Kristor Heyeganot Egota
4
Senottei, mui Probuttei bondi-buoi tomare shokto gori hujoli gorongor. Tomare daga oiede daganaganot upojukto gori solo. 2 Beg nombrotaloi, norom mone ar dhorjioloi, hospana-ganot soijjio gora-gori gorinei solo. 3 Shantir bannuot Aptabuor egotagan rageibartei sesta gorsio. 4 Ekkan ashat tomare daga oiede doge, ekkan heye ar ekkuo apta age. 5 Ekkuo Probu, ekkan bischias, ar ekkan baptisma age. 6 Bana ekkuo Itchior age. The olode begkunor Bab, ar begkunottun dangor. Begkunor moiddie ar tomar iot the age."Jokkene the ojolot uttiegoi, the bondigunore bondi gori annie. Ar the manjiore dan die."
9 "The uttiegoi," sienor ortho, the akke pittimit toleo lammiegi ni na? 10 Je lammiegi, the nije begkani pureibartei, the beg sorgoganir ugureo uttiegoi. 11 The nije hoiek jon apostol obartei, hoiek jon muni obartei, hoiek jon prosar gorie obartei, hoiek jon palok ar mastor obartei die. 12 Sigune jene lobiot gorede
hamot sadhu manuschunore jugol gora bajei dinei, Kristor heyeganot gorei tuli paron. 13 Bis-chiaschanot ami egota oi song, Itchioro Puobuor gyenan pei song, puripunnuo manus oi song, ar Kristor puripunnuogano soman oi song, the amare sigun die. 14 Jene ami guro dogkie oinei no thei para. Manjior bhulot porinei, phagara-nagara buddhiloi thogeibartei barsei thande boiero dogkie sigkieganiloi urei ninei ar endi-undi nejaidie dogkie no oi para. 15 Hintu hospanaganot soittio hodagan hoi para, Madabuo Kristor iot je huno iet ami begkanit dangor oi para. 16 Tartun goda heyegan jorabode. Prottiek onggoi tar nijor hamani gorede dogkie, prottiek jora-jorie ektade dori thai. Senottei, heyegan barinei, nijore-nije hospanaganot gorei tullie.
Phoro Puo-shabaguno
Dogkie Gori Thago
17 Senottei, Probur iot shakki dinei ien mui tomare hongor: Hali mondoi Be-jadtunor dogkie gori no sollio ar. 18 Tharar bujonagan hala, ar Itchioro jibonottun pharok. Tharar iot aw-gyenan age hinottei tharar akkolani han oie. 19 Thara lajchan onubhob gori no paron hinottei, lubbogandoi thara nije-nije shanda hamot porinei beg aw-pobitro hamani gorsion.
20 Hintu Kristo sedogkie noi bili tumi sigkuo. 21 Tumi tar sombonde suinnio daw. Jisur iot soittiogan agede doge, tar iot thara tomare sigeion. 22 Phagara lubboloi bojong oiede purona Manuschuore phelei duo. 23 Tomar aptabuor monanot puribotton goro. 24 Soittio dharmigkandoi ar pobitrogandoi Itchioro doge sristi gora oiede nuo Manuschuore habor ure para uro.
25 Senottei, mijie hodagani bad dinei, "prottiek jone tar nijor paralliegundoi soittio hoda hok." Haron ami ek jone oinnio jonor onggo. 26 "Rak tullio, hintu pab no gorsio." Belan dubegoi song huttieri gori no thagkuo. 27 Diabolared jaga no duo. 28 Je sur gorsie, the sur no gorog ar. Hintu jien gom sien the tar nijor adtoi hadoni gorog, jene jiber dorkar lage sibiere the huno ekkan jinij dibar thai para. 29 Tomar muonittun aw-joba bhaz no nigileio. Hintu dorkaro onusare gorei tulibartei jei hodagani gom bana sieni hoio jene, suniegunor monot doye eje.
30 Itchioro Pobitro Aptabuore monot dug lagei no duo. Muktir dinnuottei the tomare marga di thoie. 31 Beg tidiegani, huttierigani, rakkani, rage ro sara-sarigani, sorja-sorjiganir loge beg heja-hejchani ekkobare bad duo. 32 Doye ar norom mondoi ek jone oinnio jonore doye gora-gori gorsio. Ar Kristo iot Itchiore tomare hema dede dogkie gori, hema diedi gorsio.