Kolosio
1
Mui Paula, Itchioro ischie doge Jisu Kristor ek jon apostol. Ar amar bhei Timothi mor loge age. 2 Kolosa sohorot agode sadhu manuschunore ar Kristor bischias-joggio bheilogkunore legir. Amar Bab Itchiorbuoi ar Probu Jisu Kristoi tomare doye ar shanti dedog.Donniobad ar Bor Magana
3 Tomartei onsur bor magi dede, amar Probu Jisu Kristor Bab Itchiorbuore ami hujhi hoda hoi. 4 Haron Jisu Kristo iot tomar bischiaschan ar beg sadhu manuschunottei tomar hospanagan ami suinniei. 5 Sei ashagan tomartei sorgot thoidie oie hinottei, gom hoborano soittio hodagan tumi agendi suinnio. 6 Sei gom hoboran goda songsarot ejchiede doge tomar idu ejchie. Jei dinnuot tumi sien suinnio ar soittioganot Itchioro doyegan hobor peio, sokkenettun dhori songsarot jedogkie phol der, sedogkie gori tomar moiddieo phol der. 7 Amar agojor somarsie sagorsie, Epaphrajottun tumi sigkuode doge sien oi. The olode tomar pokkettei Kristor bischias-joggio sebog. 8 Theo Aptabuo iot tomar hospanagan amare janei diegi.
9 Ei senottei, amio sien suinni-eidie dinnuottun dhori tomartei bor magi dena thum no gori, beg gyenanit ar aptar bujonaganor darai tumi tar ischieganor gyenandoi boron aw para. 10 Jene tumi Probur lak ijebe solo, tare puro gori hujhi goro, prottiek gom hamot phola phol awh, ar Itchioro gyenan tomar bare para. 11 Tar oborug hemodagano doge, beg bolendi tomare shokto gore para, hujhi gori beg dhorjio ar lamba hosto suei paro para. 12 Phoranot amare sadhu manuschunor somare odhiharigan bhag peie obar lak goreiede Babore hujhi hoda hoi. 13 Haron the amare andharano hemodaganottun uddhar gorinei, tar agojor Puobuor rejjioganot amare par goreie. 14 Tar iot, tar loganor darai amare hinnie. Sien olode pabor hemagan.
Bego Madabuo Olode Kristo
15 Puobuo olode no degkie Itchiorbuor subhibuo, ar beg sristiganir madabuo. 16 Haron dega jaidie jinij bah dega no jaidie jinij, pittimit ok bah sorgot ok tar darai beg jinijchani sristi gora oie. Singason ok bah sason goranagani ok, odhihari ok bah hemoda ok, beg jinijchani tar darai ar tartei sristi gora oie. 17 The beg jinijchanir agendi elo, ar tar iot beg jinijchani eksomare dhori age. 18 Kristo olode heye-ganor madabuo ar heyegan olo mondoli. Beg jinijchanir ugure the polimmuo obartei the olode arambogan, morattun polim jormeiebuo. 19 Haron siendoi Babe hujhi oiede jei, tar iot beg puripunnuogani thedo. 20 Tar darai beg jinijchani tar idu milie-mili odo. Sorgo jinijchani ok bah pittimir jinijchani ok tar darai, tar Krosor lo darai shanti gori die. 21 Ar tumi, dujto hamor darai monedi eksomoi barendi manus ar sottru ela, tobuio the ikkie milie-mili gori dilo. 22 Sien the tar heyedi morinei, tar mujungot the tomare pobitro, duj sara, ar duj di no pas gori gojei dilo. 23 Tumi judi shokto ar gobhin gori bischiaschanot thago, ar tumi suinniode gom hoborano ashaganottun no lorsie gori thago. Jei gom hoboran Itchiore debar tole prottiek sristi gorsie manuschunore janei die oie, sei gom hoborano sebokkuo olungge mui Paula.
Itchioro Hamot Hadoni
24 Mui tomartei hosto peiongge sienot mui hujhi. Tar heyegano pokke, jien olode mondoli, Kristor bagi hostogani mor heyet purei-lung. 25 Itchioro hodagan purei dibartei, Itchiorbuottun tomartei mui peiongge daetto hamano doge mui sagorsie olung. 26 Jei oghur gubonan juge-juge ar piri bagene lugei elo, sien ikkie tar sadhu manuschuno idu phogo-dang gora oie. 27 Tharar sidu Be-jadtuno moiddie ei oghur gubonano oborug dhonan janei dibartei Itchiorottun mone hoie. Oghur gubonan olode: Tomar iot Kristo olode ashaganor obo-rugkan. 28 Prottiek jonore beg gyenanit uij dinei ar prottiek jonore sigeinei ami tar sombonde prosar gori, jene prottiek jon Kristo Jisu iot puripunnuo gori gojei di pari. 29 Sei uddischuoi muio hadoni gorsiong. Tar hamo onusare the mor iot hemodaloi ham gorer.