Paula Be-jadtunor Prosarog
3
Ei harone tumi Be-jadtunottei mui Paula olungge Jisu Kristortei bondibuo. 2 Tomartei Itchiore more dede doyegan tumi hamakkai suinnio, 3 Mui tomare legkuongge doge, sei phogodang gorsiegandoi hodog tar oghur gubonan more janei die. 4 Sieni tumi madei sele hobor peba, Kristor oghur gubonan mui hobor pangge sien tumi buji pariba. 5 Ikkie tar pobitro apostolunor ar munigunor aptagunor darai janei die oiede dogkie gori, ago phirigunor amolot manjiore janei die no oi. 6 Sien olode Be-jadtune gom hoborano darai Kristo iot tar soittiogan bhag peie oinei ekkan heyet song somare odhiharo sompotti bhag pebakke sien.7 Tar hemodagan hamo tejor darai more die oinei, Itchioro doyer dananor doge sebokkuo mui oiong. 8 Beg sadhu manuschunor moiddie begottun aw-gunorbuo more ei doyegan Be-jadtuno moiddie prosar goribarlottei die oie. Gom hoboran olode Kristor togei borei no ejchie dhonan. 9 Mui sei gubonan hi bili begkunore bujeidibartei. jien akketun dhori Itchioro siot lugei elo. Itchiore Jisu Kristo darai beg jinijchani sristi gorsie. 10 Ikkie uddischuogan olode mondoli darai Itchioro onek bar gyenan sorgot sason-goriegunore ar hemodabolagunore janei dibartei. 11 Sien olode amar Probu Jisu Kristor iot tar ononto uddischuogan pureibartei. 12 Jisure bischias gorinei amar monor bol age jei tar iot sahoj gori somi paribong. 13 Senottei, mui tomartei hosto pangotte sienit tumi monore bhito no goribartei mui tomare hujoli gorongor. Mor hostogani olode tomar oborugkani.
Ephesi Manuschunottei
Bor Magi Dena
14 Ei senottei, mui amar Probu Jisu Kristor Babpuor mujungot adu hubi salam gorong. 15 Tartun sorgor ar pittimir goda ghorbuob-uoi nang peie. 16 Tar alajhala oborugkanottun tar Aptabuor darai tomar bidirie Manuschuore bolendi shokto gorog. 17 Bischiasor darai Kristoi tomar ontoranit thai para, ar tumi hospanaganot gobhin ar oghur gori singor hubibartei mui bor magi duongor. 18 Ojaran, lambagan, gobhinan ar ojolan beg sadhu manuschundoi buji paro para bor magi duongor. 19 Gyenanottun bes Kristor hospanagan bili tumi hobor po para, ar jene tumi Itchioro puri-punnuogandoi boron aw para bor magi duongor.