5
Senottei, Itchioror agojor puo ijebe Itchioro leik adeie oio. 2 Kristoi amare hos peinei tare the amattei dede dogkie gori hospanaganot sollio. Itchioro sidu thumbas jinij obartei tare the dali dogkie gori gojeie.3 Hintu sadhu manuschunor lak noi hinottei, shanda ham, ar beg aw-pobitro bah, lubbo hamani tomar moiddie nango no thana dorkar. 4 Hajorchie hoda, murukko hoda, bojong sola-soli hoda, jieni lak noi sieni bad dinei, hujhi hoda huo-hi gorana dorkar. 5 Haron tumi ien hobor po jei, shanda goriettei, aw-pobitro manjiortei, ar mokti pujie, je lubbo gore sigunottei Itchioror ar Kristor rejjioganot huno odhihar nei. 6 Huno jone ortho sara hodaloi tomare no thogadok. Haron sienittei aw-manniogoriegunor ugure Itchioro rakkan eje. 7 Senottei tharar loge bhag loie no oio.
8 Haron eksomoi tumi andharot ela, hintu Probu iot ikkie tumi phor ola. Phoranor puo shaba dogkie gori solo. 9 Haron Aptar pholluo olode begkanit gom, dharmig, ar soittio. 10 Jieni Itchiore gojhi lobar lak sieni hobor peba. 11 Phol neie andharanor hamaniloi song no porsio, hintu sienit duj degei duo. 12 Haron thara gubone goronde sienir sombonde hobario lajor hoda. 13 Hintu jieni duj degei die oi, sieni phoranor darai phogodang gori die oi. Haron jiene phogodang gori de sien olode phoran. 14 Senottei, the hoi,
"Ghum jotte sigun jago, morattun jiei uduo, sebeden Kristoi tomare phor dibo."
15 Senottei, uijkare ado, murukko manjior dogkie gori noi hintu gyeni manjior dogkie gori ado. 16 Somoien gome hamot lago, haron dinun olakke bojong. 17 Senottei aw-gyen no oio. Hintu Probur ischiegan buji loio.
18 Shimie neie modtoi mattol no oio, hintu sei bodoli, Aptabuoloi boron oio. 19 Tomar ontoranit Probure gidodi baini goribartei baini gidtoi, hujhi hoda gidtoi, ar aptar gidtoi ek jone oinnio jonore hoio. 20 Amar Probu Jisu Kristor nange Bab Itchiorbuore begkanittei onsur hujhi hoda hoio. 21 Itchiorbuore dorenei ek jone oinnio jono tole thagkuo.
Mogkun Ar Negkunore
22 Oh neg-bola miliegun, Probur tole thagode dogkie gori tomar nijor negkunor tole thagkuo. 23 Kristo mondolibuor madabuo dogkie gori, negkuoio olode tar mogkuor madabuo. Kristo olode heyeganor Muktigoriebuo. 24 Senottei, mondolibuo jedogkie gori Kristor tole, thik sedogkie gori mogkuneio je huno iet tharar
nijor negkunor tole thadok. 25 Oh mog-bola morodtun, Kristoi jedogkie gori hos peinei mondoli-buottei nijore-nije die, thik sedogkie gori, tomar mogkun hos pa poribo. 26 Kristoi mondolibuore pobitro goribartei paniloi dhonde dogkie gori hodaloi dhoinei poriskar gorsie. 27 Jene the mondolibuore tar nijor sidu oborug mondoli, dak halneie, bah shidie bah je huno sedogkie dak sara gori, pobitro ar duj di no parsie gori gojei di pare. 28 Senottei negkune tharar nijor heyegani hos pande dogkie gori tharar nijor mogkunore hospana osit. Je nijor mogkuore hos pai, the nijore-nije hos pai. 29 Haron huno jone honobar tar nijor heyegan bis degkie gori no thai. Hintu Probuie mondolibuore gorede dogkie gori, tar heyeganore boron pujuon ar lalon-palon gore. 30 Haron ami olongge tar heyeganor, tar saschanor, ar aarunor onggo. 31 Ei senottei, "Ek jone tar bab magunore phelei jeinei, tar mogkuoloi egottor obogoi, ar thara di jone ek heye obak." 32 Ien ekkan oghur gubono hoda. Hintu mui hongorte sien olode Kristor ar mondolibuor hodagan. 33 Jei odosat, tumi prottiek jone tomar nijor mogkuore nijore-nije hos pode dogkie gori hos peio. Ar mogkuoio tar negkuore sorman gorog.