor peio. Tar iot huno eitzabor nei.
Itchiore Die Aittierani
10 Oh bheilog bego sejot, Probur iot ar Probur hemodar bole doromoro awh. 11 Diabolard hu-buddhir pokke thori paro para, Itchiore die puro aittierani pini lo. 12 Haron ami lo ar eraloi boda-bodi no sei. Hintu hemodar biruddie, odhiharigunor biruddie, ei jugor andharanor sason-goriegunor biruddie, ar sorgot aptagunor bojongano biruddie ami boda-bodi sei. 13 Senottei, bojong dinnuot thiei thei paro para, puro Itchioro aittierani lo. Begkani jugol ole, tumi thori thei pariba. 14 Senottei, shokto gori thio. Soittiogan homorot homor pijoni bane para bano, ar dharmigkan buk patti bane para bano. 15 Shantir gom hoboran thengot pininei jugol oi thago. 16 Dujtobuor beg aguno shellun morei phelei di paro para, bischiaschanor ar bugot dede dalan lo. Sien olode begkanittun gunoran. 17 Muktigan rokkie gorede tokkie madat de para madat duo ar Aptabuor horgogan, jien Itchioro hoda, sien lo. 18 Aptabuo iot beg bor magana somot ar hujoli gori bor magana somot onsur bor mago. Thum song uijkare theinei, beg dhorjio somot, ar hujoli gori bor magana somot beg sadhu manuschunottei bor magi duo. 19 Gom hoboranor oghur gubonan mui janei di parong para, sahoj gori mor muon hulinei hoi parong para, hoi paribartei mortei bor magi duo. 20 Gom hoboranottei mui olungge shingolloi bondi oie raj dudtuo. Mor sahoj gori hona lak doge mui hoi parong para mortei bor magi duo.
Sejor Salam
21 Tumi mor hamani hobor pebartei ar mui hingori gorongor sieni tumi hobor pebartei, Tykhika tomare begkani janei dibogi. The olode mor agojor bhei ar Probur iot the ek jon bischias-joggio sebog. 22 Sei uddischuoi mui tare tomar idu padei duong, jene tumi mor hamani hobor po para, ar tomar monani buj pai para.
23 Bab Itchiorbuottun ar Probu Jisu Kristortun bheilogkuno idu shanti ar bischias somot hospanagan thok. 24 Jodepode gori jara amar Probu Jisu Kristore hos pan, sigunor begkuno ugure doyegan thok. Amen.
Ephesians 4 4 5 Ephesians 4